China-PH war games, inihirit

ni Mai Ancheta @News | July 28, 2023

Pinag-aaralan ng gobyerno ang posibilidad na maglunsad din ng war games ang Pilipinas at China sa kabila ng mainit na usapin sa pinag-aagawang teritoryo sa West Philippine Sea (WPS).

Ayon kay Armed Forces of the Philippines Chief of Staff General Romeo Brawner, ang ideya ng posibleng military exercises sa China ay inilutang sa kanya ni Chinese Ambassador to the Philippines Huang Xilian sa ginanap na 96th anniversary ng People's Liberation Army ng China na ginanap sa isang hotel sa Mandaluyong City.

"Well, they offered us that prospect but we'll have to study further. They said they submitted some white papers so we'll have to study it first," ani Brawner.

Kailangang mapag-aralang mabuti aniya ang mungkahi ng China lalo na at mayroong isyu ng iringan sa mga pinag-aagawang teritoryo sa WPS.

Sinabi ng AFP Chief na sinusunod nila ang polisiya ni Pangulong Ferdinand Marcos, Jr. na "friends to all, enemies to none", kaya sinisikap nilang maayos ang relasyon ng armed forces sa lahat ng bansa sa mundo upang maiwasan ang digmaan.

Matatandaang katatapos lamang ng joint military exercises ng Pilipinas at Amerika sa bansa kung saan naging guest observer ang ilang mga kaibigang bansa ng Pilipinas.

Nag-meeting sa China.. Pinag-usapan nina ex-P-Du30 at Pres. Xi Jinping, 'di ko alam — P-BBM

ni Mylene Alfonso @News | July 19, 2023

Batid ni Pangulong Ferdinand Marcos, Jr. ang pagtungo ni ex-President Rodrigo Duterte sa China. Ito ay kasunod na rin ng pahayag ng Department of Foreign Affairs na walang "official information" ang Beijing trip ni Duterte.

Ayon kay Marcos, welcome sa kanya ang anumang bagong linya ng komunikasyon sa gitna ng isyu sa South China Sea.

Tiniyak ng Pangulo na sasabihin din ni Duterte sa pamahalaan ng Pilipinas ang detalye ng kanilang naging pag-uusap ni Chinese President Xi Jinping at kung paano ito makakaapekto sa bansa.

"No. Nagpermiso? Hindi naman kasi... alam ko naman na pupunta siya. At magkaibigan sila, magkakilala sila," tugon ni Marcos nang tanungin kung binigyan niya ng basbas si Duterte nang magpunta sa China sa isang panayam.

"So, I hope that napag-usapan nila 'yung mga isyu na ngayon na mga nakikita natin, 'yung mga shadowing, 'yung mga kung anu-ano," pahayag ni Marcos.

"All of these things that we are seeing now I hope napag-usapan nila para naman magkaroon tayo ng progress, kasi 'yun naman talaga ang habol natin eh, patuloy ang pag-uusap," ayon pa sa Pangulo.

"If that is President PRRD then good. Hindi importante sa akin kung sino, kung ano, basta't may makausap sila baka makatulong eh. I am sure that he will have ah, hindi naman report, I am sure he will be able to tell us what happened during their conversation and see how that affects us," banggit pa ni Marcos.

China, todo-deny sa cyber attack sa U.S.

ni Jenny Rose Albason @World News | July 14, 2023

Nagsagawa ng imbestigasyon ang White House hinggil sa nangyaring hacking ng ilang emails ng kanilang government agencies at organizations.

Ibinunyag ng Microsoft na galing umano sa China ang hackers na nakapag-access sa mga email accounts ng ilang ahensya sa U.S.

Ito ay kinumpirma ni U.S. National Secretary Adviser Jake Sullivan pero agad nila itong naagapan at nagsagawa na ng imbestigasyon.

Mariin naman itong itinanggi ng China at sinabi na ang U.S. ang isa sa pinakamalaking hacking empire at global cyber thief.

Giit pa ni Chinese Foreign Ministry spokesperson Wang Wenbin, nararapat umanong ipaliwanag ng U.S. ang kanilang cyber attack activities at itigil na ang pagpapakalat ng

mga maling impormasyon.

Sa panig naman ng Microsoft, nakikipag-ugnayan na sila sa U.S. Department of Homeland Security at Cybersecurity and Infrastructure Security Agency.