8 volcanic quakes, naitala sa Bulkang Taal

ni Ronalyn Seminiano Reonico | July 10, 2021

Nakapagtala ang Philippine Institute of Volcanology and Seismology (PHIVOLCS) ng walong volcanic earthquakes sa Bulkang Taal sa nakalipas na 24 oras simula alas-5 nang umaga kahapon hanggang alas-5 AM ngayong Sabado at kasalukuyan pa rin itong nakataas sa Alert Level 3.

Naitala rin ng PHIVOLCS ang high levels ng volcanic sulfur dioxide (SO2 gas emissions) na may sukat na 4,149 tonelada noong Biyernes.

Ayon sa PHIVOLCS, patuloy pa ring naglalabas ng steam-rich plumes o malakas na pagsingaw ang Bulkang Taal na umaabot sa taas na 1,200 metro.

Samantala, ipinagbabawal pa rin ng PHIVOLCS ang “Pagpasok sa Taal Volcano Island o TVI at high-risk barangays ng Agoncillo at Laurel, pamamalagi at paglaot sa lawa ng Taal, at paglipad ng anumang aircraft malapit sa tuktok ng bulkan.”

Bulkang Taal, 5 beses sumabog sa 1 araw

ni Ronalyn Seminiano Reonico | July 9, 2021

Naitala ng PHIVOLCS ang limang phreatomagmatic eruptions sa Bulkang Taal sa nakalipas na 24 oras at kasalukuyan pa rin itong nakataas sa Alert Level 3.

Nagkaroon din ng 58 volcanic earthquakes at patuloy pa rin ang malakas na pagsingaw o steam-rich plumes sa main crater ng Bulkang Taal na aabot sa 1,200 metro.

Samantala, ipinagbabawal pa rin ng PHIVOLCS ang “pagpasok sa Taal Volcano Island o TVI at high-risk barangays ng Agoncillo at Laurel, pamamalagi at paglaot sa lawa ng Taal, at paglipad ng anumang aircraft malapit sa tuktok ng bulkan.”

Bulkang Taal, sumabog ulit

ni Ronalyn Seminiano Reonico | July 8, 2021

Naitala ng PHIVOLCS ang “short-lived phreatomagmatic eruption” sa Bulkang Taal ngayong Huwebes nang umaga.

Ayon sa PHIVOLCS, alas-6:47 AM nang maganap ang phreatomagmatic burst sa main crater ng Bulkang Taal at umabot sa 200 metro ang plumes nito.

Nananatili namang nakataas sa Alert Level 3 ang Bulkang Taal at ipinagbabawal pa rin ng PHIVOLCS ang “Pagpasok sa Taal Volcano Island o TVI at high-risk barangays ng Agoncillo at Laurel, pamamalagi at paglaot sa lawa ng Taal at paglipad ng anumang aircraft malapit sa tuktok ng bulkan.”