Higit 500K sa Brazil, pumanaw dahil sa COVID

ni Ronalyn Seminiano Reonico | June 20, 2021

Umabot na sa mahigit kalahating milyon ang mga nasawi dahil sa COVID-19 sa Brazil noong Sabado at nagbabala ang mga eksperto na maaari pang lumala ang second-deadliest outbreak kung hindi papaigtingin ng pamahalaan ang social distancing at ang pagbabakuna sa mga mamamayan.

Dahil 11% pa lamang ng mga Brazilians ang fully vaccinated na laban sa COVID-19, ayon sa epidemiologists, maaari pang madagdagan ang bilang ng mga nasasawi dahil sa Coronavirus.

Ayon sa datos ng Health Ministry noong Sabado, nakapagtala na ang Brazil ng 500,800 death toll at sa kabuuang bilang ay pumalo na rin sa 17,883,750 ang naitalang kaso ng COVID-19.

Noong mga nakaraang linggo, 2,000 katao ang nasasawi sa Brazil dahil sa COVID-19 kada araw. Naitala naman ng Pan American Health Organization (PAHO) ang pagtaas ng kaso ng COVID-19 sa anim na Mexican states tulad ng Belize, Guatemala, Panama at iba pang lugar sa Caribbean.

Nagbabala rin ang PAHO na maaaring lumala pa ang sitwasyon sa Colombia dahil napupuno na ang mga intensive care unit beds. Saad naman ni Gonzalo Vecina, former head of Brazilian health regulator Anvisa, "I think we are going to reach 700,000 or 800,000 deaths before we get to see the effects of vaccination.

"We are experiencing the arrival of these new variants and the Indian variant will send us for a loop." Libu-libong residente ng Brazil ang nagpoprotesta laban kay President Jair Bolsonaro dahil sa pagma-manage nito sa pandemya at sinisisi siya ng publiko sa mataas na death toll.

Samantala, ayon naman sa researcher ng Brazilian biomedical center na Fiocruz na si Raphael Guimaraes, mas mararamdaman ang malalang epekto ng delayed na vaccination program hanggang sa Setyembre.

Aniya pa, "We are still in an extremely critical situation, with very high transmission rates and hospital bed occupancy that is still critical in many places.”

452,031, patay sa Brazil dahil sa COVID-19

ni Mary Gutierrez Almirañez | May 26, 2021

Pumalo na sa 452,031 ang kabuuang bilang ng mga namatay sa Brazil dahil sa COVID-19, ayon sa tala ng Brazil Health Ministry nitong Martes.

Batay sa ulat, 2,173 ang nadagdag sa pumanaw, habang mahigit 1,854 ang daily average ng mga nagpopositibo.

Kabilang sa mga itinuturing na dahilan ng surge sa Brazil ay ang nade-delay na vaccination rollout, kung saan 9.9% pa lamang ang fully vaccinated at 20% naman ang nabakunahan ng unang dose, mula sa 212 million na residente.

Isa rin sa ikinababahala kung bakit mabilis ang hawahan ng COVID-19 sa Brazil ay mula nu’ng naitala ang Indian variant sa 6 crew members na nanggaling sa Hong Kong na nakapasok sa bansa.

Huli na rin nang ipatupad ang mahigpit na quarantine restrictions at health protocol sa bansa.

Samantalang sa ‘Pinas nama’y 18,840 overseas Filipino workers (OFW) na ang naitalang kaso ng COVID-19, kung saan 143 balikbayan ang nadagdag.

Ayon naman sa tala ng Department of Foreign Affairs (DFA), nakarekober na ang 130 sa nagpositibo, habang pinag-aaralan na rin ang kanilang sample kung anong variant ang humawa sa kanila.

5 miyembro ng football team at piloto, patay sa plane crash

ni Ronalyn Seminiano Reonico | January 25, 2021

Patay ang presidente at apat na miyembro ng Palmas football club nang mag-crash ang eroplanong sinasakyan nila papunta sa Brazilian cup game noong Linggo. Patungong Goiania ang Palmas para sa laban kontra Vila Nova na nakatakda ngayong Lunes nang maganap ang aksidente.

Kasama ni President Lucas Meira sa mga nasawi ang mga manlalarong sina Lucas Praxedes, Guilherme Noe, Ranule at Marcus Molinari.

Maging ang piloto ay nasawi rin. Pahayag ng Palmas, “The plane took off and crashed at the end of the runway at the Tocantinense Aviation Association. “We regret to report there are no survivors.”

Samantala, nagpahayag din ng pakikiramay ang Brazilian Football Confederation at FIFA. Pahayag ng FIFA, “FIFA offers its condolences after a plane crash tragically claimed six lives in Brazil - including five members of Palmas Futebol e Regatas. Football extends its deepest sympathies to the victims and their families at this difficult time.”