Lahat ng shellfish at alamang, may red tide — BFAR

ni Ronalyn Seminiano Reonico | May 9, 2021

Nagpositibo sa paralytic shellfish poison (PSP) o toxic red tide ang ilang (18) lugar sa bansa, ayon sa Bureau of Fisheries and Aquatic Resources (BFAR).

Sa latest shellfish bulletin base sa laboratory results ng BFAR, ang lahat ng uri ng shellfish at acetes o alamang mula sa Puerto Princesa Bay, Puerto Princesa City sa Palawan; coastal waters ng Dauis at Tagbilaran City sa Bohol; Tambobo Bay, Siaton sa Negros Oriental; coastal waters ng Calubian sa Leyte; Balite Bay, Mati City sa Davao Oriental; Lianga at Bislig Bays, at coastal waters ng Hinatuan sa Surigao del Sur ay positibo sa PSP “that is beyond the regulatory limit.”

Gayundin naman ang coastal waters ng Daram Island, at Zumarraga, Cambatutay at Villareal Bays sa Western Samar; coastal waters ng Leyte, Carigara at Ormoc Bays, at Cancabato Bay, Tacloban City sa Leyte; coastal waters ng Biliran Islands; at Murcielagos Bay sa Zamboanga del Norte.

Ayon sa BFAR, hindi ligtas kainin ang lahat ng uri ng shellfish at acetes o alamang sa mga nasabing lugar.

Saad pa ng BFAR, “All types of shellfish and Acetes sp. or alamang gathered from the areas shown above are NOT SAFE for human consumption.

“Fish, squids, shrimps and crabs are safe for human consumption provided that they are fresh and washed thoroughly, and internal organs such as gills and intestines are removed before cooking.”

Higit 300 kilo ng manta ray meat, nasabat ng BFAR

ni Ronalyn Seminiano Reonico | April 24, 2021

Nasabat ng Bureau of Fisheries and Aquatic Resources (BFAR) ang higit sa 300 kilograms na manta ray meat sa Zamboanga del Norte at ang mga suspek ay haharap sa “heavy fine” at posibleng pagkakakulong, ayon sa ahensiya.

Nagsagawa ng Oplan Kurantay at simultaneous seaborne operations ang DA-BFAR 9 Fisheries Protection and Law Enforcement Group Team Zamboanga Del Norte, PNP-Maritime Group, at Municipal Agriculturist Office (MAO) sa municipal waters ng Labason, Zamboanga del Norte noong Abril 18 nang umaga.

Bandang 8:30 AM, habang nagpapatrulya, namataan ng awtoridad ang dalawang commercial fishing vessels na F/B RON RON at F/B LIONEL JAMES sa vicinity waters ng Labason. Nang lapitan ng Fishery Enforcers ang mga naturang bangka, nahuli sa akto ang pagpatay ng mga tauhan nito sa manta rays at tinangka pa umanong itapon ng ilang miyembro ng fishing crew ang mga karne nang matunugan ang pagpapatrulya ng awtoridad.

Narekober naman ang 15 kg. ng manta ray mula sa F/B RON RON and 300 kg. mula sa F/B LIONEL JAMES.

Naghain na ang awtoridad ng Notice of Violation dahil sa paglabag sa Sec. 102 (Fishing or Taking of Rare, Threatened or Endangered Species) ng RA 8550 as amended by RA 10654 ng mga boat captains at may-ari ng mga bangka.

Pahayag ng BFAR, “As listed in the Convention on the International Trade in Endangered Species of Wild Flora and Fauna (CITES), Appendix II, Manta rays (Mobula sp.) are identified as belonging to a group of species associated with significant unregulated, unsustainable fishing pressures and severe population depletion.”

Samantala, nai-turn over na sa BJMP-Liloy District Jail ang mga nakumpiskang karne ng manta rays upang maayos na mai-dispose sa tulong ng Municipal Police Station ng Labason.

Saad pa ng ahensiya, “DA-BFAR IX strongly reiterates and warns the general public that it is unlawful to FISH or TAKE, CATCH, GATHER, SELL, PURCHASE, POSSESS, TRANSPORT, EXPORT, FORWARD or SHIP OUT aquatic species listed in Appendix II of the CITES.

“The offender may suffer an administrative penalty of ₱ 300,000 to ₱ 3,000,000 and/or upon conviction by a court of law, punished by imprisonment of FIVE to EIGHT YEARS plus twice the administrative fine.”

Nanawagan din ang BFAR na ipagbigay-alam ang mga ilegal na fishing activities sa FPLEG Hotline No. 0939-936-6832.

Nakakalasong alimango, nagkalat

ni Lolet Abania | February 23, 2021

Nagbabala ang Bureau of Fisheries and Aquatic Resources (BFAR) Region II sa mga residente na nasa coastal area laban sa pangunguha ng iba-ibang uri ng nakalalasong alimango matapos maiulat na namatay ang dalawang bata na nakakain nito noong nakaraang linggo.

Ayon sa ulat, ang dalawang bata ay nasawi makaraang makakain ng isang uri ng nakalalasong alimango na Zosimus aeneus o devil reef crab sa Sta. Ana, Cagayan.

“Isa po siyang nakakalason na crab. Nagtataglay ito ng mga toxins, for example, neurotoxins, mayroon siyang saxitoxin which is kapag nakain itong crab na ito ay talagang magdudulot po ng food poisoning,” sabi ni BFAR Region II officer-in-charge Dr. Jefferson Soriano.

“Base kasi sa sinubmit sa ating samples, maaaring itong species na ito ay naihalo doon sa mga nakuha nila so hindi nila na-identify, na-distinguish itong crab na ito which is poisonous,” dagdag ni Soriano.

Sinabi ni Soriano na ang nangyari sa dalawang bata ay ikalawang naitalang kaso ng food poisoning kung saan kumain ng seafoods sa Sta. Ana town. “The last time is ‘yung ‘buging’ which is isang klase ng goby fish naman which is pareho lang silang nagtataglay ng lason,” sabi ng opisyal.

Ayon pa sa BFAR, ang pagkalason sa devil reef crab ay maaaring pumatay agad sa isang indibidwal ng halos oras lamang. Kabilang sa mga sintomas na mararamdaman ng isang indibidwal matapos na makakain ng poisonous crab ay ang mga sumusunod: • pamamanhid ng dila • paralysis ng mga kamay at mga paa • nahihirapang huminga