Mga aplikante ng Binibining Pilipinas dapat fully vaccinated kontra COVID-19

ni Jasmin Joy Evangelista | February 7, 2022

Umpisa na muli ang pageant season sa paghahanap ng Binibining Pilipinas Charities Inc. at Miss Universe Philippines ng mga bagong reyna.

Sa February 15 ang deadline sa pag-apply para sa Miss Universe Philippines.

Isa sa mga requirement para mag-apply ay dapat fully vaccinated na laban sa COVID-19 ang nagnanais maging kandidata.

Sinabi ni Gines Enriquez ng Bb. Pilipinas Charities na sila ay mahigpit na susunod sa health protocols.

“Official contestants and everyone involved in the pageant must be fully vaccinated at least 14 days prior to the kickoff of events for the competition,” ani Enriquez. “We will adhere to the policies set by the LGU/IATF.”

Magsisimula naman sa Marso ang screening ng mga aplikante para sa Bb. Pilipinas.

Flores de Mayo parade ang magiging opening salvo ng pageant na gaganapin sa Araneta City sa Mayo at susundan ng pre-pageant activities at charity work.

Sa July 2022 nakatakdang ganapin ang coronation para sa apat na crowns — Bb. Pilipinas International, Globe, Intercontinental, and Grand International.

Samantala, kukumpirmahin pa ng organisasyon kung may madadagdag na Bb. Pilipinas crown.

Matapos makansela noong nakaraang lingo… Miss World coronation night, sa Marso 16, 2022 na gaganapin

ni Jasmin Joy Evangelista | December 22, 2021

Matapos makansela ang grand coronation event noong nakaraang Linggo, inanunsiyo ng Miss World organizers na itutuloy ang coronation night ng pageant sa March 16, 2022.

Inanunsiyo ito ng organisasyon sa social media at sinabi na gaganapin pa rin ito sa Puerto Rico, tulad ng nauna nang plano.

“We are so excited that we are staying in Puerto Rico to crown the new Miss World!” pahayag ni Julia Morley, president ng Miss World Ltd.

“Our team is thrilled that we will show all the wonders that Puerto Rico has to offer as a premier tourism destination to the entire world. We love Puerto Rico," dagdag pa niya.

Batay sa announcement, ang content na kanila nang pre-recorded and taped sa Puerto Rico nitong Disyembre ay ipapakita pa rin internationally sa finale show.

Samantala, ang mga tickets na nabili na para sana noong Disyembre 16 ay maaari pa ring gamitin.

Miss World finals, kanselado

ni Jasmin Joy Evangelista | December 17, 2021

Kanselado ang Miss World 2021 finals sa Puerto Rico na nakatakda ngayong umaga ng Biyernes, Disyembre 17, oras sa Pilipinas.

Ito ay inanunsiyo ng Miss World 2021 organizers dahil umano sa "health and safety interest of contestants, staff, crew and general public."

"After meeting with the virologists and medical experts hired to oversee the Miss World 2021 event and discussing with the Puerto Rico Health Department, the decision has been made by the organizers of the event to postpone the globally broadcast finale at the Puerto Rico Coliseum Jose Miguel Agrelot to be held within the next 90 days," pahayag ng organizers sa isang statement.

"As of yesterday, additional safety measures were implemented in the best interest of the contestants, production team and spectators, understanding the event increased risks on the stage and in the dressing room. However, after additional positive cases were confirmed this morning after consulting with health officials and experts, the postponement decision was made," dagdag pa nito.

Inirekomenda ng medical experts ang agarang pag-quarantine at pagsasailalim sa testing ng mga staff at kandidata ng naturang event.

Kailangan umanong ma-clear ng health officials ang bawat kandidata bago sila payagang umuwi sa kani-kanilang bansa.

“We are very much looking forward to the return of our contestants, (who we have grown to know and love), to compete for the Miss World crown,” ani Julia Morley, CEO ng Miss World Ltd. Puerto Rico offers a safe environment and a spectacular backdrop for filming the Miss World Festival!”

Bago ang desisyon, ilang kandidata ang napabalitang nahawa ng coronavirus disease (COVID-19) kabilang ang delegada ng Indonesia na inisyal na inanunsyong hindi mapapabilang sa finals night.

Tiniyak naman ng organizers na itutuloy pa rin ang naturang kompetisyon subalit mangyayari ito sa susunod pang tatlong buwan.

Samantala, siniguro naman ng organizers ng Miss World Philippines na ligtas at negative sa COVID-19 ang pambato ng Pilipinas na si Tracy Maureen Perez.