P-BBM, bumubuti na ang kondisyon — Palasyo

ni Lolet Abania | July 10, 2022

Bumubuti na ang kondisyon ng kalusugan ni Pangulong Ferdinand “Bongbong” Marcos Jr. ilang araw matapos na magpositibo sa test sa COVID-19, ayon sa Malacañang ngayong Linggo.

Sa isang statement, sinabi ni Press Secretary Atty. Trixie Cruz-Angeles na ayon sa personal physician ni Pangulong Marcos na si Dr. Samuel Zacate nitong Sabado ng hapon, “[President’s health has] greatly improved with only mild symptoms with no fever, no loss of taste and smell sensation.”

Ayon kay Angeles, makikita sa resulta ng physical examination na ang lalamunan o throat ni Pangulong Marcos ay aniya, “clear of any inflammation and there was no sign of respiratory distress or pneumonia.”

Gayundin aniya, lumabas sa health bulletin ng Chief Executive, “[His] vital signs are within normal limit and he will be subjected to further laboratory examination as may be needed.”

“His personal doctor, Dr. Zacate, reported Saturday that the President is doing well and very much in stable condition,” ani Angeles, kung saan aniya, pinayuhan rin si Pangulong Marcos na sumailalim sa home isolation ng pitong araw.

Nagpositibo sa COVID-19 si Pangulong Marcos sa antigen test nitong Biyernes, Hulyo 8.

Ayon sa Malacañang, pareho rin ang lumabas na resulta sa RT-PCR confirmatory test.

Sinabi pa ng Malacañang na ang Punong Ehekutibo ay nakararanas ng sinat o mild fever, nasal stuffiness, nasal itchiness, at mild occasional non-productive cough.

Ayon pa kay Angeles, patuloy si Pangulong Marcos sa kanyang home medications habang nasa close monitoring ni Zacate hanggang ang kanyang home isolation period ay makumpleto.

Bukod kay Tirso Cruz III sa FDCP.. Junie Cua sa PCSO at Juan Revilla sa MTRCB, nanumpa na

ni Lolet Abania | July 6, 2022

Pinangunahan ni Pangulong Ferdinand “Bongbong” Marcos Jr. ang oath-taking ng maraming opisyal ng kanyang administrasyon, kahapon, Martes.

Kabilang sa mga nanumpa ay ang aktor na si Tirso Cruz III, na itinalaga bilang chairman at chief executive officer ng Film Development Council of the Philippines (FDCP).

Ang iba pang opisyal na nanumpa na rin sa kanilang tungkulin ay ang mga sumusunod:

• Junie Cua, chairman ng Philippine Charity Sweepstakes Office (PCSO)

• Antonio Manuel Lagdameo, ambassador at Permanent Representative of the Philippines to the United Nations

• Mark Lapid, chief operating officer ng Tourism Infrastructure and Enterprise Zone Authority

• Romeo Lumagui Jr., deputy commissioner for operations, Bureau of Internal Revenue (BIR)

• Juan Revilla, board member ng Movie and Television Review Classification Board (MTRCB)

• Jose Manuel Romualdez, ambassador to the United States

• Abdulghani Salapuddin, administrator at chairman ng Southern Philippines Development Authority (SPDA)

• Jose Arnulfo Veloso, president at general manager ng Government Service Insurance System (GSIS)

• Ramon Zagala, Presidential Security Group commander at senior military assistant

• Amenah Pangandaman, Secretary ng Department of Budget and Management (DBM)

Pangulong Marcos, makikipagkita kay Chinese Foreign Minister Wang Yi

ni Lolet Abania | July 5, 2022

Makikipagkita na si Pangulo Ferdinand “Bongbong” Marcos Jr. kay Chinese Foreign Minister Wang Yi upang mapalakas pa ang ties sa pagitan ng Beijing at Manila.

“Yes I will meet with him and the agenda I’m sure will be to strengthen ties with China and the Philippines and of course, to find ways to resolve the conflicts that we have,” pahayag ni Pangulong Marcos sa isang press briefing ngayong Martes.

“One of the ways that I will consistently suggest is that we have our relationship not only on one dimension, ‘yun lang West Philippine Sea, let’s add to that,” sabi pa ng Pangulo.