Magalong, tuloy bilang contact tracing czar hangga't oks kay P-Du30

ni Lolet Abania | February 2, 2021

Matapos magpasa ng irrevocable resignation bilang contact tracing czar kaugnay ng dinaluhang kontrobersiyal na party kung saan nalabag ang COVID-19 health protocols, nilinaw ni Baguio City Mayor Benjamin Magalong na mananatili siya sa naturang posisyon kung nanaisin ni Pangulong Rodrigo Duterte.

Nauna nang sinabi ni Presidential Spokesperson Harry Roque na hindi tinanggap ng Malacañang ang kanyang pagbibitiw at ayon kay Magalong, magkakaroon sila ng pagpupulong ni Secretary Carlito Galvez Jr. at Deputy Chief Implementer Secretary Vince Dizon tungkol sa kanyang resignation.

Aniya, "I'm due to meet with Secretary Galvez this week together with Secretary Vince and again I would like to reiterate that my resignation is irrevocable. I will continue to help in the contact tracing.”

Inamin naman ni Magalong na hindi niya mahihindian si P-Duterte kung ito na mismo ang magsasabi sa kanya na manatili sa puwesto bilang contact tracing czar ngunit umaasa siya na hindi na ito makarating pa sa pangulo.

Aniya, "It is a situation that no one can refuse if the President tells you to stay and perform your job. I cannot refuse the President. Pero hindi naman na siguro aabot 'yan kay Presidente, sa dami ng problema ng Presidente. Siguro at the level ni Secretary Galvez, makapagdesisyon na.”

Samantala, sa ngayon ay pinangungunahan pa rin ni Magalong ang contact tracing efforts sa Bontoc at La Trinidad.

Aniya pa, "I continue to perform my job as contact tracing lead, in fact mina-manage pa rin namin 'yung situation doon sa Bontoc and La Trinidad and I just met with Asec. France Laxamana yesterday of DOH and we are due to meet with her team on Wednesday para nga turuan namin ng aming analytical tools, especially on the aspect of link analysis.”

Pinakamalamig na temperatura sa Baguio, naitala

ni Lolet Abania | January 31, 2021

Naitala ang pinakamalamig na temperatura ngayong Linggo sa Baguio City mula pa sa ginawang monitoring ng PAGASA noong mga 'Ber’ months.

Ayon sa PAGASA, bumagsak ang temperatura sa lungsod ng 9.4 degrees Celsius bandang alas-6:30 ng umaga.

Bunsod umano ang malamig na panahon ng hanging amihan. Batay din sa ulat ng PAGASA, posibleng bumaba pa ang temperatura sa mga susunod na araw.

Samantala, muling nagbukas sa publiko ang Baguio City noong Oktubre matapos na magpatupad ng lockdown sa lungsod dahil sa COVID-19 pandemic.

Isa sa mga pinakatanyag na tourist destinations sa bansa na kilala bilang City of Pines at Summer Capital of the Philippines ang Baguio City.

Hindi lang grupo ni Tim Yap... Asawa ni Mayor Magalong, pagmumultahin sa paglabag sa health protocol

ni Lolet Abania | January 27, 2021

Binibigyan ng 72-oras ng lokal na pamahalaan ng Baguio City ang isang hotel sa lungsod upang magpaliwanag kung bakit hindi dapat i-sanction sa nangyaring paglabag sa COVID-19 protocol kaugnay ng naganap na birthday party ng celebrity na si Tim Yap.

Ayon sa inilabas na anunsiyo sa Facebook page ng Public Information Office (PIO) ng Baguio ngayong Miyerkules, “The city government gives hotel 72 hours to explain why it should not be sanctioned over celebrity party protocol breach.”

Ipinahayag naman ni Baguio City Mayor Benjamin Magalong na kinokonsidera niya ang naging “kontribusyon” ni Tim Yap sa siyudad, kasabay ng pagsasagawa ng imbestigasyon sa nangyaring paglabag sa COVID-19 protocol matapos na mag-viral ang birthday party nito kung saan dumalo rin ang alkalde.

Si Magalong na isa ring contact tracing czar ay nagsabi na nakita niya ang mga paglabag sa protocol sa naturang okasyon, partikular na ang hindi pagsusuot ng mga bisita ng masks.

Wala ring mga face shields at binalewala ang physical distancing. “Doon sa activity na ’yun, makikita mo, mayroong outright na violation,” sabi ng alkalde. “It’s because siyempre, tao lang, kumakain ka ba naman, bigla inimbitahan kang tumayo, nakipagsayaw ka, nakalimutan mo na,” dagdag ng mayor.

“Hindi ka naman perfect na tao. May magpapa-picture sa ’yo, makakalimutan mo ’yung mask mo, ‘di ba?” Binanggit naman ni Magalong na hindi dapat mag-alala si Yap sa gagawing imbestigasyon.

“Don’t you worry about it. Your contributions to Baguio City, promoting, you’ve been saying good words about Baguio, the help that you’ve extended to our artists -- we’re considering all of this,” ani Magalong.

Sinabi ni Magalong na nauunawaan niya kung bakit ang mga tao sa party, kasama na ang kanyang asawa, ay hindi nakasunod sa COVID-19 protocols. “We’re just human. Sometimes we are so engaged in one particular activity which is so fun that sometimes we forget.”

Gayunman, ang The Manor Hotel kung saan naganap ang birthday party ni Tim Yap, ay hiningan na ng paliwanag sa insidente. Ayon din kay Magalong, nagsagawa naman ng COVID-19 test sa mga guests bago dumalo sa okasyon.

Sinabi rin ni Magalong na nagkaroon ng imbestigasyon ang kanyang opisina tungkol sa isyu at pagmumultahin nila ang mga bisita sa nasabing party, maging ang kanyang asawa, na mapapatunayang lumabag sa health protocols.

“Pati wife ko, ipa-fine ko, pati grupo ni Tim Yap. We will fine them and everyone na ma-identify doon na hindi nagsuot,” pahayag pa ni Magalong.