Mga aktibong pulis, 'di namumulitika — P-BBM

ni Angela Fernando @News | May 10, 2024

Nagpahayag si Pangulong Ferdinand "Bongbong" Marcos Jr. nitong Biyernes na walang ulat na mga mga aktibong opisyal ng pulisya ang may planong patalsikin siya mula sa kanyang puwesto.

Matatandaang sa isang panayam kay Marcos, itinanong ang kanyang komento sa mga alegasyon ni dating Senador Antonio Trillanes IV ang may mga retirado at aktibong mga matataas na opisyal ng Philippine National Police (PNP) ang nagpaplanong alisin siya sa kapangyarihan.

Ayon kay Marcos, posibleng mga retiradong pulis ang bahagi ng tinatawag na destabilisasyon, kung ito man ay may katotohanan at nangyayari na sa kasalukuyan.

"I don't see— wala kaming report na in the ranks. 'Yung mga retired baka mayroon, mayroong mga gumagalaw, sumasama sa mga destab na ginagawa," saad ni Marcos.

Dagdag niya, "Pero sa ating mga kapulisan at siyempre lalo na sa officer corps, wala naman tayong nakikitang ganun na namumulitika ang mga police."

Pagbabahagi ni Marcos, mas inuuna niyang alalahanin ang pagtupad sa tungkulin ng mga opisyal para sa seguridad ng bansa.

Dating ‘school calendar,’ ibabalik — PBBM

ni Eli San Miguel @News | May 6, 2024

Inihayag ni Pangulong Ferdinand "Bongbong" Marcos Jr. nitong Lunes na mas mabuti para sa mga bata ang pagbabalik sa dating ‘school calendar,’ nang siya’y tanungin sa isang ambush interview tungkol sa rekomendasyon ng Department of Education (DepEd) na pagbabago sa panahon ng pasukan.

“Of course hiningi ko 'yan sa DepEd and I asked Inday Sara to give me already a concrete plan because mukha naman hindi na tayo kailangan mag-antay pa at mukha namang kailangan na,” ani Marcos.

“I don't see any objections really from anyone especially with the El Niño being what it is. Every day you turn on the news, F2F classes are cancelled, F2F classes have been postponed, et cetera. So talagang kailangan na kailangan na. So yes, that’s part of the plan that we're trying to do to bring it back already to the old schedule. I think it would be better for the kids,” dagdag niya.

Nang tanungin kung maipapatupad na ito sa susunod na taon, sinabi ni Marcos, “Hopefully by next year, yes, matatapos na.”

Naunang sinabi ng DepEd na inihain nila kay Marcos ang pagtatapos ng School Year 2024-2025 sa Marso 2025 sa gitna ng mga kahilingang ibalik sa April-May ang bakasyon sa paaralan..

Economic zones ng 'Pinas, bukas sa lahat ng dayuhan — PBBM

ni Angela Fernando @News | May 4, 2024

Nagpahayag si Pangulong Ferdinand "Bongbong" Marcos Jr., na ang iba't ibang economic zones ng bansa ay bukas sa lahat ng dayuhang mamumuhunan.

Ito ay kasabay ng pagtalakay ni Marcos sa mga hakbang ng pamahalaan upang baguhin ang ekonomiya sa isang panayam sa isang South Korean newspaper sa Malacañang ngayong linggo.

Saad ni Marcos, "We have economic zones where anyone can participate."

Binigyang-diin din ng presidente na maaaring gamitin ng mga dayuhang kumpanya ang mga oportunidad sa negosyo at kalakalan na inaalok ng mga economic zones sa Pilipinas, kabilang ang tax code at incentive scheme.

y Claudine at sumuporta sa ibinahagi nitong kuwento.