Ibinuking ni Rey PJ… TOM, NAG-IIYAK NA BALIKAN NI CARLA

ni Ador V. Saluta - @Adore Me! | March 17, 2022

Pagkatapos ipagtapat ng dating aktor na si Rey "PJ" Abellana sa isang panayam kay 'Nay Cristy Fermin sa kanyang programa nitong nakaraang linggo na wala umanong third party sa hiwalayan ng anak na si Carla Abellana at ng asawa nitong si Tom Rodriguez at one-night stand lamang ang naging pagkakamali ng manugang, kaagad ding binawi ni Rey “PJ” ang kanyang naunang pahayag.

Sa 24-Oras news program, nilinaw ni Rey PJ na nagbigay siya ng payo kina Tom at Carla.

Pahayag ng aktor, ipinaliwanag niya sa mag-asawa ang kahalagahan ng komunikasyon upang maayos ang problema.

“Importante na may communication silang dalawa, i-work-out na nila 'yan. So much the better ma-normalize na uli sila. Maipagpatuloy na nila ang buhay-mag-asawa nila."

Mismong si Tom naman umano ang lumapit kay PJ upang ipaliwanag ang kanilang problema ni Carla at aniya'y umiiyak si Tom habang ipinapaliwanag nito sa kanya ang nangyari. Gusto na umano ni Tom na muling makasama ang kanyang asawa.

“When he came over to talk to me and explain his side, he would cry along with his explanations and everything and he keeps on saying na he wants his wife back. He wants Carla back. He loves Carla very much that's why they settled down,” sey ng ama ni Carla.

Nakarating umano kay Carla ang naging pahayag ni Rey PJ na nakipag-one-night stand ang asawa, ngunit nauna na umanong sinabi ni Tom na wala itong katotohanan.

“At first, nalaman ni Carla na may issue na one-night stand na involved si Tom. Si Tom naman already able to explain kay Carla na wala naman din pong katotohanan ito at naiwasan naman din niya na mangyari 'yun.

“Wala pong natuloy na one-night stand according to Tom's side naman. 'Yun po ang scenario sa issue roon sa one-night stand,” paglilinaw pa ni Rey PJ.

Proud pa raw… RUFFA, TANGGAP NA LAGING TINATAWAG NA MUKHANG BAKLA

ni Ador V. Saluta - @Adore Me! | March 16, 2022

Pinalagan ng dating Miss World 2nd runner-up (1993) na si Ruffa Gutierrez ang mga komento ng ilang bashers na may larawan siyang mukhang 'transgender'.

Sa kabila ng maraming supporters ng beauty queen-turned host na pinupuri ang kanyang pambihirang ganda, may ilang netizens naman ang bumabatikos sa kanya.

Sabi ng isang netizen na nagkomento sa Instagram ni Ruffa, may ilang photos daw nito na 'mukhang bakla' umano ang beauty queen.

Kalakaran nang sinasabi ng mga celebrities na "you can't please everybody" kaya naman bilang edukadong tao, hindi na lang daw niya pinapatulan ang mga bashers.

Sa nakaraang episode ng It’s Showtime kamakailan lamang, nabanggit ni Ruffa na wala nang epekto sa kanya ang mga ganitong pang-ookray dahil sanay na sanay na siya sa mga haters sa social media.

Nagsimula ang pagkukuwento ni Ruffa nang tanungin ng Showtime host na si Vice Ganda ang mga contestants sa isa nilang segment — kung saan isa nga sa mga judges ang former beauty queen — kung ano ang isasagot nila kung may magsabing mukha silang buntis.

At natanong din ito kay Ruffa, “Hello?! Look at your body first before you say that to me… especially if flat ang tiyan ko like do you need glasses? Sorry I’m just being honest."

Kasunod nga nito ay natanong uli siya kung ano ang magiging reaksiyon niya kung may magsabi sa kanya na mukha siyang bakla.

“They always say na mukha akong bakla and I’m like, ‘So? It’s an honor to look gay.’ Mas type kong magmukhang bakla,” nakangiting sagot ni Ruffa.

Follow-up question ni Vice kay Ruffa, ano naman ang magiging reaction niya kung mapagkamalan siyang lalaki?

“Sa laki ng b@#bs ko? I think they really need glasses. I won’t mind them na lang. Hair flip na lang sila,” kuwelang sagot ni Ruffa.

Ginamit sa kampanya… SHARON KAY PANELO: WALA KANG KARAPATANG KANTAHIN ANG KANTA KO!

ni Ador V. Saluta - @Adore Me! | March 12, 2022

Ipinagpapalagay na kaya nakataas ang kilay ni Megastar Sharon Cuneta ay dahil dismayado ito sa walang permisong paggamit ni dating Presidential Spokesperson Salvador Panelo sa kanyang pinasikat na kantang Sana'y Wala Nang Wakas sa pangangampanya ng tumatakbong senador sa 2022 elections.

Inawit ni Panelo ang sikat na kanta ni Mega sa kanyang meet-and-greet sa Quezon City kamakailan lamang.

Paliwanag ni Megastar, walang karapatan si Panelo na gamitin ang hit song niyang Sana'y Wala Nang Wakas dahil wala itong permiso sa kanya at sa recording company na bumuo ng kanta.

Sey ng dismayadong singer-actress kay Panelo, "Nanang ko po! Please lang, nakakahiya po sa amin ni Willy Cruz (composer ng kanta)! You are not allowed to use our song. Don't mess with a classic. I allow its use only for Leni-Kiko! LOL!

"Utang na loob, baka bumangon si Willy, nakakahiya naman sa amin," pasaring ni Megastar.

May pahabol pa siyang mensahe kay Panelo, "Kinilabutan ako in a bad way.

"Kidding aside, only because it is campaign season, I just think something's a bit off when you sing a song made famous by the wife of one of your vice-presidentiable's political opponents while campaigning.

"On the other hand, maybe I should just thank you for reminding your crowds of Kiko whenever you sing it, whether you do to mock us or not. @frankiepangilinan @melpangilinan @urfriendsleepygirl," sabi ni Sharon na itinag pa ang mga anak.