Foreigner, pinamanahan ng lupa ng gf

ni Atty. Persida Rueda-Acosta @Magtanong Kay Attorney | October 12, 2023

Dear Chief Acosta,

Ako ay isang dayuhan na matagal nang naninirahan dito sa Pilipinas. Mayroon akong naging kasintahan na Pilipina sa loob ng mahigit 10 taon, subalit, bago pa man kami maikasal ay namatay siya dahil sa cancer. Napag-alaman kong bago siya bawian ng buhay ay gumawa siya ng Last Will and Testament kung saan ang lupa na aming tinitirhang bahay ay ipinamana niya sa akin. Maaari ko bang manahin ang nasabing lupa? Maraming salamat. - Lin Shen

Dear Lin Shin,

Para sa iyong kaalaman, ang batas na nakasasaklaw sa iyong katanungan ay ang Section 7, Article 12 ng Saligang Batas kung saan nakasaad na:

“Article XII – National Economy and Patrimony

Section 7. Save in cases of hereditary succession, no private lands shall be transferred or conveyed except to individuals, corporations, or associations qualified to acquire or hold lands of the public domain.”

Ayon sa batas, hindi maaaring magmay-ari ng lupa sa Pilipinas ang isang dayuhan maliban lamang sa pamamagitan ng mana. Para mas bigyang-linaw ang probisyong ito, tinalakay ito ng Korte Suprema sa kaso ng Ramirez vs. Vda. De Ramirez (G.R. No. L-27952, February 15, 1982) kung saan sinabi nito, sa pamamagitan ni Kagalang-galang na Punong Mahistrado Jose Abad Santos, na:

“We are of the opinion that the Constitutional provision which enables aliens to acquire private lands does not extend to testamentary succession for otherwise the prohibition will be for naught and meaningless. Any alien would be able to circumvent the prohibition by paying money to a Philippine landowner in exchange for a devise of a piece of land.”

Nangangahulugan lamang ito na ang paglipat ng pagmamay-ari sa isang dayuhan sa pamamagitan ng Last Will and Testament ay labag sa Saligang Batas. Sa iyong sitwasyon, dahil ikaw ay isang banyaga, at ang lupa ay minana mo sa pamamagitan ng Last Will and Testament o sa tinatawag na testamentary succession, ang nasabing pamana ay magiging walang bisa patungkol sa nasabing lupa at hindi ito malilipat sa pangalan o pagmamay-ari mo sapagkat ipinagbabawal ito ng ating Saligang Batas.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa iyong patuloy na pagtitiwala.

Karapatan sa retirement benefits ng asawa bilang sustento sa anak

ni Atty. Persida Rueda-Acosta @Magtanong Kay Attorney | October 11, 2023

Dear Chief Acosta,

Ako ay kasal sa isang retiradong opisyal ng militar at kami ay may isang anak na sa kasalukuyan ay menor-de-edad pa. Hindi ko na siya kayang pakisamahan sa kadahilanang lagi siyang nananakit, kaya naman umalis na kami ng anak ko sa aming bahay. Sa ngayon ay ayaw niya magbigay ng suportang pinansyal, at ito diumano ay kanya lamang ibibigay kung babalik kami sa aming bahay. Maaari ba akong magtungo sa tanggapan ng Armed Forces of the Philippines (AFP) upang makiusap na makakuha ng bahagi ng kanyang retirement benefits o pensyon bilang suporta sa aming anak? - Luisa

Dear Luisa,

Ang batas na sasaklaw patungkol sa iyong katanungan ay ang Republic Act No. 9262 (R.A. No. 9262) o ang Anti-Violence Against Women and Their Children Act of 2004. Nakasaad sa Section 8 (g) ng nasabing batas na:

“SECTION 8. Protection Orders. - A protection order is an order issued under this act for the purpose of preventing further acts of violence against a woman or her child specified in Section 5 of this Act and granting other necessary relief. The relief granted under a protection order serve the purpose of safeguarding the victim from further harm, minimizing any disruption in the victim's daily life, and facilitating the opportunity and ability of the victim to independently regain control over her life. The provisions of the protection order shall be enforced by law enforcement agencies. The protection orders that may be issued under this Act are the barangay protection order (BPO), temporary protection order (TPO) and permanent protection order (PPO). The protection orders that may be issued under this Act shall include any, some or all of the following reliefs:

(g) Directing the respondent to provide support to the woman and/or her child if entitled to legal support. Notwithstanding other laws to the contrary, the court shall order an appropriate percentage of the income or salary of the respondent to be withheld regularly by the respondent’s employer for the same to be automatically remitted directly to the woman.

Failure to remit and/or withhold or any delay in the remittance of support to the woman and/or her child without justifiable cause shall render the respondent or his employer liable for indirect contempt of court.”

Kaugnay nito, inilahad ng Korte Suprema sa kaso ng Pension and Gratuity Management Center et al. v. AAA (G.R. No. 201292, 01 August 2018, Ponente: Honorable Associate Justice Mariano C. Del Castillo) ang mga sumusunod:

“Thus, in Republic v. Yahon, the Court held that PGMC may be ordered to automatically deduct a portion from the retirement benefits of its member-recipients for direct remittance to the latter’s legal spouse as and by way of support in compliance with a protection order issued by the trial court, pursuant to the provisions of Republic Act No. 9262 (RA 9262) or the Anti-Violence Against Women and Their Children Act of 2004. The Court declared therein that RA 9262 - which is a special law; a later enactment; a support enforcement legislation; and one that addresses one form of violence, which is economic abuse against women and children - should be construed as laying down an exception to the general rule that retirement benefits are exempt from execution. The Court therein noted that RA 9262 itself explicitly authorizes the courts to order the withholding of a percentage of the income or salary of the defendant or respondent by the employer, which shall be remitted directly to the plaintiff or complainant - other laws to the contrary notwithstanding.”

Malinaw sa nabanggit na probisyon ng batas at desisyon ng Korte Suprema na ang isang employer, pribado man o gobyerno, ay maaaring itabi ang bahagi ng suweldo, maging ang retirement benefits ng isang empleyado, at ibigay ito sa asawa ng nasabing empleyado, alinsunod sa utos ng korte at kaugnay sa probisyon ng R.A. No. 9262.

Sa iyong sitwasyon, hindi maaari na ikaw mismo ang dumulog sa tanggapan ng Armed Forces of the Philippines o AFP, na siyang dating employer ng iyong asawa, upang hilingin ang bahagi ng kanyang retirement benefits. Marapat na ikaw ay magsampa ng kaukulang kaso sa korte, sa kadahilanang ang korte lamang ang maaaring mag-utos sa employer ng iyong asawa na itabi ang bahagi ng kanyang benepisyo at ibigay ito sa iyo at sa iyong anak bilang suportang pinansyal.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa iyong patuloy na pagtitiwala.

4Ps, may discount sa kuryente

ni Atty. Persida Rueda-Acosta @Magtanong Kay Attorney | October 10, 2023

Dear Chief Acosta,

Ang pamilya namin ay isa sa mga benepisyaryo ng 4Ps. Hirap kaming matugunan ang aming mga buwanang obligasyon tulad ng bill sa kuryente. Nabanggit sa akin ng aming kapitbahay na mayroon diumanong ibinibigay na subsidy/diskwento sa singil sa kuryente. Totoo ba ito? - Verlyn

Dear Verlyn,

Para sa iyong kaalaman, ang batas na nakasasaklaw sa iyong katanungan ay ang Republic Act (R.A.) No. 9136, na inamyendahan ng R.A. No. 11552, na siyang nagbibigay ng ekstensyon sa tinatawag na lifeline rate. Ang lifeline rate ay isang subsidiya sa singil sa kuryente na ibinibigay para sa mga nasa laylayan ng ating lipunan. Ayon dito:

“Sec. 73. Lifeline Rate. – In order to provide assistance to electricity consumers, especially those living below the poverty line, and to achieve a more equitable distribution of the lifeline subsidy a socialized pricing mechanism called a lifeline rate for qualified marginalized end-users shall be set by the ERC which shall be exempted from the cross subsidy phase-out under this Act for a period of fifty (50) years, unless otherwise extended by law. The level of consumption, subsidy, and rate shall be determined by the ERC after due notice and hearing: Provided, That the ERC shall primarily utilize data from the Philippine Statistics Authority (PSA) in the determination of the level of consumption.

Qualified marginalized end-users shall refer to any of the following:

(a) Qualified household-beneficiaries under Republic Act No. 11310, otherwise known as the ‘Pantawid Pamilyang Pilipino Program (4Ps) Act,’ as regularly submitted by the Department of Social Welfare and Development (DSWD) to the DOE, the ERC, and the distribution utility, whose level of consumption shall be within the threshold determined by the ERC, are qualified marginalized end-users under this Act;

(b) Marginalized end-users who have been certified and continually validated as such by their distribution utility based on a criteria determined by the ERC: Provided, That the criteria shall take into account, among others, the poverty threshold set by the PSA, and shall contain an exclusive list of requirements to be submitted to the distribution utility: Provided, further, That the exclusive list of requirements shall be simplified and reasonable for the applicant: Provided, furthermore, That the distribution utility shall act on the application for certification as a marginalized end-user within two (2) working days from submission of complete documentary requirements: x x x.

All qualified marginalized end-users shall continually meet the criteria in this Act to avail of the lifeline rate.”

Ayon sa nabanggit na batas, ang lifeline/subsidized rate ay ibinibigay sa mga qualified marginalized end-users – tulad ng (a) benepisyaryo ng 4Ps batay sa talaan ng Department of Social Welfare and Development (DSWD), at (b) ang mga konsyumer na nabubuhay below the poverty threshold, na sertipikado ng DSWD – bilang bahagi ng mekanismo ng socialized pricing, na nagbibigay ng porsyentong diskwento alinsunod sa mga alituntuning itinakda ng Energy Regulatory Commission (ERC). Ang lifeline rate ay isang non-cash monetary discount na ibabawas ng distribution utility (tulad ng Manila Electric Company o MERALCO), depende sa aktuwal na konsumo, sa buwanang singil sa kuryente ng mga qualified marginalized end-users.

Kaugnay nito, alinsunod sa Joint Resolution No. 01, Series of 2022 na may petsang 28 Oktubre 2022 na inilabas ng Department of Energy (DOE), DSWD at ERC, para makapag-apply/avail para sa nasabing lifeline rate, ang kuwalipikadong konsyumer ay kailangan lang magrehistro sa provider ng kuryente/distribution utility, at magsumite ng mga sumusunod na dokumento:

i. duly-accomplished application form;

ii. pinakahuling bill ng kuryente;

iii. valid government-issued ID na may pirma at tirahan ng konsyumer;

iv. certification mula sa local social welfare and development office, na nagpapakita na ang kita ay below the poverty threshold.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa iyong patuloy na pagtitiwala.