BIR transactions, online na

ni Eli San Miguel - Trainee @News | October 21, 2023

Pinadali na ang proseso ng pagpaparehistro sa mga revenue district offices (RDO) ng Bureau of Internal Revenue (BIR) dahil sa Taxpayers Registration Related Application Portal (TRRAP) na nag-aalok sa mga taxpayers ng electric revenue para isumite ang kanilang mga aplikasyon.

Inilunsad noong Oktubre 16, saklaw ng TRRAP ang maraming uri ng mga transaksiyon kaugnay ng pagpaparehistro.

Kasama rito ang aplikasyon para sa mga Tax Identification Numbers (TIN), pagpaparehistro ng overseas Filipino workers at non-resident citizens, awtorisasyon para sa pagpapa-print ng resibo at invoice, pag-update ng email address, pagpaparehistro ng mga bagong empleyado, at pag-update ng apelyido sa pagkadalaga ng mga babaeng kasal.

Nagsagawa ang BIR ng mga webinar upang ipaalam sa mga taxpayer ang bagong sistema ng pagpaparehistro at gabayan sila sa proseso ng pag-access sa TRRAP upang mapadali ang pagsunod sa mga patakaran ng pagbubuwis.

"With the introduction of this new registration portal, we anticipate a significant enhancement in taxpayers' compliance with BIR's registration requirements," ayon kay BIR Commissioner Romeo D. Lumagui, Jr.

P1.8B tax evasion case vs. 69 illegal cigarette traders — BIR

ni Mylene Alfonso / Jeff Tumbado | May 26, 2023

Naghain ng kasong kriminal ang Bureau of Internal Revenue (BIR) sa Department of Justice (DOJ) laban sa mga mangangalakal ng sigarilyo dahil sa ilegal na pagbebenta ng produkto na siyang dahilan ng pagkalugi ng gobyerno sa P1.8 bilyon buwis.

Ang mismong hepe ng ahensya na si Jun Lumagui, Jr., ang nagsampa ng nasa 69 reklamo sa DOJ kahapon kung saan sinabi nito na nagmula ito sa nangyaring sunud-sunod na pagsalakay ng mga awtoridad sa iba't ibang lugar sa bansa simula noong Enero 25, 2023.

“Ang sigarilyo kasi ay dapat niyan, bago kayo makapagbenta niyan dapat bayad ang excise tax n'yan, so dapat bayad ang buwis n'yan. May stamp na nakadikit d'yan sa mga sigarilyo, doon sa pakete ng sigarilyo," paliwanag ni Lumagui.

“Ngayon, itong mga nahuli natin noong nakaraang January 25 na raid ay ‘yung iba dito walang stamp, ‘yung iba dito ay peke 'yung stamps na kunwari na pinapalabas na bayad ang tax,” dagdag pa ng opisyal.

Napag-alaman kay Lumagui na ilan sa mga traders na kasama sa mga inireklamo ay nagbebenta ng mga pekeng sigarilyo.

Ang 69 kaso ay kinasasangkutan ng 15 revenue regions kung saan tinukoy ng opisyal na karamihan ay malalaking sindikato.

Ayon kay Lumagui, nasa pagitan ng P50 bilyon hanggang P100 bilyon ang nalulugi sa gobyerno kada taon dahil sa ilegal na pagbebenta ng sigarilyo sa bansa.

Pagbabayad ng buwis, extended

ni Mylene Alfonso | March 28, 2023

Inanunsyo ng Bureau of Internal Revenue (BIR) na pinayagan nito ang paghahain at pagbabayad ng annual income tax return (AITR) noong 2022 kahit saang lugar nang walang penalty para mapalawig ang kanilang serbisyo.

Ito ay kasunod ng inilabas na Revenue Memorandum Circular (RMC) No. 32-2-2023 na nagpapahintulot sa taxpayers na mabayaran ang kanilang dues saan mang lugar sa mismo o bago ang Abril 17, 2023 nang walang ipinapataw na penalty para sa maling venue filing.

Ipinaliwanag ni BIR Commissioner Romeo D. Lumagui, Jr. na layunin nito na mabigyan ang bawat taxpayer ng panahon na makapaghain at mabayaran ang tamang buwis sa kanilang most convenient time at lugar nang walang ipinapataw na penalties.

Ayon sa BIR, kailangang gamitin ng taxpayers ang Electronic Filing and Payment System (eFPS) sakaling maghain ng kanilang annual tax returns electronically at magbayad ng kanilang taxes due sa pamamagitan ng Electronic Filing and Payment System-Authorized Agent Banks (AABs) kung saan sila naka-enroll.

Subalit maaari namang gamitin ng mga taxpayer ang eBIRForms sa paghahain ng kanilang annual ITR.

Para sa taong 2023, target ng BIR na makakolekta ang ahensiya ng P2.6 trilyong buwis