Galing Oman at UAE, bawal na sa ‘Pinas

ni Mary Gutierrez Almirañez | May 16, 2021

Bawal na ring pumasok sa ‘Pinas ang lahat ng mga biyahero galing Oman at United Arab Emirates (UAE) hanggang sa ika-31 ng Mayo, bilang pag-iingat sa banta ng Indian variant ng COVID-19, ayon kay Overseas Workers Welfare Administration Administrator Hans Leo Cacdac ngayong araw, May 16.

Aniya, "The travel ban for inbound Filipinos from UAE and Oman is effective on May 15. The latest cases of Indian variant came from these areas. Mostly from the Middle East."

Matatandaan namang inanunsiyo na rin kamakailan ni Spokesperson Harry Roque ang pag-i-implement ng travel ban, alinsunod sa naging rekomendasyon ng Department of Health (DOH) at Department of Foreign Affairs (DFA).

"All travelers coming from Oman and the United Arab Emirates (UAE) or those with travel history to these two countries within the last fourteen (14) days preceding arrival shall be prohibited from entering the Philippines beginning 0001H of May 15, 2021 until 2359H of May 31, 2021," sabi pa ni Roque.

Samantala, extended din hanggang May 31, 11:59 nang gabi ang travel ban sa mga biyahero mula India, Pakistan, Nepal, Bangladesh at Sri Lanka.

Sa ngayon ay 12 na ang nagpositibo sa Indian variant ng COVID-19 sa ‘Pinas. Karamihan sa kanila ay overseas Filipino workers (OFW) galing Middle East.

Ang nasabing B.1.617.2 variant ng COVID-19 ay orihinal na na-develop sa India at laganap na rin sa iba’t ibang bansa. Ito ay kinatatakutan ng buong mundo dahil mas mabilis itong makahawa kumpara sa ibang variant.

'Di lang sa India, Pakistan, Nepal, Bangladesh at Sri Lanka… Galing Oman at UAE, bawal na rin sa

'Pinas

ni Ronalyn Seminiano Reonico | May 14, 2021

Pinalawig pa ng Pilipinas ang travel ban sa India hanggang sa katapusan ng Mayo dahil sa patuloy na paglala ng kaso ng COVID-19 sa naturang bansa.

Extended din ang travel ban sa mga karatig-bansa ng India katulad ng Bangladesh, Pakistan, Nepal at Sri Lanka.

Pahayag ni Presidential Spokesperson Harry Roque, "All existing travel restrictions of passengers coming from India, Pakistan, Nepal, Bangladesh and Sri Lanka are extended until May 31, 2021.”

Kasabay nito, epektibo na rin sa May 15 hanggang 31 ang travel ban sa mga biyahero mula Oman at United Arab Emirates (UAE).

Sakop din sa naturang restriksiyon ang mga may travel history sa UAE at Oman sa loob ng 14 na araw, ayon kay Roque.

Nilinaw din ni Roque na hindi kasama sa travel ban ang mga pasahero na nakalabas na sa UAE at Oman bago mag-May 15 at maaari pa ring makapasok sa Pilipinas ngunit kailangang sumailalim sa 14-day quarantine.

Airlines, binalaan sa mga dayuhang galing sa bansang banned sa ‘Pinas

ni Lolet Abania | May 10, 2021

Pinaalalahanan ng Bureau of Immigration ang mga airlines na tiyaking ang mga dayuhan na maaaring makapasok sa bansa lamang ang papayagang sumakay sa kanilang mga flights na patungo sa Pilipinas.

“We reiterate that only foreigners with valid and existing visas are allowed to enter the country. The entry of foreign tourists is still temporarily restricted,” ani BI Commissioner Jaime Morente.

Ayon kay Morente, ang mga dayuhan na kasalukuyang ipinagbabawal na pumasok sa bansa ay hindi pinapayagan pagdating pa lamang sa airport habang agad na pinasasakay sa flight pabalik sa pinanggalingang bansa.

Ayon din sa bureau, ang mga airlines ay posible ring pagmultahin at i-sanction dahil sa pagpayag sa tinatawag na “improperly documented aliens” na nasa flight.

“We are thankful that they have been very supportive, and understands that the IATF (Inter-Agency Task Force for the Management of Emerging Infectious Diseases) deems these actions necessary to curb the further spread of COVID-19 and its variants in our country,” saad ni Morente.

Ipinagbabawal na pumasok sa bansa ang mga biyahero na galing sa India, Pakistan, Nepal, Bangladesh, at Sri Lanka epektibo hanggang Mayo 14.

Gayunman, ayon sa BI, ang mga dayuhan lamang na kuwalipikado sa balikbayan privilege ang exempted sa pagkuha ng entry visas. Kabilang sa mga balikbayan ay mga Pinoy at mga dating Filipino, kanilang dayuhang asawa at mga anak na kasama nilang bumiyahe.

Sinabi pa ng BI na maaari silang pumasok at manatili sa bansa nang isang taon kung saan ito ay visa-free.

Ipinatutupad din ng bureau ang IATF Resolution 114 na kinakailangang lahat ng darating na pasahero sa bansa ay sasailalim sa 14-day quarantine, kung saan ang unang 10 araw ay isasagawa sa isang quarantine facility.

“Following this, arriving aliens will be required to present a 10-day booking in an accredited quarantine facility,” ani BI Port Operations Division Chief Carlos Capulong.

“Failure to present a confirmed booking will result in exclusion,” dagdag ni Capulong.