Ikinorek, ‘di lang daw siya milyonaryo… BILYONARYONG BF NI CELESTE, KINUMPIRMANG ‘DI SILA HIWALAY

ni Beth Gelena @Bulgary | July 1, 2026

Photo: Jonathan Sterling at Celeste Cortesi - IG

Pinabulaanan ni Jonathan Sterling ang mga kumakalat na tsismis na hiwalay na sila ng girlfriend niyang si Celeste Cortesi.

Sey niya, “So l’d like to break my silence, come back on social media, and take a moment to correct the record: I am NOT a millionaire. I’m a billionaire.”

Lumabas ito matapos ang mga haka-haka sa social media na si Bianca Manalo ang dahilan ng hiwalayan nila.

May ilan na hindi naniniwalang magtatagal ang relasyon nila.

May mga pumuna sa hitsura ni Jonathan at nagsabing kaya lang umano siya napapansin ay dahil sa yaman niya.

May mga nagtanggol naman sa magkasintahan at sinabing hindi dapat husgahan ang relasyon nila.

Marami ring nagkomento tungkol sa pagiging vocal ni Jonathan sa umano’y kayamanan niya, at may ilan pang nagsabing masyado itong nagpapapansin.

Sa ngayon, ang tanging kumpirmadong impormasyon ay ang pahayag ni Jonathan Sterling na hindi totoo ang usap-usapang hiwalay na sila ni Celeste Cortesi, at wala pang ebidensiyang nagpapatunay na naghiwalay nga ang dalawa.

---

Happy na buhay pa rin… DIAMOND BRACELET NI HEART, AGAW-EKSENA SA BRASONG MAY PASA

NAKALABAS na si Heart Evangelista sa ospital. 

Ibinahagi niya sa kanyang Instagram (IG) Stories na siya ay naospital kamakailan, pero hindi niya tinukoy kung ano ang kanyang karamdaman.

Nag-post si Heart ng larawan ng kanyang braso na puno ng pasa at sinabi na masaya siyang nakauwi na, habang binanggit na ang kanyang kidneys ay ‘happy again’ matapos ang gamutan. 

Pero bukod sa kanyang pasa, umagaw din ng pansin ang suot na diamond bracelet ni Heart, patunay na hindi talaga mabubuhay nang walang suot na alahas ang aktres. 

Nagpasalamat si Heart sa kanyang mga kaibigan na nagpadala ng mensahe, pagkain at bulaklak, kabilang si John Prats na nagbigay sa kanya ng mainit na sabaw bilang suporta.

Nagbahagi siya ng personal na aral mula sa karanasan na hindi na siya magtatrabaho para sa approval ng iba kundi para sa kanyang sariling kaligayahan at layunin.

---

MASAYANG ibinahagi ni Angelica Panganiban ang isa sa pinakamalalaking tagumpay sa kanyang karera matapos magwagi ang seryeng The Silent Noise (TSN) ng Best Asian Contents sa 2026 Global OTT Awards sa Busan. Bukod dito, kinilala rin si Angelica bilang Best Lead Actress.

Sa kanyang Instagram (IG) post, sinabi niya, “Ang pinakamagandang bahagi ng taon ko... o masasabi ko na, ang pinakamagandang bahagi ng karera ko.”

Nagpasalamat siya sa ABS-CBN Studios sa patuloy na pagtitiwala sa kanya at pinuri ang buong production team ng TSN para sa kanilang matapang na pagkukuwento.

Nagbigay din siya ng espesyal na mensahe sa kanyang mga co-stars, kabilang si Zanjoe Marudo, na tinawag niyang paborito niyang leading man, at si Mylene Dizon. 

Pinasalamatan din niya ang direktor na si Onat Diaz dahil aniya, ang gabay nito ang nagdala sa kanya sa pandaigdigang entablado.

Hindi rin niya nakalimutang pasalamatan ang kanyang styling at makeup team na nagbigay sa kanya ng kumpiyansa sa buong awards season.

Sa huli, inialay ni Angelica ang tagumpay sa lahat ng Pilipino.

Mensahe niya, “Ang tagumpay ng bawat Pilipino ay tagumpay nating lahat. Mabuhay ang gawang Pinoy.”

Ang panalong ito ay isa sa pinakamalalaking internasyonal na pagkilala sa karera ni Angelica Panganiban at sa industriya ng Philippine streaming content.

Bukod sa holding hands… JERRY YAN NG F4, NAPA-OMG! SA GANDA NI ELLEN, 10 SECONDS NAG-EYE-TO-EYE

ni Beth Gelena @Bulgary | June 30, 2026

Photo: F4 Jerry Yan at Ellen Adarna - Circulated

Hindi pinalampas ni Ellen Adarna ang F4 concert na ginanap sa Philippine Arena sa Bulacan noong Sabado. 

Avid fan ng F4 ang aktres kaya halos hindi siya magkamayaw. 

Sa dami ng mga magagandang babae na katabi ni Ellen, siya ang napili ni Jerry

Yan na lapitan at kamayan, na ikinatuwa ng nasa audience.

Ayon sa mga ibinahaging video at kuwento pagkatapos ng F4 concert sa Philippine Arena, lumapit si Jerry Yan kay Ellen Adarna habang nasa audience.

Nagkaroon sila ng maikling interaksiyon kung saan nagkatinginan sila, hinawakan ni Jerry ang kamay ni Ellen, at binati siya.

Maraming fans ang natuwa sa eksena dahil kilalang fan ng F4 si Ellen.

Unang nagkomento si Cathy Gonzaga na walang nasabi kundi, “Ayyyy!” with crying emojis.

Fan din kasi si Alex ng F4, kaya lang hindi siya puwedeng manood dahil sa kanyang kalagayan bilang buntis.

Sey naman ng netizens, “Eto na, 10 seconds eye-to-eye n’yo ni Jerry Yan, with hawak-kamay!”

Makikita sa mga videos ang emosyon at saya ni Ellen bilang matagal nang tagahanga ng F4.

Noong 2025, nag-viral pa siya matapos mag-lip-sync sa kantang Jue Bu Neng Shi Qu Ni (Can’t Lose You), at nagkomento pa noon ang kapwa miyembro ng F4 na si Ken Chu sa kanyang post.

Ang concert na F-Forever ay reunion concert ng apat na miyembro ng F4 na sina Jerry Yan, Vic Chou, Ken Chu, at Vanness Wu — na sumikat dahil sa TV series na Meteor Garden.

Komento naman ng iba pang netizens…

“Baka kayo sa isa’t isa. Ikaw si Shan Cai. O baby, baby, kilig much.”

“Sabi ko na manonood ka, Inday. Baka kayo talaga ni Jerry ang ma-push.”

“Agree,” sagot naman ng Bisayang aktres.

Dagdag pang komento ng ilang netizens, “Na-star struck si Jerry kay Ellen. Ang ganda kasi.”

“He said OMG. Sana all, napa-OMG si Jerry sa ganda mo, Ellen.”

“Ellen, mesmerized si Jerry Yan sa ‘yo.”

“Parang natulala pa sa ‘yo si Jerry, Madam.”

Sandamakmak ang nagkomento sa Instagram (IG) ni Ellen Adarna nang dahil sa inggit. Hahaha!

---

ALIW na aliw ang mag-asawang Jinkee at Manny Pacquiao sa apo nilang si Clara. Talagang hands-on at proud na lolo at lola sila sa kanilang unang apo.

Laging viral ang mga videos at larawan nina Manny at Jinkee na karga, nilalaro at inaalagaan si Clara. Maraming netizens ang natuwa sa pagiging malambing ni Manny bilang lolo.

Nagkaroon din ng family reunion sa United States (US) kung saan unang nakilala ng bunsong anak nilang si Israel ang kanyang pamangkin na si Clara.

Magmula nang ipanganak ng misis ni Jimuel ang una nilang apo, lagi itong ipinapasyal ng celebrity grandparents.

Sey ng mga netizens…

“The life of every family is a bubbly child!”

“Palaging panalo sa boxing, apo lang pala ang makakatalo. Hahaha!”

“Hahaha! Ipinanganak na ‘yung sumasabunot kay Sir Manny. Wala s’yang magawa, yuko lang s’ya. Talo mo pa ang naka-TKO (Technical Knockout), Clara.”

“Tanggal ng uban, P1K each.”

“Same kayo ng mata ni Baby Clara, Sir Manny.”

“Cutie Clara. S’ya na kasabunot kay Sir Manny, Hehehe! Pero kita sa mukha ng lolo ang kaligayahan.”

Gamer daw siya, oks naman ang mental health… TEDDY, TUTOL NA I-BAN ANG VIOLENT VIDEO GAMES SA MGA BATA

ni Beth Gelena @Bulgary | June 29, 2026

Photo: Teddy Corpuz - IG

May panawagan ang gobyerno na ipagbawal ang mga violent video games, ngunit hindi ito sinang-ayunan ng singer-TV host na si Teddy Corpuz. Sinabi niya na bilang isang matagal nang gamer, hindi niya naranasan na maging marahas dahil lamang sa paglalaro.

Binanggit pa niya, “Naglalaro ako ng Call of Duty pero okey naman ako. Okey naman ang mental health ko at anger management ko.”

Para kay Teddy, mas malalaking isyu ang dapat tutukan kaysa sa simpleng pagbabawal ng mga laro. Aniya, mas mahalagang pagtuunan ng pansin ang mas maayos na sistema ng edukasyon, mas mahigpit na seguridad sa mga paaralan, responsableng pagmamay-ari ng baril, at mas mabuting paggabay ng mga magulang.

Nagbigay din siya ng halimbawa na kahit sa basketball ay may mga insidente ng karahasan dahil sa init ng kompetisyon.

Aniya, kung ganoon ang lohika, hindi naman ibig sabihin na dapat na ring ipagbawal ang basketball.

Sa huli, kinuwestiyon niya kung talagang mawawala ang mga krimeng kinasasangkutan ng mga menor-de-edad kung ipagbabawal ang violent video games.

Para sa kanya, marami pang dapat pag-aralan at ayusin, at hindi sapat ang pagbabawal bilang solusyon.

Ang pahayag ni Teddy Corpuz ay tugon sa panukala ni Jonvic Remulla na pag-aralan ang permanenteng pagbabawal sa mararahas na online games dahil sa pangambang maaari itong makaapekto sa pag-uugali ng kabataan.

Sa kasalukuyan, panukala pa lamang ito at wala pang batas na nagbabawal sa violent video games sa Pilipinas.

---

LALO yatang lumalaki ang isyu ng joke ni Kim Chiu kay Ryzza Mae Dizon at maging si Kris Aquino ay nasasangkot na rin.

May sinabi raw si Kris na ganito: “Du’n sa nabalitaan kong nang-aapi sa ‘yo, don’t mind them because success is the best revenge.”

Sey ng isang netizen, “Looking back, I realized she was right.”

Pagtatanggol naman ng isang fan, “‘Di naman si Kim ang tinukoy na nang-aapi kay Ryzza. ‘Yung sa interview n’ya kay Miss Toni Gonzaga, ikinuwento ni Ryzza na may kapitbahay silang nagsabi noon na mas mahal pa ang vase nila kaysa buhay ni Ryzza. ‘Yun ang tinutukoy ni

Kris, ‘di naman si Kim. Nagkataon lang na sakto ring nagkomento si Kim.”

Nagsimula ang isyung ito nang banggitin ni Kim Chiu bilang biro na kamukha ni Jugs Jugueta na naka-karakter ng Lotus Feet si Ryzza Mae Dizon. Todo-resbak naman ang mga fans dahil nainsulto ang kanilang idol na mas lalo pang gumulo dahil nadamay nga si Kris Aquino.

---

UMAMING nasaktan ang aktor na si James Blanco nang ibinahagi ng anak niyang si Iñigo Jose sa loob ng Pinoy Big Brother: Celebrity Collab Edition 2.0 (PBBCCE2.0) na hiwalay na ang kanyang mga magulang, ayon sa naging panayam sa aktor sa Fast Talk with Boy Abunda (FTWBA).

Ipinaliwanag niya na kahit matagal na siyang nasa showbiz, sinasadya niyang panatilihing pribado ang kanilang buhay-pamilya.

Ayon kay James, paulit-ulit niyang pinaalalahanan si Iñigo na huwag ihalo ang personal na buhay sa trabaho o sa publiko. Dagdag pa niya, mas masakit para sa kanya ang naging paglalantad dahil hindi alam ng publiko ang buong kuwento ng kanilang sitwasyon.

Sa kabilang banda, nilinaw din ni James na ipinagmamalaki pa rin niya ang kanyang anak at ang unti-unti nitong pagbuo ng sariling pangalan sa industriya, kahit na aminado siyang nagkaroon sila ng panahon na hindi nagkakausap.

Samantala, sa mga naunang panayam, naging emosyonal din si Iñigo nang mapag-uusapan ang kanyang ina at ibinahagi niyang malaki ang paghanga niya rito dahil ito ang nagtaguyod sa kanilang magkakapatid.

Sa kabuuan, ipinakita ng panayam na magkaiba ang pananaw ng mag-ama: nais ni James Blanco na manatiling pribado ang usaping pampamilya, samantalang naging bukas ang kanyang anak na si Iñigo Jose sa pagbabahagi ng kanyang personal na karanasan habang nasa loob ng PBB kamakailan.