top of page
WINNER - MICHELLE, ATRAS NA SA PAG-JOIN SA MISS GRAND INTERNATIONAL ALL STARS 2026_IG _mic
Search

ni Jenny Rose Albason @Overseas News | April 26, 2026



Lethal injection chamber in Walla, Walla Washington - Reuters


Isinusulong ng administrasyon ni Donald Trump ang pagdaragdag ng firing squad, electrocution, at gas asphyxiation bilang mga alternatibong paraan ng execution sa federal level, ayon sa ulat ng United States Department of Justice.


Ayon sa report, layunin nitong tugunan ang kakulangan sa lethal injection drugs at matiyak na maipapatupad ang parusang kamatayan kahit may limitasyon sa supply.

Bahagi ito ng hakbang upang muling palakasin ang federal executions matapos alisin ang moratorium na ipinatupad ng nakaraang administrasyon.


Sa kasalukuyan, mahigit 40 kaso ang isinusulong para sa death penalty, bagaman wala pang umaabot sa aktwal na execution. Tatlo na lamang ang natitirang nasa federal death row matapos i-commute ng dating administrasyon ang karamihan ng mga sentensya.


Umani naman ito ng batikos mula sa mga human rights group at ilang mambabatas, na nagsabing ang mga naturang paraan ay malupit at hindi makatao.


Sa kabila nito, iginiit ng Justice Department na kinakailangan ang mga alternatibong ito upang matiyak ang pagpapatupad ng batas.



 
 

ni Angela Fernando @Overseas News | Dec. 21, 2024



  • Republican representative na si Andy Biggs ng Arizona para sa spending bill - US - AP

Photo: Republican representative na si Andy Biggs ng Arizona - AP


Ipinasa ng United States Congress ang isang spending legislation nitong Sabado ng madaling araw upang maiwasan ang destabilizing government shutdown sa paparating na holiday travel season.


Inaprubahan ng Democratic-controlled Senate sa botong 85-11 ang panukala,38 minuto matapos ang expiration ng pondo nu'ng hatinggabi na naging dahilan upang hindi ipatupad ng shutdown procedures ang gobyerno sa loob ng nasabing oras.


Ang panukalang batas ay isusumite na sa White House, kung saan inaasahang lalagdaan ito ni Pangulong Joe Biden upang maging batas.


Nauna nang inaprubahan ang package sa Republican-controlled House of Representatives (HOR) na may suporta mula sa parehong partido, nagpapakita ng malawakang pagkakaisa para maiwasan ang government shutdown.

 
 

ni Jemuel C. Salterio @Talbog | Dec. 12, 2024



  • Sofronio Vasquez at Micheal Buble sa The Voice
    Sofronio Vasquez at Micheal Buble sa The Voice - IG


Bongga! Isa na namang Pinoy ang gumawa ng marka sa mundo ng musika. 

Si Sofronio Vasquez, ang dating Tawag Ng Tanghalan (TNT) semi-finalist sa It’s Showtime (IS) ay ang kauna-unahang Pilipino at Asian na nanalo sa prestihiyosong The Voice USA matapos ang 26 seasons nito.


Ito ang journey ni Sofronio, mga Ka-BULGARians, from local stage to global spotlight. Bago siya naging ultimate bet ng Amerika, si Sofronio ay nakilala bilang ‘King of Versatility’ ng TNT. 


Sa kabila ng kanyang paglalakbay sa mga lokal na singing contests gaya ng The Voice Philippines (TVP), hindi naging madali ang kanyang daan patungo sa tagumpay. Kung tutuusin, hindi pa nga siya umabot sa grand finals ng TNT noong 2019, semi-finals lang, mga Mars! (Kumusta naman kaya ang judging ng TNT kumpara sa The Voice USA judges, aber?). 


Ganunpaman, pinatunayan niya na hindi hadlang ang pagkatalo para makamit ang pangarap.


Pinabilib ni Sofronio ang mga hurado ng TNT sa kanyang mala-butter na boses at pagiging game sa iba’t ibang genre — pop, R&B, jazz, rock, at standards. Dahil sa talento niyang ito, nagkaroon din siya ng sariling kanta, ang Bakit Hindi Ko Sinabi sa ilalim ng ABS-CBN Music.


Pero hindi ru'n natapos ang kuwento niya. Kumbaga, parang Phoenix na muling bumangon si Sofronio, at ngayon, hindi lang Pilipinas ang kanyang pinahanga kundi pati buong mundo. 


Bigating mentor, bigating tagumpay ang drama ng ating kababayan.

Sa The Voice USA, naging mentor ni Sofronio ang international superstar na si Michael Bublé. Ani Bublé, “America, please lend your ears and vote to this man! He is the real deal. HE IS THE VOICE!” 


At hindi nga binigo ni Sofronio ang kanyang coach at fans. Sa grand finals, binirit niya ang A Million Dreams mula sa The Greatest Showman (TGS) — isang performance na talagang humugot ng emosyon mula sa mga manonood.


Ang pagkapanalo ni Sofronio sa The Voice USA ay isang malaking tagumpay ng lahing Pilipino. Ngayong siya na ang Grand Winner ng The Voice USA, hindi lang si Sofronio ang panalo kundi ang buong sambayanang Pilipino. Isa siyang patunay na kahit saang bahagi ng mundo, ang talentong Pinoy ay walang kapantay.


Ang kanyang kuwento ay paalala sa atin na kahit ilang beses ka mang mabigo, hindi ito katapusan ng laban. Tulad ng kanyang boses na tila umaabot hanggang langit, ang kanyang pangarap ay lumipad din sa kabila ng mga pagsubok.


Isa lang ang masasabi natin — angat na angat ang Pilipinas dahil kay Sofronio Vasquez, ang boses ng bagong henerasyon at ng American dream. Pak! 


Huge congratulations, Sofronio Vasquez!

Mabuhay ka. ‘Yun na! Ambooolancia! #ChairmanNgChikahan #MaritesInChief #Talbog


 
 
RECOMMENDED
bottom of page