Balasahan sa BuCor

ni Gina Pleñago @News | February 28, 2026

Photo: File

Ipinatupad ang reshuffle sa matataas na opisyal ng Bureau of Corrections (BuCor) habang dalawang mataas na opisyal ang inalis sa pwesto.

“The change of leadership aims to ensure that the correction facilities continues to uphold its twin-mandate of safekeeping and reformation while maintaining public trust and confidence,” paliwanag ni BuCor Director General Gregorio Catapang, Jr.

Inalis sa posisyon sina Correction Supt Ricardo Sespene, Jr., dating Superintendent ng Leyte Regional Prison, at CT/SSUPT Marjorie Ann Sanidad, na namuno sa Correctional Institution for Women.

Habang hinihintay ang resolusyon sa inimbestigahang reklamo, inilipat si Sespene sa Bucor Land Control and Management Center Anti-Squatting Unit sa BuCor National Headquarters sa Muntinlupa City, habang si Sanidad ay itatalaga sa New Bilibid Prison Hospital.

Ang reshuffle ay magpapatuloy na may ilang karagdagang pagbabago: Si C/SSUPT Roger Boncales, ang kasalukuyang Superintendent ng NBP ay ililipat sa Sablayan Prison and Penal Farm sa Occidental Mindoro.

Si Boncales ay papalitan ni Iwahig Prison and Penal Farm Superintendent, C/SUPT Gary Garcia.

Si C/SUPT Edgardo Mendoza Jr., na kasalukuyang namumuno sa Davao Prison and Penal Farm, ang papalit kay Garcia sa IPPF.

Ang posisyong na bakante kay Mendoza ay pupunan ni C/Supt. Abel Ciruela mula sa Sablayan Prison and Penal Farm.

Si C/SSUPT. Alfredo Devaras na nagsilbing Commander, NHQ at Headquarters Support Company Command ay papalit bilang Superintendent ng SRPPF, ang posisyong nabakante ni Castillote.

783 preso, laya na — BuCor

ni Eli San Miguel - Trainee @News | April 1, 2024

Inihayag ng Bureau of Corrections (BuCor) nitong Lunes na 783 persons deprived of liberty (PDLs) ang nakalaya noong Marso mula sa iba't ibang bilangguan at mga penal farms sa bansa.

Sa isang pahayag, sinabi ng BuCor na nagdadala ito sa bilang ng mga PDLs na nakalaya sa panunungkulan ni Pangulong Ferdinand "Bongbong" Marcos Jr. sa 12,836.

Sa mga nakalaya noong Marso, 132 ang napawalang-sala, apat ang pinalaya sa piyansa, dalawa ang nasa 'conditional pardon,' 528 ang nagserbisyo ng kanilang pinakamahabang sentensya, 20 ang may 'granted probation,' at 97 ang may 'granted parole.'

Samantala, inilipat ng BuCor ang 2,248 PDLs mula sa New Bilibid Prison (NBP) patungo sa Leyte Regional Prison, Iwahig Prison and Penal Farm, Davao Prison and Penal Farm, Sablayan Prison and Penal Farm, at San Ramon Prison and Penal Farm mula Enero.

Kotse ng BuCor chief, binaril

ni Eli San Miguel - Trainee @News | March 19, 2024

Binaril ang isang sasakyan na pag-aari ni Bureau of Corrections (BuCor) Director General Gregorio Pio P. Catapang Jr. nitong Martes ng umaga.

Inihayag ng BuCor na isang Toyota Hilux na may plate number na WDQ-811 ang binaril ng mga hindi kilalang salarin, habang papunta ito para sunduin si BuCor Deputy Director General Al Perreras.

“Catapang said that both he and Perreras have been receiving death threats since they implemented various reforms in the agency and this incident will not deter them from continuing what they started,” pahayag ng BuCor.

“Perreras refused to comment at the moment,” dagdag nito.

Nangyari ang insidente bandang 6:30 ng umaga sa Skyway.

Ayon sa BuCor, wala sa loob ng sasakyan si Catapang o Perreras nang maganap ang pamamaril.

Sa oras ng pangyayari, sakay ng sasakyan ang mga security escorts na sina CO1 Cornelio Colalong at CO1 Leonardo Cabaniero.

Walang iniulat na nasaktan sa insidente.