Parusa sa mister na napatay ang kabit ni misis dahil huli sa aktong nagtatalik

ni Atty. Persida Rueda-Acosta @Magtanong Kay Attorney | August 15, 2023

Dear Chief Acosta,

Nahuli ko ang aking asawa na nakikipagtalik sa ibang lalaki nang ako ay pumasok sa kuwarto ng aming bahay. Nawalan ako ng kontrol kaya’t napatay ko ang kanyang kalaguyo. Nagsisisi man ako sa aking nagawa ay dala ito ng bugso ng aking naramdaman ng mga panahong iyon.

Mayroon ba akong depensa hinggil dito? - Vicente

Dear Vicente,

Para sa iyong kaalaman, ang batas na nakasasaklaw sa iyong katanungan ay ang Article 247 ng Revised Penal Code, kung saan nakasaad na:

“Article 247. Death or physical injuries inflicted under exceptional circumstances. - Any legally married person who having surprised his spouse in the act of committing sexual intercourse with another person, shall kill any of them or both of them in the act or immediately thereafter, or shall inflict upon them any serious physical injury, shall suffer the penalty of destierro.

If he shall inflict upon them physical injuries of any other kind, he shall be exempt from punishment.

These rules shall be applicable, under the same circumstances, to parents with respect to their daughters under eighteen years of age, and their seducer, while the daughters are living with their parents.

Any person who shall promote or facilitate the prostitution of his wife or daughter, or shall otherwise have consented to the infidelity of the other spouse shall not be entitled to the benefits of this article.”

Ayon sa nasabing batas, ang isang taong nahuli ang kanyang asawa sa akto ng pakikipagtalik sa ibang tao ay hahatulan lamang ng parusang destierro kung mapatutunayan na napatay niya ang kanyang asawa o ang kabit nito, sa puntong kanyang nahuli ang mga ito sa akto ng pakikipagtalik o agad-agad pagkatapos nito. Ang parusang destierro o ang pagbabawal na pumasok o pumunta sa isang lugar na itinalaga ng batas ang tanging ipapataw sa sinumang malalagay sa partikular na kalagayan.

Sa iyong sitwasyon, dahil nahuli mo ang iyong asawa at ang kanyang kalaguyo sa akto ng pagtatalik, at kung iyong mapatutunayan ang pangyayaring ito, maaari ka lamang mapatawan ng parusang destierro para sa iyong nagawa sa kalaguyo ng iyong asawa.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa iyong patuloy na pagtitiwala.

Katapusan ng pagiging miyembro sa Homeowner’s Association

ni Atty. Persida Rueda-Acosta @Magtanong Kay Attorney | August 14, 2023

Dear Chief Acosta,

Ibinigay ko na sa aking apo ang aking bahay sa isang subdivision sa aming probinsya.

Isinalin niya na nga ito sa kanyang pangalan at kanya na ring tinitirhan. Subalit, hanggang ngayon ay pinadadalhan pa rin ako ng mga opisyal ng homeowner’s association ng mga imbitasyon para sa kanilang mga pagpupulong. Sinasabi nila sa akin na kahit na na-donate ko na sa aking apo ang aking bahay ay kabilang pa rin ako sa nasabing asosasyon. Tama ba sila? - Aiko

Dear Aiko,

Para sa iyong kaalaman, ang batas na nakasasaklaw sa iyong katanungan ay ang Sections 6 (a) at 12, Rule III, The 2021 Revised Implementing Rules and Regulations ng Republic Act No. 9904 o mas kilala sa tawag na “The Magna Carta for Homeowners and Homeowners Associations” kung saan nakasaad na:

“Section 6. Termination of Homeownership. Homeownership ends by:

a.Terminating ownership of the property through conveyance by sale, assignment or donation; or

b.By any other legal transfer of ownership which shall authorize the association to deny homeowner rights to the transferor under this Section.

c.In CMP, LTAP, and other similar programs, by the substitution of a beneficiary, and/or expulsion from membership, after due notice and hearing.

Section 12. Termination of Membership. Membership in the association is terminated once the member ceases to be a homeowner. Termination of membership shall extinguish all rights of a member under Republic Act No. 9904 and under this Rules.”

Samakatuwid, malinaw sa batas na ang homeownership ay natatapos sa oras na ang may-ari ng bahay ay ipinagbili, ina-assign o ibinigay ang kanyang ari-arian (property) sa ibang tao. Ibig sabihin, ang membership sa isang homeowner’s association ay natatapos sa oras na ang isang miyembro ay hindi na isang homeowner.

Kaya naman, ang iyong homeownership sa iyong bahay ay natapos na nang ibigay mo ang nasabing bahay sa iyong apo at kanyang pinanindigan na ang pag-aari nito. Dahil hindi ka na isang homeowner, natapos na rin ang iyong pagiging miyembro sa inyong homeowner’s association.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa iyong patuloy na pagtitiwala.

Karapatan ng mga inang nagpapasuso

ni Atty. Persida Rueda-Acosta @Magtanong Kay Attorney | August 13, 2023

Sang-ayon sa Republic Act (R.A.) No. 7600 na inamyendahan ng R.A. No. 10028, ang breastfeeding o pagpapasuso ay may mga naiibang pakinabang na nagbibigay ng benepisyo sa mga sanggol at sa kanilang ina, maging ng ospital at ng estadong kumikilala sa breastfeeding. Kaya naman, ang estado ay nagbigay ng insentibo sa mga ospital na nagbibigay ng rooming-in at breastfeeding practices.

Ang breastfeeding o pagpapasuso ay isang uri ng first preventive health measure na maibibigay sa isang bagong silang na sanggol. Pinaglalapit din nito ang relasyon ng ina at ng kanyang anak. Bukod sa masustansya ang gatas ng isang ina, makatitipid din ang pamilya dahil mababawasan ang pagbili ng infant formula para sa sanggol.

Isa rin sa mga polisiya ng estado ay bigyan ang mga kababaihan ng ligtas at nakapagpapalusog na kondisyon ng pagtatrabaho sang-ayon sa kanilang pagiging ina.

Ito ay ayon sa Section 2 ng R.A. No. 10028 kung saan isinasaad na:

“The State shall likewise protect working women by providing safe and healthful working conditions, taking into account their maternal functions, and such facilities and opportunities that will enhance their welfare and enable them to realize their full potential in the service of the nation. This is consistent with international treaties and conventions to which the Philippines is a signatory such as the Convention on the Elimination of Discrimination Against Women (CEDAW), which emphasizes provision of necessary supporting social services to enable parents to combine family obligations with work responsibilities; the Beijing Platform for Action and Strategic Objective, which promotes harmonization of work and family responsibilities for women and men; and the Convention on the Rights of the Child, which recognizes a child's inherent right to life and the State's obligations to ensure the child's survival and development.”

Kaya naman, ang mga tanggapan o opisina, pribado man o publiko, ay kinakailangang maglagay ng mga lactation rooms para sa mga nagpapasusong mga empleyado maliban lamang kung ang tanggapan o opisina ay hindi kaaya-aya para sa paglalagay ng lactation rooms.

Bilang pagkilala ng estado sa kahalagahan ng breastfeeding, ang mga nagpapasusong nanay ay may karapatang mabigyan ng break o pahinga para magpasuso o ipunin ang kanilang gatas sa isang lactation room na itinalaga sa kanilang pinapasukan sang-ayon sa Section 7 ng R.A. No. 7600, as amended, kung saan nakasaad na:

“Sec. 12. Lactation Periods. - Nursing employees shall be granted break intervals in addition to the regular time-off for meals to breastfeed or express milk. These intervals, which shall include the time it takes an employee to get to and from the workplace lactation station, shall be counted as compensable hours worked. The Department of Labor and Employment (DOLE) may adjust the same: Provided, that such intervals shall not be less than a total of forty (40) minutes for every eight (8)-hour working period.”