9 kalsada, sarado pa rin dahil kay ‘Karding’ — DPWH

ni Lolet Abania | September 26, 2022

Siyam na mga lansangan sa Luzon ang nananatiling sarado sa trapiko kasunod ng paghagupit ng Super Bagyong Karding, ayon sa Department of Public Works and Highways (DPWH) ngayong Lunes.

Sa isang advisory, sinabi ng DPWH na 4 na kalsada sa Central Luzon, 2 sa Cagayan Valley, at tig-1 sa Cordillera Administrative Region at CALABARZON ang hindi pa maaaring daanan, para na rin sa kanilang kaligtasan, dahil ito sa na-damage na pavement, mga pagguho ng lupa o landslides, pagbaha at pagbagsak ng electrical post sanhi ng super bagyo.

Ang mga apektadong kalsada ay ang mga sumusunod:

* Kennon Road (sarado sa mga hindi residente ng lugar)

* Manila North Road sa Sitio Banquero, Barangay Pancian, Pagudpud, Ilocos Norte

* Bambang-Kasibu-Solano Road, Antutot Section sa Nueva Vizcaya

* NRJ - Villa Sur San Pedro- Cabuaan- Ysmael- Disimungal Road, San Pedro Overflow Bridge sa San Pedro, Madella, Quirino

* Nueva Ecija-Aurora Road sa Aurora province

* Daang Maharlika Road sa Barangay Castellano, San Leonardo, Nueva Ecija

* Tarlac-Sta. Rosa Road sa Barangay Malabon Kaingin, Jaen, Nueva Ecija

* Concepcion - Lapaz road sa Tarlac

* Ternate - Nasugbu Road sa Cavite

Ayon din sa DPWH, tatlong kalsada sa rehiyon ang limitado naman ang accessibility nito. Kabilang dito ang Apalit-Macabebe-Masantol Road sa Macabebe, Pampanga; Olangapo- Bugallon Road, sections sa Sindol, San Felipe at San Rafael, Cabanang, Zambales; at Rizal Boundary-Famy-Quezon Boundary Road sa Laguna.

Una nang nag-deploy ang DPWH ng quick response teams sa mga typhoon-stricken areas upang ma-monitor nila ang galaw at sitwasyon, at suportahan ang relief operations ng gobyerno sa pagsasagawa ng mga clearing operations.

LIST: Work at class suspensions dahil sa bagyong ‘Florita’

by Info | August 23, 2022

Metro Manila – Ilang mga probinsiya at LGUs ang nag-suspinde ng trabaho at klase ngayong Martes, dulot ng bagyong Florita:

(ALL LEVELS PUBLIC AT PRIVATE)

Quezon Province

Cagayan Province

Camarines Norte

Camarines Sur

Hagonoy, Bulacan

Ilocos Norte

Ilocos Sur

Dagupan

Pangasinan - Bugallon, Mangatarem, Urdaneta

Cabagan

Tumauini

Isabela

Isabela

La Union Province - All levels, government offices

San Fernando

San Juan

Rosario

Caba

Bauang

Luna

Bagulin

Bacnotan

(ELEMENTARY - HIGH SCHOOL, PUBLIC AT PRIVATE)

Aurora Province -

San Luis

Maria Aurora

Baler

Dipaculao

Dilasag

Dinalungan

Casiguran

(PRE-SCHOOL - HIGH SCHOOL)

Baguio City

Isabela

Ilagan City

Update ngayong August 23, 2022. Manatiling nakatutok para sa karagdagang ulat sa bagyong #FloritaPH.

Bagyong Domeng, nakalabas na ng PAR — PAGASA

ni Lolet Abania | July 2, 2022

Nakalabas na ng Philippine Area of Responsibility (PAR) ang Tropical Storm Domeng na may international name na Aere ngayong Sabado ng umaga, ayon sa PAGASA.

Sa 11AM bulletin ng weather bureau, alas-10:00 ng umaga, namataan ang sentro ni ‘Domeng’ na nasa layong 990 kilometers east northeast ng Extreme Northern Luzon na matatagpuan sa labas ng PAR.

Taglay nito ang maximum sustained winds ng 85 km/h malapit sa sentro, gustiness na aabot ng 105 km/h, at central pressure ng 994 hPa.

Kumikilos si ‘Domeng’ patungong north northwestward ng 30 km/h at inaasahang pinakamalapit na daraan ito sa buong Ryukyu Islands ng Japan ngayong Sabado ng gabi. Habang patungong north northwestward ng Linggo sa East China Sea.

Ayon sa PAGASA, “from its center, strong to gale-force winds are extending outwards up to 400 km.”

“’DOMENG’ is forecast to remain tropical storm in the next 36 hours,” pahayag ng weather bureau.

“Tropical Storm ‘DOMENG’ is not directly affecting the archipelago within the forecast period,” dagdag ng PAGASA.

Gayunman, nananatiling nakababa ang gale warning sa buong western seaboards ng Northern at Central Luzon dahil kay ‘Domeng’, Typhoon Chaba at ang Southwest Monsoon o Habagat.

Ang natitirang seaboards ng Northern Luzon at western seaboard ng Southern Luzon ay makararanas din ng katamtaman hanggang sa rough seas, na may mga pag-alon na posibleng umabot ng hanggang 4 metrong taas, na magiging mapanganib para sa maliliit na sasakyang pandagat.

Pinapayuhan ang publiko at disaster risk reduction and management offices na patuloy na magsagawa ng mga kaukulang pag-iingat kaugnay sa bagyo.