ICI, talagang kulang sa kapangyarihan — Rep. Diokno

ni Info @News | December 26, 2025

Photo: File / Chel Diokno / FB

NAKALIPAS NA ANG PASKO, WALA PANG NAPAPANAGOT NA ‘BIG FISH’

Sinabi ni Akbayan Partylist Rep. Chel Diokno na kulang ang kapangyarihan ng Independent Commission for Infrastructure (ICI) kaya’t nararapat lamang na i-certify bilang urgent ang House Bill 4453 o Independent Commission Against Infrastructure Corruption Bill para sa isang tunay na independent at makapangyarihang komisyon laban sa katiwalian.

Kasunod ito ng pagbibitiw sa puwesto ni Commissioner Rossana Fajardo at Rogelio ‘babes’ Singson sa ICI dahil tapos na ang mandato nito sa komisyon.

Dagdag pa niya, “Mahalagang tanungin kung ano ang naging resulta ng tatlong buwang trabaho ng Komisyon. Nakalipas na ang Pasko, ngunit wala pang napapanagot na ‘big fish’.”

Nagsisisihan, nagbubukingan, dapat may mauuwi sa kulungan — Diokno

by Info @News | November 15, 2025

Photo File: Chel Diokno / FB

Ito ang naging patutsada ni Akbayan Partylist Rep. Chel Diokno kaugnay ng paggulong ng imbestigasyon sa flood control anomalies sa bansa.

Kasabay ng batuhan ng mga akusasyon, iginiit niya na dapat may managot na hinggit dito.

Sa naturang pahayag ni Diokno, inilista niya rin ang mga panukalang batas na inihain sa Kamara na layong panagutin ang mga kurakot at tuldukan aniya ang bulok at tiwaling sistema.

Diokno sa mga botante ng Maynila: Hindi kami pamilya ng mga magnanakaw

ni Jasmin Joy Evangelista | March 3, 2022

Sa kanyang pagharap sa mga botante ng Maynila, sinabi ni human rights lawyer at senatorial candidate Jose Manuel "Chel" Diokno na ang opposition ticket sa pangunguna ni presidential candidate Leni Robredo ay pangangalagaan at hindi nanakawin ang pondo ng gobyerno.

"Hindi kami katulad ng ibang pamilya riyan na ginagamit ang pwesto sa gobyerno para mangurakot," ani Diokno said.

"Hindi kami tulad ng isang pamilya diyan na ginagamit ang fake news para manloko sa bayan," dagdag niya.

Si Diokno ay anak ni late Senator Pepe Diokno, na nakulong noong panahon ng Martial Law.

Sinabi rin ni Vice President Leni Robredo, na ang kanyang administrasyon ay tututok sa pangangalaga ng public funds.

"Napatunayan po namin sa Office of the Vice President na kahit maliit ang aming budget, marami kaming nagawa dahil pinangangalagaan namin ang pera ng bayan," pahayag ni Robredo kung saan tinukoy nito ang kanilang programang Angat Buhay na nagbibigay ng livelihood at housing assistance, sa mahihirap sa pamamagitan ng partnership sa private sector.

"Kahit napakakaunti noong aming pera, dahil wala doon napupunta sa korapsyon, napapaabot namin siya sa pinakamalalayong lugar dito sa ating bansa na nangangailangan. At meron po kaming isang aral na napulot: Pag ang tao naniniwala sayo, ang tao inspirado na tumulong sa kapwa," dagdag niya.

Ayon pa kay Robredo, hindi niya tatalikuran ang publiko sakaling maluklok siya sa pagka-pangulo.

"Ang amin lang pong mapapangako sa inyo ni Senator Kiko [Pangilinan], ang mapapangako po namin sa inyo na pag kami ‘yung binigyan niyong pagkakataon magsilbi, kung ano ‘yung pinakita namin na klase ng pamamahala mula noong nag-umpisa kami, ‘yun din po ‘yung ibibigay namin: Matino at mahusay na mga lingkod bayan," pahayag pa niya.