ni Mary Gutierrez Almirañez | April 4, 2021
Pumanaw na si dating Batangas City Mayor Eduardo Dimacuha sa edad na 78, batay sa Facebook post ng anak nitong si Attorney Reginald Dimacuha ngayong araw, Abril 4.
Aniya, "Our Dad, Eduardo B. Dimacuha, former Batangas City mayor, joined his Creator this morning, 4 April 2021, Easter Sunday. We request prayers for the eternal repose of his soul."
Nagsilbi ang dating alkalde sa loob ng 7 termino o mahigit 21 na taon, simula noong 1988-1998, 2001-2010 hanggang 2013-2016. Itinuturing din ang serbisyo nito bilang pinakamatagal na alkalde ng lungsod.
Samantala, habang isinusulat ang artikulong ito ay hindi pa rin malinaw ang dahilan ng ikinamatay ng dating alkalde.
“Our family would like to grieve in private at this time. We thank you for your love and your prayers,” sabi pa ni Atty. Dimacuha.