10 smuggled na luxury cars, winasak ng Customs

ni Lolet Abania | February 11, 2021

Winasak ng Bureau of Customs (BOC) ang mga nakumpiskang puslit na luxury cars na umabot sa mahigit P45 milyong halaga sa Port of Cebu.

Ang mga smuggled luxury vehicles, kabilang na ang isang sasakyang Bentley, ay tinangkang ipuslit upang hindi makapagbayad ng karampatang buwis.

Kasabay ng pagdiriwang ng ika-119 anibersaryo ng Customs, ang sampung mamahaling SUV at kotse ay sinira ng crane ng ahensiya sa nasabing lugar, kung saan nagkakahalaga ang lahat ng ito ng P45.243 milyon.

"We are doing this to prevent smugglers from circumventing the law by attempting to acquire these vehicles through the auction process," pahayag ni Department of Finance Secretary Carlos Dominguez sa naganap na okasyon.

P1.5M smuggled medicines, nasabat sa Pasay City

ni Ronalyn Seminiano Reonico | January 17, 2021

Nasabat ng Bureau of Customs (BOC) ang tinatayang aabot sa P1.5 million halaga ng smuggled medicines sa isang storage facility sa Pasay City noong Sabado.

Sa tulong ng National Bureau of Investigation, ayon sa BOC, nadiskubre ang makeshift clinic at nakumpiska ang mga naturang gamot kabilang na ang ribavirin, ginagamit na panggamot sa pneumonia at bronchitis noong January 14.

Hinala ng awtoridad, ginagamit ang naturang clinic para sa COVID-related cases.

Samantala, patuloy pa ring nagsasagawa ng imbestigasyon at posible umanong maharap sa kasong paglabag sa Section 1113 of R.A. 10863 o Customs Modernization and Tariff Act (CMTA) ang mga nasa likod ng operasyon ng naturang clinic.

P1.72M halaga ng ilegal na kargamento, nasabat ng BOC

ni Ronalyn Seminiano Reonico | December 15, 2020

Nakumpiska ng Bureau of Customs - Port of Davao (BOC) ngayong Martes ang kargamentong naglalaman ng agarwood, isa sa world’s most expensive raw materials, na idineklarang wood frames para sa souvenirs.

Sa pisikal na eksaminasyon at sa pamamagitan ng x-ray scanning, nakita ang 671 piraso ng agarwood na nagkakahalagang P1.72 million na nakatakdang i-export nang walang kaukulang permits.

Pahayag ni Erastus Austria, Port of Davao District Collector, "The Port would like to thank the DENR, the PNP Aviation Security Group and Customs NAIA’s collaborative work with us, led by District Collector, Carmelita Talusan.

“We will continue to closely coordinate with them to ensure that our borders are efficiently protected from potential illegal exports of endangered trees… Certainly, we will not tolerate these acts of illegal trade in any of our airports and seaports.”

Samantala, ite-turn over ng BOC ang naturang kargamento sa Department of Environment and Natural Resources (DENR).