75 katao patay sa pananalasa ng bagyong Odette

ni Jasmin Joy Evangelista | December 19, 2021

Umabot na sa 75 katao ang nasawi dahil sa pinakamalakas na bagyong tumama sa Pilipinas ngayong taon, ang bagyong Odette.

Mahigit 300,000 katao naman ang apektado na nasira ang kabahayan at kabuhayan.

Marami ring linya ng kuryente at komunikasyon ang nasira ng bagyo sa iba’t ibang panig ng bansa.

Ayon kay Bohol Governor Arthur Yap sa kanyang Facebook page, nasa 49 katao ang namatay sa kanilang lugar habang 13 ang sugatan at 10 ang nawawala pa.

"Communications are still down. Only 21 mayors out of 48 have reached out to us," pahayag ni Yap.

Libu-libong military, police, coast guard, at fire personnel ang naka-deploy na sa mga lugar na nasalanta upang magsagawa ng search and rescue operations.

Mayroon na ring ipinadalang mga heavy machinery – tulad ng backhoes at front-end loaders – upang ma-clear ang mga daan sanhi ng mga nagtumbahang puno at bumagsak na mga establisimyento.

Ayon pa kay Yap, isang Philippine Navy ship na may kargang goods at iba pang relief ang tutungo sa Bohol bukas, matapos nitong magdeklara ng state of calamity.

Nakapagdala na rin aniya ng libu-libong kahon ng tubig sa mga residente ng Bohol matapos mawalan ng suplay ng kuryente at tubig sa lugar.

Sa ngayon ay patuloy pa rin ang search and rescue operations at pamamahagi ng relief goods sa mga nasalanta ng bagyong Odette sa iba’t ibang panig ng bansa.

Vaxcertph inalis bilang travel requirement sa Bohol

ni Jasmin Joy Evangelista | November 1, 2021

May ilang pagbabago sa guidelines hinggil sa travel requirements para sa mga gustong pumunta sa Bohol.

Pinirmahan ni Bohol Governor Arthur Yap ang isang executive order na nagsasabing hindi na hihingin ang RT-PCR test result at hindi na rin muna requirement ang vaccine certification mula sa vaxcertph para makapasok sa probinsiya.

“Ang problema sa vaxcert, ang tagal ng uploading kaya ang daming naantala. So today, I signed a new executive order na temporary suspended ang vaxcert. Ang hinihingi na lang namin ay vaccination card from LGU, or any DOH o BOQ certified na vaccine certification. Tatanggapin namin iyon," ani Yap.

Ayon pa kay Yap, bumuti ang turismo sa Bohol magmula nang tanggalin ang swab test requirement dalawang linggo na ang nakararaan.

3 empleyado positibo sa COVID-19… Munisipyo sa Bohol, naka-granular ECQ

ni Ronalyn Seminiano Reonico | July 15, 2021

Ipinag-utos ni Mayor Judith del Rosario-Cajes na isailalim sa granular enhanced community quarantine (ECQ) ang New Trinidad Municipal Hall sa Bohol simula kahapon, July 14 hanggang sa 21.

Ayon din sa Office of the Municipal Mayor, naobserbahang dumaranas ng “influenza-like illnesses” ang ilang empleyado ng local government unit (LGU) at noong July 13, napag-alamang positibo sa COVID-19 ang 3 empleyado.

Sa isang linggong granular ECQ, ayon sa LGU, magsasagawa ng “contact tracing, testing, containment of cases and total disinfection of the municipal building and its premises.”

Bawal ding pumasok ang mga empleyado ng New Trinidad Municipal Hall sa naturang duration ng granular ECQ kaya ipinatupad din ang work-from-home conditions.

Saad pa ng LGU, “While the granular ECQ is in effect, work-from-home covers to all officials and employees who are assigned/stationed inside the Municipal Hall (new).”