Libre at Canapi, mga bagong commissioner ng CHED — P-Du30

ni Lolet Abania | February 15, 2022

Itinalaga ni Pangulong Rodrigo Duterte sina Jo Mark Libre at Marita Canapi bilang bagong commissioners ng Commission on Higher Education (CHED).

Sina Libre at Canapi ay magsisilbi ng 3-taong termino hanggang Hulyo 21, 2025. Sa isang statement ngayong Martes, binati ni CHED chairman Prospero De Vera ang mga bagong commissioners habang pinasalamatan ang mga paalis nang commissioners sa kanilang epektibong pamumuno at pamamahala.

“The commission thanks our outgoing commissioners Perfecto Alibin and Lilian De Las Llagas for showing outstanding leadership and for contributing to the effective governance of the governing boards of their respective State Universities and Colleges (SUCs),” sabi ni De Vera.

“I now welcome our two new commissioners and I am confident that we all continue to learn and educate as one,” aniya.

Papalitan ni Libre si commissioner Perfecto Alibin, habang si Canapi naman ay si Lilian de las Llagas na ang termino nito ay una nang naitakda na magtapos noong Hulyo 21, 2021.

Si Libre, na dating vice president sa Communications and External Affairs ng Jose Maria College Foundation, Inc. sa Davao City, ay nagtapos ng kanyang Bachelor of Arts in Political Science mula sa Ateneo de Davao University (AdDU).

Siya ay binigyan ng scholarship mula sa CHED upang ipagpatuloy ang kanyang Master of Arts in Political Science with a major in Global Politics sa Ateneo de Manila University (ADMU).

Kumuha rin si Libre ng master ng Public Administration mula sa University of Science and Technology of Southern Philippines (USTP) at natanggap ang kanyang Doctor of Public Administration mula sa Ateneo de Cagayan-Xavier University.

Samantala, si Canapi, ang ikalawang pangulo ng University of Rizal System (URS) at nagsilbi rin bilang vice president ng academic affairs sa University of Makati.

Saglit siyang nakapagsilbi bilang vice president naman sa academic affairs ng Pamantasan ng Lungsod ng Marikina.

Hawak din niya ang isang doctorate degree at isang master’s degree in Education with specialization in Educational Management.

Si Canapi ay isang recipient ng National Scholarship mula sa Department of Science and Technology (DOST) para sa Baccalaureate Program in Physics for Teachers mula sa Philippine Normal University (PNU) in consortium sa De La Salle University (DLSU) kung saan nagtapos siyang cum laude.

Kapwa makakasama nila sina De Vera at Commissioners Ronald Adamat at Aldrin Darilag sa CHED.

Online groups na nagpapabayad para gumawa ng school works, buking ng isang guro

ni Jasmin Joy Evangelista | February 3, 2022

Sumali ang isang guro ng senior high school sa mga Facebook groups na nag-o-offer ng paggawa ng mga school paper at requirements kapalit ng pera upang malaman kung paano nag-o-operate ang mga ito at kung sino sa kanyang mga estudyante ang nag-a-avail ng serbisyo ng mga ito.

Ayon sa report, si Dencio (hindi tunay na pangalan), na isang college lecturer, ay naghinala matapos na hindi maipaliwanag ng kanyang mga estudyante ang nakasaad sa thesis ng mga ito.

Dahil dito ay naghinala umano si Dencio na ipinagawa lamang ng mga estudyante ang naturang thesis.

Napag-alaman umano niyo ang online groups na nag-o-offer na magsulat ng essays, papers at iba pang schoolworks na may kapalit na bayad.

Sikreto umano siyang sumali sa mga naturang Facebook groups upang makita kung sino sa kanyang mga estudyante ang naroon.

Ayon kay Education Undersecretary Antonio Diosdado San Antonio, ipinaalam na ng education department sa Facebook ang tungkol sa mga for-hire groups na ito.

Sa ngayon ay wala pang komento ang Commission on Higher Education (CHED) ukol dito.

Sa mga lugar na nasa Alert Level 3... Degree programs may face-to-face classes na simula Jan. 13

ni Jasmin Joy Evangelista | January 12, 2022

Nakatakdang simulan sa January 31, 2022 ang Phase 2 implementation ng limited face-to-face classes sa lahat ng degree programs sa mga lugar na nasa ilalim ng Alert Level 3, ayon sa Commission on Higher Education (CHED).

Sa isang pahayag, sinabi ng CHED na ang mga higher education institutions (HEIs), base sa mga lugar na nasa ilalim ng Alert Level 2, ay puwede nang simulan ang limited in-person classes anytime.

Pinaalalahanan din ng CHED ang HEIs na siguruhing nasusunod ang health and safety protocols sa sandalling magbukas ang limited face-to-face classes.

"Application to CHED is not a requirement for the conduct of the limited face-to-face classes," pahayag nito.

"HEIs intending to hold limited face-to-face classes during the COVID-19 pandemic must be willing to assume the responsibilities for the reopening of their campuses based on their capability to comply with the health and safety protocols, to retrofit their facilities, and to get the support of their stakeholders," dagdag pa nito.

Samantala, ang preventive suspension ng face-to-face classes ay ibabase sa assessment at desisyon ng Crisis Management Committee (CMC) ng HEI at sa konsultasyon nito sa Local Task Force against COVID-19.

Sa ilalim ng guidelines ng CHED, tanging mga fully-vaccinated students, at teaching and non-teaching personnel ay pinapayagang mag-participate sa limited face-to-face classes na nagsimula noong Disyembre.