First time na naghahanap ng trabaho, libre sa NBI, birth certificate, etc.

ni Atty. Persida Rueda-Acosta @Magtanong Kay Attorney | August 4, 2023

Dear Chief Acosta,

Kaga-graduate ko lang sa kolehiyo. Gusto kong agad-agad magkatrabaho para makatulong sa aking mga magulang. Kung kaya, nagsisimula na akong maghanda ng requirements na kakailanganin sa pag-a-apply sa trabaho. Malaking tulong sa akin kung makakatipid ako sa mga gastusin, lalo na at first time ko pa lang maghahanap ng trabaho. Gaano katotoo na maaari akong makapag-request ng mga dokumento na gagamitin ko sa pag-a-apply sa aking trabaho, tulad ng birth certificate at NBI clearance, nang libre? - Kyla

Dear Kyla,

Para sa iyong kaalaman, naisabatas ang Republic Act No. 11261 (RA No. 11261), o kilala bilang “First Time Jobseekers Assistance Act,” na naglalayon na maitaguyod ang pagkakapantay-pantay sa mga oportunidad sa trabaho para sa lahat, sa pamamagitan ng pagbibigay ng mas madaling access sa mga dokumento sa ganitong pagkakataon. Ang nasabing batas ay nagsasaad ng mga sumusunod:

“Section 3. Waiver of Fees and. Charges. - Subject to exceptions provided in Section 8 of this Act, all government agencies and instrumentalities, including government-owned and -controlled corporations (GOCCs), local government units (LGUs), and government hospitals shall not collect fees or charges from a first time jobseeker: Provided, That such fee or charge is paid in connection with the application for and the granting of licenses, proofs of identification, clearances, certificates or other documents usually required in the course of employment locally or abroad: Provided, further, That the benefit provided under this Act shall only be availed of once.

Section 4. Covered Governmental Transactions. - No fees and other charges shall be collected from first time jobseekers when obtaining the following, subject to the requirement in Section 5:

(a) Police clearance certificate;

(b) National Bureau of Investigation clearance;

(c) Barangay clearance;

(d) Medical certificate from a public hospital, provided that fees and charges collected for laboratory tests and other medical procedures required for the grant of a medical certificate shall not be free of charge;

(e) Birth Certificate;

(f) Marriage Certificate;

(g) Transcript of academic records issued by state colleges and universities;

(h) Tax Identification Number (TIN);

(i) Unified Multi-Purpose ID (UMID) card;

(j) Other documentary requirements issued by the government that may be required by employers from job applicants.”

Sa ilalim ng batas na ito, ang lahat ng mga ahensya at instrumentalidad ng gobyerno, kabilang ang mga government-owned and-controlled corporations (GOCCs), local government units (LGU), at ospital ng gobyerno ay hindi dapat mangolekta ng mga bayarin o singil mula sa mga first time na naghahanap ng trabaho, sa pagkuha nila ng mga dokumentong nabanggit sa itaas kung ang kanilang layunin ay may kaugnayan sa aplikasyon at pagkuha ng mga lisensya, mga patunay ng pagkakakilanlan, mga clearance, mga sertipiko o iba pang mga dokumento na karaniwang kinakailangan sa kurso ng trabaho sa lokal o sa ibang bansa. Kabilang dito ang birth certificate at NBI clearance na nais mong kunin at gamitin para sa paghahanap ng trabaho.

Upang mapakinabangan ang nasabing benepisyo, ang first time job seeker na tulad mo, ay dapat makapagpakita ng sertipikasyon mula sa barangay na nagsasaad na ang aplikante ay first time na naghahanap ng trabaho. Tandaan lamang na sa ilalim ng batas, ang benepisyong ito ay isang beses lamang magagamit. Kaya mainam na sulitin ito ng mga first time job seekers.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa inyong patuloy na pagtitiwala.

Illegal Dismissal, pwede pang ihain sa loob ng 4 na taon

ni Atty. Persida Rueda-Acosta @Magtanong Kay Attorney | August 3, 2023

Dear Chief Acosta,

Ako ay ilegal na natanggal sa trabaho noong taong 2021. Hanggang ngayon ay hindi pa ako nagsasampa ng reklamo tungkol dito dahil kailangan kong magtrabaho para matustusan ang mga pangangailangan ng aking pamilya. Magiging isyu ba ang pagkaantala sa pagsasampa ng reklamo para sa aking ilegal na pagkakatanggal? - Joeb

Dear Joeb,

Ang sagot sa iyong katanungan ay tinalakay na ng ating Kagalang-galang na Korte Suprema sa kasong “NS Transport Services, Inc. vs. Jose Zaldy N. Zeta” (G.R. No. 158499, 4 April 2007), na isinulat ni Kagalang-galang na dating Kasamang Mahistrado Maria Alicia Austria-Martinez, kung saan nakasaad ang mga sumusunod:

“Anent the nine-month “delay” in filing the Complaint, we find this an insignificant factor. Just recently, in Angeles v. Fernandez, we held that the fact that the filing of the complaint by the employee 20 months after dismissal is a non-issue, thus:

Worth stressing, we find sufficient reason to agree with the appellate court that petitioner failed in this case to prove that respondent abandoned her job. While respondent filed the complaint 20 months after her dismissal, such filing was well within the four-year prescriptive period allowed to institute an action for illegal dismissal. This Court had previously considered a non-issue the lapse of several months, e.g. eight months, nine months, and two years and five months before filing a complaint for illegal dismissal.”

Ayon sa iyong salaysay, kayo ay ilegal na tinanggal sa trabaho noong taong 2021 at hanggang ngayon ay hindi ka pa nagsasampa ng reklamo tungkol dito. Samakatuwid, maaari kang magsampa ng reklamo sa loob ng 4 na taon mula noon o hanggang taong 2025.

Batay sa nabanggit na desisyon, ang pagkaantala sa pagsasampa ng reklamo ay hindi magiging isyu hangga’t ito ay nasa loob ng 4 na taon mula nang mangyari ang ilegal na pagtatanggal.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa inyong patuloy na pagtitiwala.

Gustong paalisin ang tenant sa nabiling lupang sakahan

ni Atty. Persida Rueda-Acosta @Magtanong Kay Attorney | August 2, 2023

Dear Chief Acosta,

Nais ko lamang malaman kung maaari ko bang paalisin ang kasalukuyang tenant sa aking nabiling lupang sakahan sapagkat nais kong ipalit sa kanya ang aking pinsan na mayroong mas malawak na kaalaman sa pagsasaka? -- Ian

Dear Ian,

Para sa iyong kaalaman, ang Section 16 ng Republic Act No. 2263 o mas kilala bilang An Act Amending Certain Sections of Republic Act Numbered One Thousand One Hundred Ninety-Nine, otherwise known as the Agricultural Tenancy Act of the Philippines ang batas na naaangkop sa iyong sitwasyon:

“Section 16. Section forty-nine of the same Act is hereby amended to read as follows:

“Sec. 49. Ejectment of Tenant. Notwithstanding any agreement or provision of law as to the period or future surrender of the land, in all cases where land devoted to any agricultural purpose is held under any system of tenancy, the tenant shall not be dispossessed of his holdings by the landholder except for any of the causes hereinafter enumerated and only after the same has been proved before and the dispossession is authorized by the court.

It shall likewise be unlawful for any third party to dispossess the tenant of his holding except by order of the Court. Any violation of this provision shall be penalized in accordance with section fifty-seven of this Act and/or under the general provisions of law applicable to the act committed.”

Malinaw sa nabanggit na probisyon ng batas na maaari lamang paalisin ng isang third party na tulad ng nakabili ng lupang sakahan ang tenant nito kung ito ay ipag-uutos ng korte. Ang paglabag sa nasabing probisyon ay mayroong karampatang kaparusahan sang-ayon sa Section 21 ng parehong batas, kung saan nakasaad na:

“Section 21. Section fifty-seven of the same Act is hereby amended to read as follows:

“Sec. 57. Penal Provision. Violation of the provisions of subsections one and three, section twenty-seven and of sections thirty-nine and forty-nine of this Act shall be punished by a fine not exceeding two thousand pesos or imprisonment not exceeding one year, or both, in the discretion of the Court. Any person who in bad faith shall induce or cause anybody to violate the aforesaid sections of Republic Act numbered one thousand one hundred ninety-nine shall be punished with a fine not exceeding four thousand pesos or imprisonment not exceeding two years, or both, at the discretion of the court.

In case of juridical persons, the manager or the person who has charge of the management or administration of the property or, in their default, the person acting in their stead, shall be liable under this section.”

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa inyong patuloy na pagtitiwala.