May 'K' sa benepisyo, ayuda... LGBTQIA+, pasok na solo parent

by Mai Ancheta @News | November 1, 2026

Photo: Usec. Elen De Vibar Pasion - DSWD

Maaaring maging kwalipikado sa mga benepisyo at tulong ng solo parent ang mga miyembro ng LGBTQIA+ community sa ilalim ng Expanded Solo Parents Welfare Act, ayon sa Department of Social Welfare and Development (DSWD).

Ayon kay DSWD Undersecretary Elen De Vibar Pasion, walang probisyon sa batas na nag-aalis sa mga miyembro ng LGBTQIA+ community sa pagiging solo parent, basta't natutugunan nila ang mga itinakdang rekisito.

Sa kasalukuyan, nasa 7,000 sa halos 300,000 rehistradong solo parent sa bansa ang kabilang sa LGBTQIA+ community.

Hinimok din ng DSWD ang publiko na magpakita ng pag-unawa at paggalang sa mga isyung may kinalaman sa mga marginalized group.

Cash ayuda sa El Niño, handa na — DSWD

ni Mervin Reyes @News | October 7, 2026

Photo: Rex Gatchalian - DSWD

Naghanda ang Department of Social Welfare and Development (DSWD) ng mga intervention para sa mga komunidad na matinding maaapektuhan ng “very strong” El Niño.

Ayon kay DSWD Sec. Rex Gatchalian, kabilang dito ang family food packs at cash assistance, gayundin ang long-term intervention na Project LAWA at BINHI.

Dalawang taon na ang nakalilipas mula nang ilunsad ang proyektong naglalayong magtayo ng water impounding facilities sa maliliit na komunidad.

P10 dagdag-presyo sa petrolyo... P12 fuel discount, stop dahil sa election ban

by Jeff Tumbado @News | September 20, 2026

Photo: File

Pansamantalang sinuspinde ng Land Transportation Franchising and Regulatory Board (LTFRB) ang P12 kada litro na fuel discount para sa mga public utility jeepney (PUJ) at UV Express simula Biyernes, Setyembre 18, dahil sa election ban para sa nalalapit na Barangay at Sangguniang Kabataan Elections (BSKE).

Sa isang advisory, sinabi ng LTFRB na mananatili ang suspensyon habang hinihintay ang kaukulang pag-apruba ng Commission on Elections (Comelec) para sa pagpapatuloy ng fuel discount program.

Nagsimula noong Biyernes, Setyembre 18, ang election ban para sa BSKE at nakatakda itong magtapos sa Nobyembre 1.

Sa ilalim ng election ban, ipinagbabawal ang pagpapalabas, paglalaan o paggastos ng pampublikong pondo para sa mga programang panlipunang kapakanan at serbisyong panlipunan, maliban sa mga programang pinahintulutan ng Comelec.

Ang pansamantalang pagkawala ng P12 kada litro na discount ay dumating sa panahong may inaasahang panibagong taas-presyo sa langis na posibleng umabot sa higit P10 kada litro.

Nauna nang itinaas ng pamahalaan sa P12 kada litro ang fuel discount para sa mga kwalipikadong PUV driver at operator.

Ayon sa pamahalaan, maaari itong magbigay ng hanggang P1,800 na matitipid kada linggo sa mga benepisyaryo.

Habang hinihintay ang desisyon ng Comelec sa fuel discount, patuloy namang pinag-aaralan ng pamahalaan ang iba pang hakbang upang maibsan ang epekto ng tumataas na presyo ng langis sa mga driver, commuter at iba pang sektor.