SIKAT NA AKTOR, PROBLEMADO SA MGA KAPAMILYANG DAHIL DAMAY KAPAG NATALO

ni Erlinda Rapadas - @Teka Nga! | November 20, 2021

Blind item:

Tahimik na dapat ngayon ang buhay ng isang sikat na aktor. Kahit nag-pandemic ay hindi naman gaanong naapektuhan ang kanyang kabuhayan dahil nakapag-ipon siya at may naipundar para sa kanyang pamilya.

Hindi naman sila nagigipit nang husto kahit lie-low ang mga raket sa showbiz dahil sa COVID pandemic. Masaya rin ang love life ng sikat na aktor dahil matatag ang relasyon nila ng nobyang aktres.

Ang tanging malaking pasanin lang ngayon sa balikat ng aktor ay ang pagpasok sa pulitika ng ilan sa kanyang mga kamag-anak. Malaking challenge para sa aktor kung ano ang kanyang gagawin upang maipanalo ang mga kamag-anak na tatakbo sa 2022 elections.

Ang laki-laki ng expectation sa kanya ng lahat dahil sikat nga siyang artista. Dapat daw ay mailusot niya ang kanyang mga kamag-anak kaya dapat ay tumulong siya sa pangangampanya.

Pero, sey ng mga netizens, hindi garantiya na kapag in-endorse ng sikat na artista ay sure win na ang isang kandidato. Papaano na kung hindi palarin na manalo ang mga kamag-anak niyang kandidato? Tiyak na ibabagsak ang sisi sa sikat na aktor. Baka pagtawanan pa siya at lait-laitin.

Hindi naman kasi niya maawat at hindi mapigilan ang mga kamag-anak na nagnanais sumabak sa pulitika, kaya ngayon ay problemado ang sikat na aktor. Pero, may choice ba siya?

AKTRES, TODO-DENY NA HIWALAY NA SA MISTER, LAGI NAMANG OUT SA BONDING NG PAMILYA NG AKTOR

ni Erlinda Rapadas - @Teka Nga! | November 3, 2021

Blind item:

Marami sa kanyang mga nakasabayang artista ang labis na naiinggit ngayon sa magandang kapalaran ng isang aktres na kahit hindi gaanong kagandahan ay nakabingwit ng mayamang papa at pinakasalan pa siya.

Bukod dito ay binigyan pa siya ng sarili niyang negosyo at ipinagpatayo ng sariling bahay.

Tunay na napakahusay dumiskarte ng actress dahil sobrang in love sa kanya ang napangasawang rich businessman.

Maging sa mga una niyang nakarelasyon ay laging panalo ang aktres. Nakakabiyahe siya abroad na kasama ang kanyang pamilya, na ang sponsor ay ang kanyang nobyo.

Nakaipon din siya ng mga branded bags and shoes na regalo ng kanyang mga naging BF.

Mahusay magpaikot ang aktres dahil bentang-benta sa kanyang mga naging karelasyon ang mga drama niya sa buhay. Mistulang may taglay siyang gayuma na hindi matanggihan.

Ngayon ay natupad na rin ang kanyang dream wedding na milyones ang ginastos ng kanyang rich papa. Tuluy-tuloy pa rin ang kanyang showbiz career dahil pinayagan pa rin siyang mag-artista ng kanyang mister kahit sila ay kasal na.

Pansin nga ng mga netizens, mukhang hindi naman true love ng actress ang rich businessman na pinakasalan dahil mas gusto nitong magteyping at malayo sa mister. Ganoon ka-spoiled sa kanyang mister ang actress, nasusunod lahat ng gusto niya.

Siyang-siya nga, plastic pala! FEELING BIG STAR NA AKTOR, CLOSE KUNO AT TODO-SELFIE SA MGA REPORTER,

NANG MAGKITA ULI, WALA NANG KILALA.

ni Erlinda Rapadas - @Teka Nga! | September 04, 2021

Blind item:

Minarkahan na ng maraming reporters ang isang aktor na feeling big star kung umasta. Pakiramdam ng aktor sa kanyang sarili ay napakagaling na niya kaya dapat bigyan ng malalaking projects.

Gusto niyang i-level-up ang kanyang sarili sa ilang multi-awarded actors. Kaya 'pag may bago siyang pelikula o serye ay ramdam ng mga tao sa kanyang paligid na sobrang bilib siya sa kanyang sarili.

Pero ang ugali niyang kinaiinisan ng maraming reporters ay 'yung kawalan niya ng sinseridad sa pakikitungo. Kapag may pa-presscon para sa kanyang pelikula ay super sweet siya sa mga nakakaharap na press people. Super-chika-chika at feeling close sa lahat. Okey lang sa kanya na mapagod sa kase-selfie sa mga reporters na nag-interview sa kanya. Kaya ang buong akala ng mga reporters ay matatandaan ng aktor ang kanilang mukha at mga pangalan.

Pero ilang araw lamang ang lumipas, nang ma-meet nilang muli ang aktor sa isang event ay dedma na ito, as in hindi na sila kilala ng feeling-sikat na aktor.

Biglang-bigla na itong nagkaroon ng amnesia at hindi na kilala ang mga reporters na ilang araw lang ay binebeso-beso pa niya.

Plastik ang aktor, Hari ng Tupperware at Orocan! Minus factor 'yun sa aktor na ngayon pa lamang ay sinasabi nang hindi sisikat nang husto.