Gov’t assistance para sa mga pamilya sa bumagsak na Bohol bridge – Palasyo

ni Lolet Abania | April 28, 2022

Nangako ang pamahalaan na magbibigay ng tulong sa mga apektadong indibidwal sa nangyaring pagbagsak ng tulay sa Loboc River sa Loay, Bohol nitong Miyerkules, ayon sa Malacañang.

Sa isang statement, nagpahayag din si acting Presidential Spokesperson Martin Andanar ng pakikiramay sa mga pamilya ng mga biktima na nasawi sa insidente.

“We express our condolences to the families of the victims who perished with the collapse of a bridge in Loay town in Bohol. We likewise pray for the swift recovery of those who got injured,” ani Andanar.

“Authorities are currently conducting an investigation even as we assure everyone, especially affected residents and communities, of government assistance,” dagdag niya.

Sa paunang ulat, apat na katao ang namatay habang 15 ang nasaktan matapos na ang lumang Clarin Bridge ay bumagsak habang maraming sasakyan ang dumaraan dito.

Noong 2013 na lindol, ang tulay ay na-damage subalit ginagamit pa rin ito habang ang mga motorista ay naghihintay sa bagong tulay sa tabi nito na matapos na magawa.

Ayon sa National Disaster Risk Reduction and Management Council (NDRRMC), patuloy ang kanilang search and rescue operations sa lugar.

Sa initial report ng NDRRMC ngayong Huwebes, lumabas sa imbestigasyon na 12 utility vehicles at isang delivery truck, na may kargang graba at buhangin para sa konstruksyon ng bagong magkadugtong na tulay, ang bumabagtas sa naturang lumang tulay.

“This caused serious tension and the collapse of the bridge,” saad ng NDRRMC.

“The old Clarin Bridge was damaged during the 2013 Bohol earthquake and recently served as a detour bridge for the on-going new Clarin Bridge, a Nielsen-type bridge adjacent to the old bridge,” dagdag nito.

Nakilala ang mga nasawi na isang 65-anyos na babae mula sa Loay, isang 30-anyos na lalaking Austrian national na nanunuluyan sa Panglao, isang 29-anyos na lalaki mula sa Tagbilaran City, at isang 33-anyos na lalaki mula sa Dauis.

Batay pa sa NDRRMC, ang bilang ng mga nasaktan sa ngayon ay nasa 17 na.

Samantala, tinatayang nasa 23 indibidwal ang nailigtas sa insidente.

Sa report ng GMA News nitong Miyerkules, sinabi ng Philippine Coast Guard (PCG) na ang mga survivors ay nasa loob ng kanilang mga sasakyan nang mag-collapse ang tulay.

Isinisi naman ni Bohol Governor Art Yap na ang pagbagsak ng tulay ay sanhi ng matinding trapiko.

“According to Engineer Magiting Cruz of the DPWH, the possible cause why the bridge collapse was because the bridge is only for flowing traffic,” giit ni Yap.

“There were a lot of cargo vehicles on the bridge, and the bridge could not take the weight. That’s the reason why they collapsed,” dagdag pa ng governor.

YASSI PRESSMAN NAGDONATE NG MGA PORTABLE WATER FILTER SYSTEM SA BOHOL KASAMA ANG AP PARTYLIST

by Bulgar Online - @Brand Zone | January 31, 2022

Si Yassi Pressman ay nagpunta sa bayan ng Talibon,isa sa mga matinding naapektuhan ng bagyong odette sa lalawigan ng Bohol, upang magbigay ng mga portable water filter systems kasama ang AP Partylist. Si Yassi ay sinamahan ni Rep. Ronnie Ong, ang first nominee ng AP Partylist at doon ay ipinakita nila kung gaano kadali gamitin ang portable water filter system.

“Malaki ang naging pinsala sa lalawigan ng Bohol dahil sa bagyong Odette, nung December ay nakapagdala na tayo ng libu-libong mga kahon ng distilled bottled water upang ipamahagi sa mga residente doon. Ngunit nakaita nating hindi iyon sapat kaya’t naghanap pa kami ng pang masmatagalang uri tulong. Itong mga portable water systems ay maaaring gamitin ng paulit-ulit at makakatulong sa tuwing may kakulangan sa supply ng tubig,” paliwanang ni AP Partylist nominee Rep. Ronnie Ong.

Ang mga donasyon na mga portable water filters ay nakakapag-filter ng maruming tulad ng ilog tubig at ginagawa itong malinis at ligtas na inumin. Ipinakita ng representante ng AP Partylist na ang itaas na bucket ay ipinupuno ng tubig na nalilinisan ng filter system, ang nalinis at filtered water naman ay bumababa sa pangalawang lalagyan at ready na itong inumin. Ang filter ay maaaring gamitin hanggang sa 7,000 liters bago ito kailangan palitan. Ayon naman sa punong bayan ng Talibon na si Mayor Janette Garcia, malaki ang pasasalamat nila kay Pressman at AP Partylist Rep. Ong sa kanilang pagbisita at ang donasyon ng portable water system ay makakatulong sa mga taga-Talibon dahil hindi kailangan ng kuryente para gumana ang mga water filter system.

Dagdag pa ni Yassi Pressman, “Gusto natin silang matulungan maging handa para sa mga bagyo dahil nakatira sila sa typhoon-prone area, at naniniwala kami na ang pagkakaroon ng portable water filter sa lahat ng mga barangay center ng Talibon ay makakatulong sa kanila sa panahon ng water shortage.” Ang aktres ay matagal nang kaibigan at suporter ng mga proyekto ni Rep. Ronnie Ong. Noong nakaraang taon, si Pressman ay nagbigay ng donasyon sa Philippine General Hospital kasama ni Ong nuong nagkaroon ng sunog sa isang bahagi nito.

Ang AP Partylist ay nakapagdala na ng libo-libong bote ng tubig, sako ng bigas, food packs at mga tinapay para sa mga Bol-anon ilang araw makalipas ang bagyong Odette noong Disyembre. Ang donasyon ng mga portable water system sa Talibon, Bohol ay bahagi ng serye ng mga aktibidad pang-bayanihan na pinangunahan ng AP Partylist sa kanilang patuloy na pagtugon sa pinsalang dulot ng bagyong Odette sa Visayas.

Kongresista, pinabibilisan ang tulong sa mga lugar na apektado ng bagyong Odette

ni Jeff Tumbado | December 27, 2021

Marami pang mga lugar sa Visayas at Mindanao na hinagupit ng bagyong Odette ang hindi pa naabot ng kahit anong tulong bagamat patuloy na lumalaban ang mga nakaligtas na nasalantang pamilya.

Inihayag ito ni Ang Probinsiyano partylist Rep. Alfred Delos Santos na umikot na rin sa ilang malalayong komunidad sa Bohol upang maiparating ang tulong ng gobyerno sa mga naapektuhan ng kalamidad.

Sinabi ni Delos Santos na aabot sa 350 pamilya ang nauna nang nabiyayaan ng noche buena bags at ayuda bags ng kanilang grupo sa baybaying komunidad ng Jagna, Bohol ngunit batid nitong marami pang lugar ang dapat marating sa lalong madaling panahon.

Nabatid din mula kay Ronson Tumaliwan, auxiliary officer ng Philippine Coast Guard at residente ng Jagna na maraming lugar pa rin sa Bohol ang hindi madaanan ng mga sasakyan at hindi pa rin naaabutan ng tulong tulad ng mga bayan ng Ubay at Trinidad.

“Kami rito sa Jagna, hindi man kasinlala ang naging pinsala sa lugar namin, 37 ang namatay dito, maraming bahay ang nasira at nangangailangan din kami ng tulong,” ayon kay Tumaliwan.

“Kaya nagpapasalamat kami sa Ang Probinsyano Party List kasi kaming nasa “outskirts” nahatiran ng tulong. Sabi nga ng isang kasama namin dito, salamat dahil may pang-spaghetti na kaming handa ngayong Pasko!” dagdag nito.

Bilib naman ang kongresista sa katatagan ng mga residente sa kabila ng matinding pinagdaanan dahil sa bagyo.

“Natutuwa akong makita na mukhang masisigla pa rin po kayo, it’s a good sign na hindi tayo nawawalan ng pag-asa. Hindi tayo nawawalan ng determination na magkaroon pa rin tayo ng Pasko. Ang gusto ko lang pong sabihin sa inyong lahat ay huwag po tayong susuko. Nandito po ang aming Partido, ang Ang Probinsyano Party List, lagi pong nag-iikot at sumasama sa mga laban niyo,” ayon kay Delos Santos.

Nakatakda pang umikot sa ilang komunidad sa Cebu ang Ang Probinsiyano Partylist upang maghatid ng ayuda sa mga nasalanta rin ng bagyo sa lalawigan.