VICE, AMINADONG BORING NA ANG IT'S SHOWTIME

ni Beth Gelena - @Bulgary Files | June 19, 2021

Marami nang natatanggap na komento ang It’s Showtime na kinakailangan na raw itong i-reformat. Boring na raw kasi ang masyadong mahabang usapan at kung anu-ano pang mga kaek-ekan na kuwentuhan lalo na raw sa segment na Tawag ng Tanghalan.

Napakabagal daw ng pacing ng programa na ikinabubuwisit ng mga viewers.

Nitong nakaraang June 15, nakunan ng pahayag ang pinaka-main host ng noontime show na si Vice Ganda. Tinanong siya tungkol sa kanyang reaksiyon sa mga komentong naglalabasan sa comment section ng programa.

Ayon kay Vice, nababasa niya at ng buong team ng It’s Showtime ang constructive criticism ng madlang pipol sa programa.

Bulalas ng Unkabogable Phenomenal Star, "First, it is right that we listen to the viewers. Every now and then, we listen to them. Alam naman namin 'yung constructive criticisms na ibinibigay nila, we acknowledge that.

"But to be fair also with the staff and with the show, even before, there was clamor already, nakikita na namin iyon.

"Kami mismo, gusto na namin ng change, gusto na namin ng bagong segments, gusto na naming mag-offer ng maraming bagay na bago."

Pero, dahil paiba-iba nga raw ng protocols dahil sa pandemya, hindi nila mai-push ang mga gusto nilang gawin.

May plano na rin daw silang mag-redesign nu’ng Holy Week. Hindi raw natuloy dahil ang isa nilang staff ay nagpositibo sa COVID-19. Ang nangyari, lahat sila ay na-quarantine.

“Dahil dito, naurong na naman ang plano sanang pagre-redesign ng studio.”

Pag-amin ni Vice, nalulungkot ang hosts at staff ng It’s Showtime sa tuwing may naririnig silang pinabayaan nila ang programa.

"Kapag inookray nila 'yung studio na parang sinasabi nilang pinabayaan namin, siyempre, nalulungkot din kami kasi hindi naman nila alam 'yung totoong nangyayari."

Aminado si Vice na siya mismo ay nagde-demand na rin ng bagong segments para sa programa.

"As an artist, nae-excite ka sa ginagawa mo, so nagde-demand din ako."

Naiintindihan naman daw ni Vice ang sitwasyon ngayon ng ABS-CBN lalo pa’t hindi sila nabigyan ng prangkisa ng Kongreso last year.

Paliwanag pa ni Vice, "Nakakaawa nga kasi iyong headwriter minsan, floor director na rin siya. Executive producer, editor na rin siya. Isang tao, ang daming ginagawa.

"Masakit kapag may naririnig ka na mga okray kasi they only presume and assume, but they don’t understand what’s going on.”

Pero natutuwa si Vice dahil maganda ang feedback sa bago nilang segment na Reina ng Tahanan.

Ang hiling naman ng mga avid viewers ng It’s Showtime, “Sana bawas-bawasan nila ang dakdakan sa Tawag ng Tanghalan. Nakakaumay, eh. Humahaba lang ang segment nang wala namang saysay. Nakakainip panoorin, kaya kahit nakatutok kami, napipilitan kaming lumipat sa ibang channel.”

'Di sanay na mag-isang gumawa sa bahay… MARIEL, INIWAN NG MGA KASAMBAHAY, NAWINDANG

ni Beth Gelena - @Bulgary Files | June 18, 2021

Nawindang ang beauty ni Mariel Rodriguez-Padilla dahil hindi niya akalaing mahirap pala ang walang katuwang na nagtatrabaho sa bahay.

Pansamantalang iniwan si Mariel ng mga yaya nila sa bahay dahil kinakailangang magpabakuna ng mga ito kontra-COVID-19.

Hindi lang naman kasi ang pag-aalaga sa dalawa nilang anak ni Robin Padilla ang ginagawa ni Mariel kundi inaasikaso rin niya ang kanyang negosyo.

Hindi raw naman siya matutulungan ni Binoe dahil naka-quarantine ang aktor matapos gumawa ng docu-series nito.

Pagbalik daw ni Robin sa bahay ay nag-quarantine ito nang sa gayon ay safe silang mag-anak.

Aminado si Mariel na bilib siya sa mga nanay na kinakaya ang mga gawaing-bahay at pag-aalaga sa mga anak.

Nasanay umano siyang palaging may tumutulong sa kanya kaya hindi niya mapigilang makaramdam ng takot na baka hindi niya kayaning mag-isa.

Sa ibinahaging vlog ng TV host-actress ay ipinakita kung ano ang gawaing ginagawa niya nang mag-isa. Mapapanood sa video na mag-isa niyang pinakain ang mga anak pagkagising ng mga ito.

Bukod sa pag-aasikaso sa mga anak, kinailangan din niyang maghatid ng order sa kanyang negosyo kaya iniwan niya pansamantala ang mga bata.

Hindi ikinaila ni Mariel na nahirapan siya sa ginagawa nang mag-isa. Nandu'ng hindi na niya maayos ang mga nakakalat na laruan na pinaglaruan nina Isabella at Gabriella.

Nang dumating na ang mga kasambahay, hindi maitago ni Mariel ang kasiyahan dahil makakapagpahinga na siya.

Sabagay, hindi naman masisisi si Mariel, dahil lumaki siyang may mga kasambahay talaga.

But in fairness, kinaya talaga niyang gampanan ang maging isang mabuting ina and at the same time, naisisingit pa rin niya ang kanyang negosyo.

Sa edad na 55, ang laswa raw… SHARON, DINILAAN ANG DIBDIB NI MARCO, FANS SHOCKED!

ni Beth Gelena - @Bulgary Files | June 17, 2021

Sharon movie-Instagram / reallysharoncuneta

Naglabas na ng mga body shot photos nina Sharon Cuneta at Marco Gumabao na kuha sa pelikulang pinagsamahan nila, ang Revirginized.

Shocked ang mga fans sa ibinahaging larawan para sa promo ng movie dahil conservative ang maraming fans ng Megastar.

Si Sharon ay 55 years old na, samantalang 26 naman si Marco.

Sa larawan, makikita si Sharon na naka-red swimsuit at luwa ang cleavage habang dinidilaan nito ang dibdib ni Marco.

May ilang netizens ang nag-comment na kahit eksena lang 'yun sa movie, malaswa ang ginawa ni Mega para sa edad at status nito ngayon bilang isa nang icon at inirerespeto sa industriya.

"OMG I have NEVER done this in real life (I don’t drink tequila or anything else with alcohol! Hahahahaha!)" ang caption ni Megastar sa naka-post nilang larawan ni Marco.

Komento naman ni Marco, "Can’t wait to see the whole film."

Sa Facebook page naman ni Darryl Yap, ang director ng movie kung saan siya ang nag-share ng body shot nina Sharon at Marco ay mababasa ang, "Marco Gumabao is Mega Tested. Mega Approved."

Ang Revirginized ang unang project ng Megastar sa kanyang former mother studio, ang Viva Films, after 18 years.

Sa pelikula, Sharon plays a woman who discovers her awakening after many years of solitude.