ni Beth Gelena @Bulgary | February 27, 2026
Photo: Angel Locsin / FB
Todo-depensa si Angel Locsin sa kanyang stepson na si Joaquin Arce hinggil sa ibinabato ng mga netizens na nakapasok ito sa Magic 8 ng Pinoy Big Brother Celebrity Collab 2.0 (PBBCCE2.0) dahil isa itong “nepo baby”.
Sa kanyang X (dating Twitter) account, muling nag-post ang aktres kaugnay sa pagtawag ng ilang netizens sa kanyang stepson sa mister niyang si Neil Arce bilang ‘nepo baby’ o may connection o yaman dahil well-established ang mga magulang.
Sey ni Angel, “‘YUNG PERA KO, ‘DI GALING SA NAKAW.”
Ilang bashers kasi ang walang tigil na nagsasabing hindi raw karapat-dapat si Joaquin sa Ultimate 8 dahil lamang sa pagkakaroon ng magulang na kagaya nina Angel at Neil.
Kaya sey ng mga fans ni Joaquin:
“Joaquin worked hard for his slot. Napaka-genuine, humble, caring, positive outlook. ‘Pag may bisita sila, laging nag-aasikaso. Palaban din sa mga tasks, laging tumitingin sa taas for guidance and grace. Support n’yo ang bet n’yo without invalidating Joaquin’s effort to be part of Ultimate 8. Deserve n’ya manalo gaya ng mga idols n’yo.”
“Deserve at Ultimate 8. All effort sa lahat ng task n’ya sa Bahay ni Kuya. ‘Di s’ya sa maruming laro basta maipanalo lang ang team n’ya. Nagpakatotoo s’ya at may malasakit sa mga kapwa-housemates.”
Ganyan talaga ang may inggit sa katawan. Tama lang na i-shout-out ni Angel na ang ginagamit niya para makatulong sa kanyang stepson ay mula sa sarili niyang bulsa.
Kung ang ibang tao nga na hindi niya kaanu-ano ay natutulungan niya, what more pa si Joaquin Arce na hindi naman ibang tao sa kanya?
Kayo kasi, ginalit ninyo si Darna.
Aktor, nag-upload daw ng photos pero todo-deny…DUSTIN AT BIANCA, NAG-HONEYMOON SA THAILAND
MAY sitsit na kumakalat hinggil sa dalawang ex-housemates na sina Dustin Yu at Bianca de Vera.
Napabalitang nag-honeymoon umano ang young celebrity couple nang tumungo sila sa Thailand.
Pinabulaanan naman ng aktor na magkasama sila ni Bianca sa Thailand.
Ani Dustin, “Marami kasi akong kamukha. Maraming nagsasabi na ako raw ‘yun. Pero sa totoo lang, kamukha ko lang ‘yun.”
Komento ng mga fans, “Ikaw ba naman, binigla ka ng ‘honeymoon’ na term. S’yempre, poprotektahan n’ya sila, especially the girl. He still has values and gentleman s’ya.”
Sey pa ng iba, “Todo-deny pero nag-upload ng mga photos. Kami ba ay niloloko mo, Dustin?”
Ang tanong tuloy, kamukha lang ba talaga ni Dustin Yu ang kasama ni Bianca de Vera sa Thailand trip? O birong sagot lang iyon ng aktor para wala nang isyu?
TOTOO naman na kahit sino ay aayon sa tsikang ang nag-iisang Anne Curtis lang ang kayang kumanta nang hindi perpekto ang boses pero hindi ka maiinis dahil sa natural niyang charm, sincerity at totoong puso sa performance.
Hindi lang sa galing nasusukat ang isang artista kundi sa koneksiyon na naiiwan niya sa tao, at doon panalo si Anne.
May ibang karisma kasi ang Aussie-Pinay TV host-actress pagdating sa pagpe-perform. Hindi man siya singer, nakakapuno siya ng venue kapag gusto niyang mag-concert.
Hindi boses ang kanyang ibinebenta kundi kung paano siya mag-perform on stage.
Katunayan, siya ang total performer among the performers na hindi man kagandahan ang boses at sintunado pa minsan, pero kapag gustong bumirit ay gagawin kahit magkapiyuk-piyok pa.
Ilang beses na ring nag-concert si Anne at pawang puno ang venue. Hindi naging flopsina o waley ang kanyang mga concerts.
Kaya request ng mga fans, kailan daw susundan ni Anne ang kanyang last concert na ginanap noong June 11, 2022 na pinamagatang LUV-ANNE: The Comeback sa Newport Performing Arts Theater.
Oo nga naman, Anne Curtis, kailan nga ba? Sana sundan mo na habang mainit pa.
Remember, ang movie ninyo ni Jericho Rosales ay blockbuster ngayong 2026 at malapit na ring ipalabas ang Buy Bust 2 (BB2) ninyo ni Gerald Anderson sa Netflix.
Kaya naman, push na uli ang concert dahil siguradong puno na naman ‘yan.
