Mahihirap na mag-aaral, ‘di dapat pahirapan

ni Bong Go @Bisyo Magserbisyo | March 1, 2023

Masaya kong ibinabalita na mayroon na tayong 155 Malasakit Center sa buong bansa, at ang pinakahuling inilunsad ay nasa Dr. George T. Hofer Medical Center sa Ipil, Zamboanga Sibugay noong Pebrero 25. Isa itong panibagong milestone sa ating programa na ngayon ay limang taon na at nakapaghatid na ng tulong sa mahigit pitong milyong Pilipino sa iba’t ibang bahagi ng Pilipinas ayon sa Department of Health (DOH).

Patuloy itong aalalay sa ating mga kababayan, lalo na sa pinakamahihirap at walang malalapitan maliban sa pamahalaan.

Bago nagkaroon ng mga Malasakit Center, marami tayong mga kapwa Pilipino na hirap sa pambayad sa ospital na isang linggong pumipila sa iba’t ibang ahensya ng pamahalaan para lang makakuha ng tulong medikal. Dagdag na pabigat ito sa kanila, lalo pa at labis na ang kanilang pag-aalala sa kanilang kapamilyang nagpipilit labanan ang sakit para mabuhay.

Sinimulan natin ang Malasakit Centers program noong 2018. Isa itong one-stop shop kung saan nasa iisang bubong ang DOH, Department of Social Welfare and Development (DSWD), PhilHealth at Philippine Charity Sweepstakes Office (PCSO) para matiyak na ang tulong medikal mula sa pamahalaan ay abot-kamay ng mas maraming Pilipinong nangangailangan. Nang mahalal ako bilang senador, sa tulong ng aking mga kapwa mambabatas, matagumpay nating na-institutionalize ang programa sa pamamagitan ng Republic Act 11463, na nilagdaan ni dating Pangulong Rodrigo Duterte noong 2019, na ako ang principal author at sponsor sa Senado.

Simula noon, nakapaglagay tayo ng Malasakit Center sa Luzon, Visayas, at Mindanao—at sa lahat ng rehiyon sa ating bansa. Umaasa tayo na patuloy pa itong madaragdagan para mas marami pang kababayan nating nangangailangan ng tulong medikal ang maalalayan.

Palagi kong sinasabi, pera naman ng taumbayan ito, ibinabalik lang sa inyo sa pamamagitan ng mabilis, maayos at maaasahang serbisyo mula sa gobyerno. Sa ganitong paraan, inilalapit lang natin ang serbisyo ng gobyerno sa tao.

At kung ipinaglaban natin noon na huwag itaboy ang mga pasyente na di makabayad ng deposito sa ospital, ngayon naman ay ipinaglalaban natin ang mga estudyante na dapat makapag-aral at mabigyan ng palugit kung wala pa silang pambayad ng matrikula para makakuha ng exam. Nag co-sponsor tayo ng Senate Bill No. 1359, o ang panukalang batas na magbabawal sa “No Permit, No Exam” policy.

Sa ngayon ay maraming pamilyang Pilipino pa rin ang apektado ng pandemya at iba’t ibang krisis, kasama na r’yan ang mga natural na kalamidad, lalo na ang mga bagyo, lindol, baha, sunog atbp.

Habang sinisikap nilang makabangon, bigyan natin sila ng pagkakataon na mag-exam habang kumakayod ang kanilang pamilya ng pambayad sa matrikula. Ang sa atin dito, ayaw nating maantala ang kanilang pag-aaral.

Sa nakalipas na panahon, may estudyante na nag-suicide dahil hindi nakabayad ng tuition. Hindi na dapat maulit ito. Iniiwasan natin na ma-depress ang mga kabataan sa bigat ng pinapasan sa murang edad. Dapat nga, ineengganyo natin silang mag-aral. Ang edukasyon lang ang puhunan natin sa mundong ito, kaya sikapin nating makapagtapos ng pag-aaral ang mga bata. Sila ang kinabukasan ng bayang ito. Bigyan natin ng suporta at palugit para hindi mapunta ang pressure sa kanila.

Bilang Chair ng Senate Committee on Health, at miyembro rin ng Senate Basic Education Committee at ng Higher Education Committee, ang pangunahing layunin ko ay mapangalagaan ang pisikal at mental na kalusugan ng mga kabataan, at ang kanilang pagkakaroon ng maayos na edukasyon. Hindi dapat gawing pabigat sa kanila ang mga bayarin. Kailangan talaga natin ng batas na ito na dapat sundin ng mga eskuwelahan para mapagaan ang pinapasan ng ating mga mahihirap na estudyante.

Prayoridad dapat natin ang karapatan sa edukasyon dahil nasa ating Saligang Batas naman mismo ‘yan. At unahin natin ang kapakanan ng mahihirap. Ang mayayaman, kaya namang magbayad anumang oras. Pero ang mga mahihirap na isang kahig, isang tuka at nagtatrabaho ang mga magulang para mapaaral ang mga anak, para sa kanila itong SBN 1359.

Ayaw din naman natin na ang mga may-ari ng eskuwelahan ay hindi na makapagpatuloy ng kanilang operasyon dahil nanggagaling din ang kanilang pondo sa tuition fees. Nais lang nating mabigyan ng palugit at dagdag na panahon ang mga magulang na mag-issue ng promissory note at kung hanggang kailan dapat bayaran. May safeguards naman ang batas para masigurong hindi malulugi ang mga eskwelahan. Balansehin lang natin.

Sa ating pagsisikap na mapangalagaan ang kapakanan ng mga estudyante at maisulong ang kanilang karapatan sa edukasyon, naghain tayo at sinuportahan ang ilan pang mga panukalang-batas sa layuning mapaganda ang pagkakaroon ng edukasyon sa ating bansa, lalo na sa mahihirap.

Isa rito ang SBN 1190 na aking nai-file sa Senado, na naglalayong palawakin ang paggamit ng Special Education Fund para sa operasyon at maintenance ng mga pampublikong paaralan, pagbabayad ng suweldo at benepisyo para sa teaching and non-teaching personnel, pagkakaloob ng competency training para sa teaching personnel atbp.

Nag-co-sponsor din tayo ng SBN 1360, na naglalayon na mapalawak ang coverage ng tertiary education subsidy sa pamamagitan ng pag-amyenda sa Universal Access to Quality Tertiary Education Act. Sa panukalang ito, mas mabibigyan ng access sa dekalidad na edukasyon ang mahihirap na Pilipino.

Nag-co-sponsor din tayo sa SBN 1864, o ang “Student Loan Payment Moratorium During Disasters and Emergencies Act of 2022”, na nag-aawtorisa na mabigyan ng palugit ang pagbabayad ng student loan sa loob ng “reasonable period” sa panahon ng kalamidad at iba pang emergencies.

Inihain din natin ang SBN 1786, na naglalayong atasan ang Higher Education Institutions na magkaroon ng mental health offices at mag-empleyo ng karagdagang HEI-based mental health service personnel sa kanilang campus na aalalay sa buong HEI community, lalo na sa mga estudyante.

Naging co-author din ako ng bill ni Senator Win Gatchalian na SBN 379 o ang Basic Education Mental Health and Well-Being Promotion Bill na naglalayong paigtingin pa ang mental health services, emotional, developmental and preventive programs, and other support services sa Basic Education.

Isa rin na co-author ako ay ang SBN 94, o Teaching Supplies Allowance bill, para madagdagan ang allowance ng teacher para sa mga kagamitang pang-turo. Ang mga guro ay dapat na binibigyan ng sapat na benepisyo at konsiderasyon dahil sa kanilang serbisyo sa pagtuturo ng ating mga kabataan. Sila ay nagbibigay ng kanilang oras, kaalaman at dedikasyon upang masiguro na ang mga bata ay may magandang kinabukasan.

Pangalagaan natin ang kalagayan at kapakanan ng mga kabataan lalo na pagdating sa edukasyon dahil sila ang pag-asa ng ating bayan. Magtulungan tayo para mabigyan ang susunod na henerasyon ng mas ligtas at komportableng buhay at makaahon ang kanilang pamilya sa kahirapan.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Pagseserbisyo sa mga Pilipino, karangalan ng inyong lingkod

ni Bong Go @Bisyo Magserbisyo | January 27, 2023

Muling ipinadama ng mga taga-Pampanga ang kanilang pagmamahal kay dating Pangulong Rodrigo Duterte sa ginanap na “Handog Pasasalamat ng mga Kapampangan” kahapon, January 26. Ang okasyon ay dinaluhan ng mga opisyal ng buong lalawigan. Sa pamamagitan ng isang Sangguniang Panlalawigan Resolution, idineklara si Tatay Digong bilang “Adopted Son of the Province of Pampanga.”

Sa Davao City ay napakaraming residente na nagmula sa Pampanga, kaya mahal na mahal namin ni Tatay Digong ang mga Kapampangan. Maging ang sikat na sisig, paboritong-paborito naming dalawa ‘yan. Kaya naman tuwing makakadalaw ako sa Pampanga, sinisigurado ko na makakain ng kanilang popular na putahe. Bukod sa kanilang pagkain, laging napakainit ng pagtanggap ng Pampanga sa amin mula noon hanggang ngayon, kaya labis na nagpapasalamat si Tatay Digong sa mga kababayan natin du’n.

Nagpasalamat din ako sa mga taga-Pampanga. Ginawaran ang inyong lingkod ng pagkilala dahil sa ating naging suporta at mahalagang kontribusyon sa pagpapalaganap ng kapakanan at interes ng lalawigan ng Pampanga.

Sabi ko sa kanila, kami ni Tatay Digong ay mga probinsyano na binigyan ng pagkakataon na makapaglingkod sa mga Pilipino. Kaya huwag kayong magpasalamat sa amin o sa akin, dahil isang karangalan sa amin ang maglingkod sa inyong lahat at sa ating buong bansa.

Sa pagseserbisyo ko, malaki ang natutunan ko kay Pangulong Duterte. Isa lang ang ipinapaalala niya sa akin noon pa. Unahin mo ang iyong kapwa Pilipino, hinding-hindi ka magkakamali. Pagserbisyuhan nang mabuti. ‘Yan ang ginagawa ko. Asahan n’yo na sa abot ng aking makakaya, hindi ako pulitiko na mangangako sa inyo, magtatrabaho ako sa abot ng aking makakaya. Ipagpatuloy natin ang mga programang nakakatulong sa mahihirap.

Personal ko namang sinaksihan ang groundbreaking ng itatayong Super Health Center sa Gregoria Street, Brgy. Tabon 2, Kawit, Cavite noong January 25, sa imbitasyon na rin ng kanilang local government unit at ng Department of Health (DOH).

Malaki ang papel ng LGU officials at mga mambabatas ng kanilang distrito sa mga programa ng national government upang maging operational ito para sa kapakinabangan ng kanilang mga nasasakupan. Bilang Chair ng Senate Committee on Health, nagpapasalamat ako sa kanilang pagtulong sa layunin ng SHC na ilapit ng gobyerno ang serbisyong medikal sa mga kababayan nating nasa malalayong lugar, gaya sa mga nasa underdeveloped at isolated municipalities na walang sariling ospital. Sa SHC, puwede nang manganak, may dental, laboratory at emergency services para sa mga pasyente, at ibang pang serbisyong medikal.

Sa nasabing okasyon ay binanggit ko rin na suportado ko ang mga inisyatiba ng administrasyon ni Pangulong Ferdinand Marcos, Jr. Ang ating Pangulo ang ating number one marketing agent para mai-promote ang ating bansa sa buong mundo at makaakit ng mga mamumuhunan para lalong mapalakas at mapabilis ang pagbangon ng ating ekonomiya.

Dinaluhan ko rin ang Liga ng mga Barangay sa Pilipinas National General Membership Assembly na ginanap sa Pasay City noong Miyerkules. Naiintindihan ko ang trabaho ng isang kapitan at sinabi ko na handa akong tumulong sa kanila in my own small capacity. Suportado ko kung ano ang makakabuti para sa lahat. Mahalaga ang papel ng mga opisyal ng barangay sa kanilang mga komunidad dahil kapag may problema ang mga residente o kaya ay may sakuna at kalamidad ay sila ang unang nilalapitan.

Ipinarating ko rin sa mga kapitan na bilang Chair ng Senate Committee on Sports, ayaw kong sayangin ang inumpisahan ni Tatay Digong na labanan ang ilegal na droga at kriminalidad dahil kapag bumalik ang droga, babalik na naman ang korupsyon at iba pang krimen. Malaki ang maitutulong ng mga opisyal ng barangay sa kampanya laban sa droga at kriminalidad. Tulad ng aking ginagawa, dapat engganyuhin ang mga kabataan at mga estudyante to get into sports and stay away from drugs. May mga rehabilitation centers din ang ating gobyerno para tulungan ang mga biktima ng ilegal na droga na gumaling, makapagbagong buhay at makabalik sa kanilang pamilya at lipunan.

Samantala, patuloy ang aking tanggapan sa pagkakaloob ng ayuda sa mga kababayan nating ang kabuhayan ay apektado ng iba’t ibang krisis. Maagap nating dinaluhan ang mga naging biktima ng sunog sa iba’t ibang lugar, gaya ng 112 residente ng Dapa, Siargao Island sa Surigao del Norte; at apat pa sa Bgy. Salvacion, Prosperidad, Agusan del Sur.

Sa paglilibot ko sa iba’t ibang bahagi ng ating bansa ay nakikita ko na kumpara sa nakalipas na dalawang taon ay talagang unti-unti na tayong nagbabalik sa normal. Napakaraming industriya at establisyemento na rin ang nagbukas, at nakabalik na sa trabaho ang ating mga manggagawa. Nagpapasalamat ako sa ating mga kababayan na patuloy na inaalagaan ang kanilang kalusugan at sinusunod ang health protocols, gaya ng pagsusuot ng face masks. Bagama’t hindi na mandatory, mas mabuti na mag-ingat tayo at huwag tayong magkumpiyansa dahil habang may COVID-19, nandyan pa rin ang banta sa ating kulusugan.

Muli, ang pakiusap ko lang sa lahat ng Pilipino ay ang patuloy na pagkakaisa at pagbabayanihan para malampasan natin anumang pagsubok ang kaharapin ng ating bansa, gaya nang napatunayan na natin. Ako na inyong senador ay patuloy na magtatrabaho para sa inyo dahil ako ay naniniwala na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Bong Go attends MMFF Gabi ng Parangal; encourages Filipinos, support & help promote PH film industry

by Info | December 28, 2022

In line with his advocacy of boosting the country’s film industry, Senator Christopher “Bong” Go attended the Metro Manila Film Festival (MMFF) 2022 Gabi ng Parangal on Tuesday, December 27, at the New Frontier Theater in Quezon City where he presented the award for the three best pictures, including Deleter, Mamasapano: Now It Can Be Told, and Nanahimik Ang Gabi, respectively.

As part of the MMFF Executive Committee, Go then invited his fellow Filipinos to head to the nearest cinemas and support films that are participating in this year’s MMFF from December 25 to January 7.

Go has been known to advocate for the Philippine movie industry even before becoming a senator. In this regard, Go expressed his continued support for the said sector to open up more opportunities and ensure more moviemakers are inspired to create more quality films that could cater to audiences not only in the Philippines but also worldwide.

“Muli ko pong inaanyayahan ang lahat ng pamilyang Pilipino na suportahan at tangkilikin ang mga pelikulang kalahok sa Metro Manila Film Festival ngayong taon,” said Go in a video message.

“The MMFF showcases the country's best and brightest talents in the film industry. It is a celebration of Filipino culture and creativity, and an opportunity for all Filipinos to come together and enjoy some of the most exciting and entertaining films of the year,” he highlighted.

The senator remains persistent in enriching the country’s film sector, citing that, throughout the years, it has significantly contributed to Filipinos’ culture and the country’s economy.

Recalling the heyday of the Philippine cinema, Go then expressed his optimism that with the help of the government and other stakeholders, Filipino filmmakers will be able to create world-class content.

“Sa kabila ng mga krisis na ating pinagdaanan nitong nakaraang mga taon, patunay ang MMFF sa katatagan hindi lamang ng film industry, kundi ang pagiging malikhain ng mga Pilipino,” Go expressed.

“Sa pamamagitan ng iyong suporta, makatutulong tayo sa pagsulong ng mayamang kultura ng Pilipinas at pagpapakita ng talento ng iyong kapwa Pilipino sa mundo,” he added.

For his part, Go has proposed Senate Bill No. 1183, otherwise known as the "Media and Entertainment Workers’ Welfare Act”, which shall provide enhanced protection, security and incentives for media workers through additional health insurance package, overtime and night differential pay, and other benefits.

In the explanatory note of his proposed bill, Go stated that media and entertainment workers, as part of the labor force, play a vital role in society and the economy.

“They provide news, entertainment and other essential contents we need to keep us posted on all the current events happening around us. In recognition for their invaluable contribution in the society and the hazardous circumstances they are exposed to during crises, it is right and proper to commensurate their hard work with just emoluments and added labor protection under the law,” Go cited.

“Bilang mambabatas, asahan ninyo na patuloy kong isusulong ang mga panukalang batas at susuportahan ang mga programa upang mas lalong maprotektahan ang inyong mga karapatan at mas mapabuti ang inyong kapakanan,” he reassured.

Likewise, Go earlier proposed prior to the pandemic to make the MMFF twice a year to further help film workers and artists. The MMFF Executive Committee approved the idea then but unfortunately had to postpone holding a summer film festival in 2020 due to restrictions caused by the COVID-19 health crisis.

“As a Senator, iniisip ko paano tayo mas makakatulong sa mga Filipino artists natin.

Napansin ko, tuwing Disyembre ay inaabangan talaga itong MMFF hindi lang sa Metro Manila pati na rin sa mga probinsya. Ang suggestion ko po para makatulong, with your permission and approval ay maging twice a year po ang MMFF kung kakayanin po ng inyong resources at panahon niyo, panahon natin lahat. Magtulungan tayo,” he earlier stated.

Go said he is happy that the MMFF plans to revive the idea and push through with a summer film festival next year.