Sa paglabag sa tax code.. POGO at service provider sa Makati, sinuspinde ng BIR

ni Lolet Abania | January 5, 2022

Sinuspinde ang operasyon ng isang Philippine Offshore Gaming Operator (POGO) at kanilang accredited service provider ng Bureau of Internal Revenue ngayong Miyerkules dahil sa bigong i-register ito sa ilalim ng ahensiya.

Sa pahayag ng BIR, ang Imperial Choice Limited at Aplus Accel Inc. ay ipinasara dahil sa kabiguan nitong irehistro sa required o kinakailangang Tax Code and RA No. 11590 o ang bagong POGO Law.

Sa isang operasyon ng task force POGO, isinara ang mga opisina ng Imperial at Aplus sa Makati.

“Their business operations will remain suspended and business establishments temporarily closed until the Bureau’s registration requirements and other pertinent tax regulations are complied with and the corresponding deficiency taxes and penalties are paid,” ayon kay BIR Deputy Commissioner for Operations Group Arnel SD. Guballa.

“We urge POGOs and all other taxpayers to please comply with their obligations. We will continue to strictly enforce the tax laws and raise the much-needed revenues for the government especially during this pandemic,” sabi pa ni Guballa.

Patuloy ang BIR sa paghahanap ng mga tax delinquencies na mga POGOs. Sa ilalim ng amendments hinggil sa tax laws ng bansa, kung saan naging epektibo noong Disyembre 3, 2021, ang non-registration ng POGOs sa BIR ay kinokonsidera bilang fraudulent act o pandaraya.

BIR patuloy na nakamanman sa smuggling at ilegal na bentahan ng sigarilyo

ni Jasmin Joy Evangelista | November 3, 2021

Mahigpit pa ring binabantayan ng Bureau of Internal Revenue (BIR) ang ilegal na bentahan at smuggling ng mga imported na sigarilyo sa bansa.

Ito ay matapos ang mga nakaraang operasyon ng BOC at NBI kung saan nakakumpiska ang mga ito ng mga makina na gumagawa ng mga ilegal na sigarilyo.

Laganap umano ang nasabing aktibidad sa Subic freeport zone.

Ayon kay Bureau of Finance Secretary Carlos Dominguez III, may mga nakabantay silang mga tauhan sa lugar para matigil na ang nasabing gawain.

Dagdag pa ni Dominguez, hindi lamang sa Subic laganap ang iligal na paggawa ng sigarilyo kundi maging sa ibang bahagi ng bansa.

250 social media influencers, iniimbestigahan ng BIR

ni Jasmin Joy Evangelista | September 16, 2021

Naglabas ng Letters of Authority ang BIR para makapag-imbestiga sa 250 social media influencer na malaki ang kinikita, ayon sa Department of Finance.

Batay sa ulat ng BIR na isinumite sa DOF, self-employed ang mga social media influencer at nakalista dapat bilang sole proprietors, kaya naman ang kanilang kinikita ay kinokonsidera bilang business income.

“We will do the investigation so that they would pay the necessary corresponding tax on their earnings,” ani BIR Deputy Commissioner Arnel Guballa.

Ang social media influencer na binabantayan ng BIR ay hindi lamang mga vlogger sa YouTube kundi maging ang mga kumikita sa iba pang social media platform gaya ng mga sumusunod:

• YouTube Partner Program

• sponsored social and blog posts

• display advertising

• becoming a brand representative/ambassador

• affiliate marketing

• co-creating product lines

• promoting own products

• photo and video sales

• digital courses, subscriptions, e-books

• podcasts and webinars