Mga nilindol, buwis-buhay naman sa flash flood

ni Jeff Tumbado @News | June 15, 2026

Photo: Circulated

Habang patuloy pang bumabangon ang mga residente mula sa 7.8 na lindol noong Hunyo 8, panibagong pagsubok na naman ang hinarap ng komunidad sa Sarangani matapos rumagasa ang baha dulot ng malalakas na pag-ulan nitong gabi ng Sabado.

Kabilang sa mga apektadong lugar ang Upper Lumasal at Brgy. Kiongok sa Maasim, gayundin ang Brgy. Malalag sa Maitum, kung saan mabilis na tumaas ang tubig-baha dulot ng walang tigil na pag-ulan.

Isa sa mga matinding naapektuhan ang Lumasal Bridge sa Maasim na nagtamo ng malaking pinsala matapos hagupitin ng rumaragasang tubig-baha.

Nalubog din ang ilang kalapit na komunidad habang nasira ang ilang kabahayan at ari-arian dahil sa malalakas na agos ng tubig.

Sa Maitum naman, nagsagawa ng clearing at assistance operations ang mga tauhan ng Maitum Municipal Police Station matapos mabara ng bumagsak na puno at baha ang isang kalsada sa Purok Bugo, Brgy. Malalag.

Naging mapanganib din sa mga motorista at pedestrian ang ilang lansangan dahil sa baha na umabot hanggang tuhod sa ilang bahagi ng lugar.

66 patay sa baha at landslide sa Nepal

ni Eli San Miguel @Overseas News | Sep. 29, 2024

Naitala ang hindi bababa sa 66 na namatay sa Nepal mula noong maagang bahagi ng Biyernes dahil sa pagbaha at mga landslide mula sa tuloy-tuloy na pag-ulan.

Iniulat naman nitong Sabado na may karagdagang 69 na nawawala at 60 na nasugatan, ayon kay Dil Kumar Tamang, opisyal ng Ministry of Home Affairs.

Naganap ang karamihan ng pagkamatay sa Kathmandu valley, na tahanan ng 4 milyong tao, kung saan pinahinto ng pagbaha ang daloy ng trapiko. Daan-daang mga tao ang namamatay taun-taon sa panahon ng tag-ulan dahil sa mga landslide at biglang pagbaha.

Mula sa kalagitnaan ng Hunyo, hindi bababa sa 254 na tao ang namatay, kasama ang 65 na nawawala mula sa mga landslide, pagbaha, at mga pagtama ng kidlat.

20 pamilya sa Sarangani, pinalikas

ni Eli San Miguel - Trainee @News | November 22, 2023

Lumikas ang halos 20 na pamilya sa Glan, Sarangani dahil sa malalaking pinsala sa lupa matapos ang lindol na may 6.8 magnitude noong nakaraang linggo, ayon kay Mayor Victor James Yap Sr. ngayong Miyerkules.

"For those na maraming bitak, hindi na po namin pinapabalik," sabi ni Yap sa ANC. "Hinahanapan na po namin sila ng malilipatan nila, mapapagtayuan ng kanilang mga bahay."

Sinabi ng alkalde na prayoridad ng kanilang administrasyon ang pagtatayo muli ng mga 2,000 na bahay sa bayan na naapektuhan ng malakas na lindol.

Nanawagan ng tulong si Yap sa pambansang pamahalaan dahil P7 milyon na lamang ang laman ng kanilang calamity quick response fund at labis ang pinsala ng municipal hall mula sa lindol.