Kahit may pamilya na sa Siargao… ANDI, UMAMING ‘DI 100% ANG SAYA

ni Beth Gelena @Bulgary | July 21, 2026

Photo: IG _andieeigengirl

Naging emosyonal si Andi Eigenmann sa panayam ni Karen Davila sa kanya kamakailan. 

Naiyak siya nang mapag-usapan ang kanyang mga yumaong magulang na sina Mark Gil at Jaclyn Jose.

Bagama’t nakabuo siya ng masaya at kuntentong buhay sa Siargao, ibinunyag ng aktres na palaging may malaking puwang sa kanyang puso dahil sa kalungkutan.

Bukod dito, bilang anak ng mga sikat na artista sa showbiz, inamin ni Andi na palagi niyang kinukuwestiyon ang sarili kung paano niya mabibigyan ng hustisya ang pangalan ng kanyang mga magulang.

Sa pagninilay-nilay sa kanyang sitwasyon, inalala ni Karen na parehong pumanaw ang kanyang mga magulang sa medyo murang edad, si Mark sa edad na 50 at si Jaclyn sa edad na 60 na nag-iwan kay Andi na isang ulila sa edad na 30.

Nang tanungin kung ano ang pakiramdam sa maagang pagkawala ng dalawa niyang minamahal, hindi napigilan ni Andi ang kanyang emosyon. 

“S’yempre, mahirap talaga,” sabi niya habang umiiyak.

“Lagi kong ikinukuwento ang buhay ko rito, ang buhay ko sa isla, na para bang perpekto o masayang buhay ‘to. Masaya ako, kuntento ako. Pero ngayon, may malaking butas na ‘di na kailanman maaayos,” pag-amin niya.

Kahit na iniwan na niya ang showbiz upang mag-focus sa kanyang pamilya, ramdam pa rin niya ang patuloy na responsibilidad na pasanin ang mabigat na pamana ng kanyang mga magulang, lalo na’t pareho silang mga alamat ng industriya.

“Ako dapat ang kanilang pamana, at kung minsan, tinatanong ko ang aking sarili: Dapat ba akong magpatuloy upang mapangalagaan ko ang pangalan nila? Na bigyan ‘to ng buhay kahit matagal na silang wala?” pag-amin pa niya.

Sa huli, napagtanto niya na ang pagbibigay-pugay sa kanila ay hindi nangangahulugang pagbabalik sa kinang at kagandahan ng showbiz.

Sey ni Andi, “My mindset is just that I hope that they can see me flourishing in this life, and that it’s who they are—as authentic and strong people that inspired me to be the same. And somehow, it gets easier... but I miss them.

“I can’t help but imagine him coming here, wanting to go fishing with my husband and trying out surfing, and my mom as well, you know, staying here in Maison Bukana (private villa).”

Natatawa pa niyang sabi habang medyo naiiyak, “I am sad that they never got to this point... or see this life that I’ve built for myself. But I sure hope they’re proud.”

---

ITINANGGI ni Maja Salvador na may ‘sapawan’ sa set ng bagong ABS-CBN drama na Someone, Someday (SS) at iginiit na collaborative at teamwork ang umiiral sa kanilang grupo kahit may mga intense na eksena kasama si Kathryn Bernardo at iba pang cast members.

Sa kanyang panayam, sinabi ng aktres na, “‘Di pinapaandar kunwari ‘yung ego, o mas sikat ako, o mas (magaling), ganyan.”

Pinuri pa niya si Kath bilang ‘captain ng show’ na mahusay mag-lead at nagtataguyod ng maayos na atmosphere sa set.

Ang serye ay pagbabalik ni Maja sa primetime television matapos ang kanyang huling teleserye noong 2022, kung saan inamin niyang may adjustment sa pagbabalik sa trabaho bilang ina, ngunit nagbigay ito sa kanya ng mas malalim na perspective bilang artista.

Dagdag pa ni Maja, “Kaya, walang sapawan. May kani-kanya kaming mga eksena. May kani-kanya kaming mga moments. At ‘pag ibibigay naman ‘yun sa ‘yo, i-grab mo talaga ‘yung opportunity na ‘yun.”

‘Yun naman pala!

Mga BFF lang ang kasama, pamilya out! BEA, NAG-BRIDAL SHOWER SA BANGKOK, THAILAND BAGO IKINASAL KAY VINCENT

ni Beth Gelena @Bulgary | July 20, 2026

Photo: FB / Circulated

Ang galing pala talagang magtago ng sikreto ni Bea Alonzo.

Ilang araw bago pala siya nagpakasal kay Vincent Co, nagkaroon siya ng surprise bridal shower kasama ang intimate friends na ginanap sa Bangkok, Thailand.

Umaapaw nga ang suportang natatanggap ni Bea ngayon mula sa kanyang malalapit na kaibigan sa showbiz at maging sa likod ng camera. 

Nagkaroon sila ng simpleng surprise para sa bride sa Bangkok kung saan nakasakay pa sila sa isang yate.

Sa mga larawang lumabas, kabilang sa mga nakitang kasama ni Bea sina Dimples Romana, Bea Saw (matagal na kaibigan ni Bea), Brina Secosana at ilan pang malalapit niyang non-showbiz friends mula sa kanyang inner circle na hindi lahat ay ipinakilala sa publiko.

Napansin din ng mga netizens na wala sa bridal shower ang ilang celebrity friends ni Bea gaya nina Angelica Panganiban, Enchong Dee, atbp..

Gayunman, wala namang pahayag na may isyu. Mukhang sadyang intimate at maliit ang bridal shower, na para lamang sa kanyang pinakamalalapit na kaibigan.

Sey ng isang netizen, “So happy she’s finally home. Although, I am just very curious kasi knowing her, very family-oriented s’ya. Wala ang mama n’ya na isa sa pinakamahalagang tao sa buhay n’ya? I hope na okay lang sila ng pamilya nila para complete happiness.”

---

Tamang yabang lang daw…

BANGS, TODO-FLEX NA BRITISH CITIZEN NOON, BALIK-‘PINOY NGAYON, SOPLA SA NETIZENS

Tila every year ay isine-celebrate ni Bangs Garcia ang pagiging British citizen niya.

Aniya sa kanyang Instagram (IG) Stories, “I just realized it’s almost been 2 years since I became a British citizen and it all happened in July too. Just 3 days apart - July 17, 2024, I became a British citizen, July 14, 2026, I reacquired my Filipino citizenship.

“And here is a fun little coincidence, I only noticed that I wore the exact same pair of heels to both my Oath of Allegiance ceremonies for the UK (United Kingdom) and the Philippines! I guess these heels were destined for dual citizenship too.”

Tila nayabangan naman ang mga netizens sa ipinost na larawan ng dating aktres. Ilan sa mga reaksiyon ay…

“Kailangan bang ipaalam ang buhay mo?”

“Sorry, pero pang-inggit ang POV (point of view) mo.”

“Ilang years na n’yang ginagawang bragging rights ‘yang British citizenship n’ya, tapos balik-dual din pala. Balik-‘Pinas siguro ‘yan.”

“Eto na naman si Geotag Queen (mga mahilig maglagay ng location), LOL.”

“‘Di maka-move on si ate sa citizenship n’ya. Char!”

“Eto ba ‘yung mahilig mag-geotag? Pilit na pilit ang pa-British accent! At kung maka-London, ‘di naman taga-London. Hahaha!”

“Well, citizen na s’ya ru’n, ikaw hanggang ‘Hahaha!’ na lang.”

“Maganda s’ya kaya lang baduy.”

“Nakalimutan n’ya ang location.”

“Feel na feel ni Ms. England.”

“‘Day, kailangan talagang ipangalandakan ang mga ganyan?”

“OA (overacting) talaga ‘to si Geotag Queen. USC (U.S. Citizen) na ako since 2019 at ‘di ko na kailangang i-post pa. Walang nakaaalam nito sa pamilya ko sa ‘Pinas.”

Ganern?

Nauntog na… AIKO, SOBRANG PAYAT, THYROID NADALE

ni Beth Gelena @Bulgary | July 19, 2026

Photo: IG _aikomelendez

Nagkaroon ng problema sa thyroid ang aktres-pulitiko na si Aiko Melendez, na ibinahagi niya sa kanyang Facebook (FB) account.

Aniya sa kanyang FB post, “Today, I had my consultation with Dr. Allan Dampil, my endocrinologist, as we continue to address my thyroid condition. This journey has reminded me that listening to our bodies and seeking the right medical care is an act of self-love, not weakness.

“To everyone who has been praying for me, checking in on me, and sending messages of encouragement, thank you from the bottom of my heart. Your prayers and kindness truly mean so much to me.”

Kung may gusto raw siyang i-share, “Don’t ignore the signs your body is giving you. Early consultation and proper treatment can make a world of difference.

“Trust the process, trust your doctors, and above all, trust God’s perfect timing. One step at a time toward better health.”

Maraming kaibigan at press friends ang nagkomento at nagdasal para sa maaga niyang paggaling.

Mensahe ng netizens…

“Sobrang diet po, Ma’am Aiko Melendez, ang dahilan ng iyong FT3 (Free Triiodothyronine) issue. Kaya nagkaproblema ka sa thyroid. Napansin ko kasi na namayat ka nang sobra. Nu’ng nagkita tayo nu’n ay maayos naman ang iyong katawan. God bless your health.”

“Konsehal Aiko Melendez, nakaka-inspire po ang inyong katatagan at pananampalataya. Bilang isa rin pong may hyperthyroidism, nauunawaan ko ang pinagdaraanan ninyo.

Patuloy akong nananalangin na gabayan ng Panginoon ang inyong mga doktor at maging maganda ang lahat ng resulta. Salamat sa pagpapaalala sa ating lahat na pahalagahan ang ating kalusugan at ‘wag ipagwalang-bahala ang mga senyales ng ating katawan. Patuloy po kayong pagpalain at bigyan ng ganap na kagalingan. God is good!”

“May God heal you from the top of your head to the soles of your feet. I, myself, underwent medical treatment for a thyroid problem 20 years ago. Trust in the healing power of God.”

“Meron ka pang mission in your public service. GOD BLESS!”

---

Mahigit 10 taon na pala ang relasyon nina Jake Vargas at Inah de Belen, at 5 yrs. naman silang magka-live-in. 

Ayon sa aktor, mas tumibay pa ang pagmamahalan nila sa paglipas ng panahon.

Sa Fast Talk with Boy Abunda, inamin ni Jake na hindi nawala ang pagmamahal niya kay Inah at lalo niyang inirerespeto ang partner at ang pamilya nito.

Ayon kay Jake, natural lang na nangyari ang pagli-live-in nila ni Inah at si Janice de Belen ang nag-suggest ng ganitong setup upang mas makilala nila ang isa’t isa.

Tungkol sa kasal, sinabi ni Jake na madalas ay si Inah ang nagtatanong kung kailan sila magpapakasal.

Ang lagi niyang sagot ay “Mangyayari.”

Dagdag pa niya, ayaw nilang madaliin ito at gusto nilang pareho silang handa kapag dumating ang tamang panahon.

Inilarawan naman ni Jake si Inah bilang kanyang ‘pahinga’ at ‘kaligayahan’ at sinabi niyang pakiramdam niya ay may kulang kapag wala ito sa tabi niya.

---

IBINAHAGI ni Mika Salamanca sa kanyang Instagram (IG) ang naging paglahok niya sa isang feeding program para sa mga batang may malnutrisyon sa Helping Land, Tondo, Maynila.

Sey niya, “Yesterday was one of those days na alam kong ‘di ko makakalimutan.

“Alam ko namang may malnutrition. We hear about it all the time. Pero seeing it with my own eyes was a completely different experience.

“Meeting these kids, seeing them underweight, some of them without slippers... Ang sakit pala talaga sa puso. It made me realize how many things we take for granted every single day.”

Ayon pa kay Mika, hindi lamang ito isang araw na outreach activity. Layunin ng programa na tuluy-tuloy na matulungan ang mga bata sa pamamagitan ng pagbibigay ng masustansiyang pagkain at gatas, paglalaan ng gamot at regular na pagmo-monitor sa kanilang kalusugan, pamimigay ng tsinelas at school supplies, at patuloy na suporta sa mga pamilya ng mga benepisyaryo.

Ibinahagi rin ni Mika na naging makabuluhan ang karanasang ito para sa kanya.

Marami ring netizens ang nagpahayag ng paghanga sa young actress-singer dahil sa paggamit niya ng kanyang plataporma upang suportahan ang isang programang naglalayong magbigay ng pangmatagalang tulong sa komunidad.

Sey pa ni Mika, “I left Tondo with a heavy heart.”

“‘Di dahil nawawalan ng pag-asa, but because I realized this is happening around us every single day. We know it exists, but sometimes it doesn’t get the attention it deserves until we're standing right in front of it.”

Panawagan pa niya, “If you're in a position to help, even in a silent way, please do. You don’t have to change the whole world, but you can absolutely help change someone’s world.

“To the kids we met, thank you for reminding me what resilience looks like.”

Pinasalamatan din niya ang mga taong tumutulong sa feeding program para sa mga batang may malnutrisyon.

Aniya, “Thank you. The work you do matters more than words can ever express.”

Pinuri ng mga netizens ang kababaang-loob ni Mika.

“Thank you, Miks, for this. Nakaka-inspire and please continue doing this.”

“Our big winner with a big, big heart.”

“Thank you for your voice.”

“Your kindness and genuine heart inspire so many people. Continue to be a blessing to others, and may God continue to shower you with more blessings beyond your prayers and expectations.”

“Ang ganda ng puso mo, Mika.”