Biyahe pa-Visayas at Mindanao, suspendido dahil kay 'Bising'

ni Ronalyn Seminiano Reonico | April 16, 2021

Sinuspinde ng Department of Transportation (DOTr) ang biyahe papuntang Visayas at Mindanao ngayong Biyernes dahil sa banta ng Bagyong Bising.

Pahayag ng DOTr, “Due to the imminent threat of Severe Tropical Storm (STS) ‘Surigae’ (Bising), the DOTr suspends all land and sea travel, including those of fishing vessels, bound for Visayas and Mindanao via Matnog Port and all other ports in Region V starting 12 noon today, 16 April 2021.

“The DOTr advises trucking/logistics companies and buses not to proceed or postpone their planned trips in order to avoid long queues at Matnog, Sorsogon, to Daraga, Albay.”

Ayon din sa DOTr, ang naturang suspensiyon ay inihain ng Office of Civil Defense (OCD) Region V at inaprubahan ng National Disaster Risk Reduction and Management Council-Emergency Operations Center (NDRRMC-EOC).

Saad pa ng ahensiya, “Moreover, the DOTr orders its attached agencies in the Maritime and Road Sectors, namely the Philippine Coast Guard (PCG), the Land Transportation Office, (LTO), and the Land Transportation Franchising and Regulatory Board (LTFRB) to immediately enforce the said travel suspension.”

Kasunod nito ay naglabas din ang PCG ng maritime safety advisory kung saan pansamantala ring sinuspinde ang mga shipping operations sa Matnog Port sa Sorsogon papuntang Visayas at Mindanao simula ngayong araw, April 16 hanggang sa April 20 dahil sa Bagyong Bising.

Dagdag ng ahensiya, “According to Philippine Coast Guard (PCG) Spokesperson, Commodore Armando Balilo, all TRUCKING/LOGISTICS COMPANIES and BUSES are advised to POSTPONE THEIR TRIPS to avoid long queues at said port as a precautionary measure to control the spread of COVID-19 in the province.”

Samantala, sa weather bulletin ng PAGASA bandang alas-3 nang hapon, ang Bagyong Bising ay nasa 895 km Silangan ng Surigao City, Surigao del Norte.

Mayroon itong maximum sustained winds na 130 km/h malapit sa sentro ng bagyo at may bugso ng hangin na 160 km/h. Kumikilos ito pakanluran.

Makararanas ng maulap na panahon at kalat na pag-ulan at thunderstorm ang Eastern Visayas dahil sa Bagyong Bising.

Maulap na panahon din ang mararanasan sa iba pang bahagi ng Visayas, Palawan, at Occidental Mindoro.

Vicky' umalis na, bagong bagyo, next!

ni Thea Janica Teh | December 20, 2020

Lumabas na ng bansa kaninang alas-2 ng hapon ang bagyong Vicky, ayon sa PAGASA. Huli itong namataan sa 70 kilometers southeast ng Kalayaan, Palawan kaninang alas-4 ng hapon at may bilis na 15 km per hour (kph) papuntang kanluran.

Mayroon itong maximum sustained wind na 55 kph malapit sa sentro ng bagyo at may bugso ng hangin sa 70 kph. Samantala, nakataas pa rin sa Storm signal no. 1 ang Kalayaan Island kung saan mararanasan ang 30 hanggang 60 kph bugso ng hangin.

Magdadala pa rin ng mahina hanggang malakas na pag-ulan ang bagyo at tail-end ng frontal system ngayong Linggo nang gabi hanggang Lunes sa mainland ng Cagayan Valley, Apayao, Kalinga, Mountain Province, Ifugao, Aurora, Quezon, Bicol Region, northern portion ng Palawan kasama ang Calamian Island at Kalayaan Island.

Pinaalalahanan ng PAGASA ang publiko na mag-ingat dahil sa posibilidad na magkaroon ng landslide at baha dahil sa pag-ulan. Samantala, may isa pang low pressure area ang binabantayan ng PAGASA na maaaring pumasok sa bansa bago matapos ang taon.

P62.8 Milyon, donasyon ng UK sa mga biktima ni 'Rolly'

ni Thea Janica Teh | November 3, 2020

Nag-donate ng £1 million o mahigit P62.8 milyon sa Pilipinas pati na rin sa Vietnam ang pamahalaan ng United Kingdom ngayong Martes upang makatulong sa mga nasalanta ng bagyong Rolly.

Ayon sa Minister for Asia at the Foreign, Commonwealth & Development Office (FCDO) na si Nigel Adams, malaki umano ang naging impact ng bagyong Rolly sa buhay ng mga residente ng Pilipinas at Vietnam.

Umabot sa 19 katao sa Pilipinas ang namatay dahil sa bagyo at libu-libong residente ang nawalan ng tirahan. Samantala, apat na bagyo naman ang tumama sa Vietnam na naging sanhi ng pagbaha at landslide.

Ang donasyon ng UK ay dadaan sa International Federation of Red Cross (IFRC) kung saan ipapadala sa local Red Cross partners.

Ito ay gagamitin para sa pagpapagawa ng tahanan, pagbibigay ng pagkain at tubig at pagbibigay ng kabuhayan sa halos 80,000 Filipino at 160,000 Vietnamese.