Tropical Depression Domeng, lumakas pa — PAGASA

ni Lolet Abania | July 1, 2022

Lumakas pa ang Tropical Depression Domeng na maging tropical storm ngayong Biyernes habang kumikilos itong pahilaga o northwards sa buong Philippine Sea, silangan ng extreme northern Luzon, ayon sa PAGASA.

Sa kanilang 11AM bulletin, batay sa PAGASA si ‘Domeng’ ay namataan sa layong 940 kilometro silangan ng Basco, Batanes, na may maximum sustained winds ng 65 km kada oras malapit sa sentro at gustiness na aabot hanggang 80 km/h.

Habang kumikilos ito pahilaga o northwards ng 15 km/h. Ayon sa PAGASA, asahan na ang monsoon rains sa buong Kalayaan Islands habang mahina hanggang sa katamtaman na mga pag-ulan ang mararanasan sa buong western sections ng Central at Southern Luzon.

“Occasionally gusty conditions reaching strong breeze to near gale in strength are also expected over Extreme Northern Luzon, the northern and western portions of Luzon, and the western portion of Visayas,” saad ng PAGASA.

“These conditions are more likely in coastal and mountainous/upland localities of these areas,” pahayag ng state weather bureau.

Ang naturang weather conditions ay dahil na rin sa Southwest Monsoon na pinalakas pa ni ‘Domeng’ at Severe Tropical Storm “Chaba”, dating ‘Caloy,’ ayon pa sa PAGASA.

Nananatiling nakataas ang Gale Warning sa buong western seaboards ng Luzon. Habang katamtaman hanggang sa maalong karagatan na aabot hanggang 4.0 metro ang mararanasan sa buong natitirang bahagi ng seaboards ng northern Luzon.

“These conditions may be risky for those using small sea crafts. Mariners are advised to take precautionary measures when venturing out to sea and, if possible, avoid navigating in these conditions,” babala pa ng PAGASA.

Batay sa PAGASA, posibleng lumabas si ‘Domeng’ sa Philippine Area of Responsibility (PAR) ng Sabado ng umaga o hapon.

Sa loob ng 24 oras.. TD Caloy, posibleng lumabas ng PAR — PAGASA

ni Lolet Abania | June 29, 2022

Sa pinakabagong weather update ng PAGASA, nabatid na halos nakapirme o “almost stationary” ang Tropical Depression Caloy sa buong West Philippine Sea, ngayong Miyerkules ng umaga.

Sa 11AM weather bulletin ng PAGASA, si ‘Caloy’ ay nananatiling halos stationary o kumikilos “generally” west northwestward sa buong araw habang pa-northwestward naman ito sa Huwebes hanggang Biyernes ng umaga.

“On Saturday (02 July), ‘CALOY’ will turn north northwestward towards southern portion of China, where it is expected to make landfall,” pahayag ng PAGASA. Batay sa PAGASA, ang TD Caloy ay posibleng lumabas sa Philippine Area of Responsibility (PAR) sa loob ng 24 oras, subalit dahil sa kasalukuyang kalikasan ng sirkulasyon nito, ang kanyang track at intensity forecast ani ahensiya, “may still change in the succeeding bulletins.”

Sa ngayon ayon sa PAGASA, ang sentro ni Caloy base sa lahat ng available data, ay tinatayang nasa layong 375 km West ng Iba, Zambales. Habang may maximum sustained winds ng 45 km/h malapit sa center at gustiness ng aabot sa sa 55 km/h.

“The large overall circulation and disorganized structure of ‘CALOY’ suggest a slow pace of intensification in the near term,” saad ng PAGASA. Sa forecast din ng ahensiya, si Caloy ay mananatiling isang tropical depression sa susunod na 48 oras, habang bahagya itong titindi at aabot sa tropical storm category sa Biyernes ng hapon.

Inaasahan na palalakasin ni Caloy ang monsoon trough at ang Southwest Monsoon, kung saan magdudulot ng mga pag-ulan sa buong western sections ng Luzon at Visayas ng Miyerkules.

Ayon pa sa PAGASA, “occasionally gusty conditions reaching strong breeze to near gale in strength are expected over Extreme Northern Luzon, and the western sections of Luzon and Visayas.” “These conditions are more likely in coastal and mountainous/upland localities of these areas,” dagdag ng state weather bureau.

Sinabi rin ng PAGASA, katamtaman hanggang sa maalon na karagatan na aabot sa 3.4 metro ang inaasahan sa buong seaboards ng Northern Luzon at ang western seaboards ng Central at Southern Luzon.

“These conditions may be risky for those using small seacraft. Mariners are advised to take precautionary measures when venturing out to sea and, if possible, avoid navigating in these conditions,” babala naman ng PAGASA.

224 nasawi, 147 nawawala dahil sa Bagyong Agaton — NDRRMC

ni Lolet Abania | April 21, 2022

• 

• 

Umakyat na sa 224 ang naiulat na nasawi dahil sa Bagyong Agaton ngayong Huwebes, ayon sa National Disaster Risk Reduction and Management Council (NDRRMC).

Base sa 8AM report ng NDRRMC, ang lahat ng bagong naiulat na namatay ay mula sa Eastern Visayas na may kabuuang 202.

Gayundin, nasa 17 indibidwal naman mula sa kabuuang nai-report na nasawi ay mula sa Western Visayas, tatlo sa Davao, at dalawa sa Central Visayas.

Ayon sa NDRRMC, ang bilang ng mga indibidwal na naiulat na nawawala ay umakyat na rin sa 147 mula sa 111, habang ang bilang ng mga nasaktan dahil sa bagyo ay nananatiling walo.

Subalit, ang mga nai-report na 18 namatay, pitong nawawala, at anim na nasaktan ang nakumpirma pa lamang sa ngayon.

Nasa kabuuang 2,081,011 katao o 599,956 pamilya ang labis na naapektuhan ng Bagyong Agaton mula sa 2,421 barangay sa Bicol, Western Visayas, Central Visayas, Eastern Visayas, Northern Mindanao, Davao, Soccsksargen, Caraga, at Bangsamoro.

Sa naturang bilang, 109,518 indibidwal o 29,911 pamilya ang nananatili sa 447 evacuation centers. Sinabi naman ng NDRRMC, umabot na sa halagang P64,028,560 assistance ang naibigay sa mga apektadong lugar.