Maaari bang mahatulan sa kasong estafa na walang testigo?

ni Atty. Persida Rueda-Acosta @Magtanong Kay Attorney | December 15, 2023

Dear Chief Acosta,

Ang aking asawa ay nakasuhan ng Estafa sapagkat ang mga koleksyon na kanyang dapat na i-remit sa kumpanyang kanyang pinaglilingkuran ay hindi diumano niya na-remit. Walang naging testigo ang kanilang kumpanya maliban sa kanilang presidente na nagpatunay na sang-ayon sa records ay nag-issue ito ng mga acknowledgment receipts, ngunit ang pera ay hindi diumano pumasok sa bank account ng kumpanya. Hindi tumestigo ang mga taong kinolektahan niya at tanging mga Sinumpaang Salaysay lamang nila ang isinumite sa korte. Maaari ba itong maging basehan ng kanyang conviction? - Janna

Dear Janna,

Ang iyong katanungan ay sinagot ng Korte Suprema sa kasong Danica L. Medina vs. People of the Philippines, G.R. No. 255632, 25 July 2023, Ponente: Honorable Associate Justice Jose Midas P. Marquez. Sang-ayon sa Korte Suprema, ang mga Sinumpaang Salaysay na hindi pinatotohanan sa witness stand ay makokonsidera lamang bilang hearsay evidence:

“Jurisprudence dictates that an affidavit is merely hearsay evidence when its affiant or maker does not take the witness stand. While an affidavit may be a public document, its contents will be considered hearsay unless the affiant takes the witness stand.

Ayon din sa Korte Suprema, ang mga acknowledgment receipts ay mga pribadong dokumento at kinakailangan na mayroong magtukoy sa mga dokumentong ito at magpatunay na ang pirma sa mga nasabing dokumento ay sa akusado dahil ito ay kanyang personal na nakitang ginawa o dahil pamilyar siya sa pirma ng akusado. Ayon sa Korte Suprema:

“While Monforte enumerated the various acknowledgment receipts, payment slips, and statements of account allegedly issued by petitioner Medina in his direct testimony, he did not authenticate them.  He did not claim to have seen the execution of the receipts, nor did he explain why or how he became familiar with petitioner Medina's signature. 

Only the Statement of Account signed by petitioner Medina and authenticated by Tamondong, indicating the former's receipt of PHP 1,938.00 from Tamondong, and the UCPB Payment Slip also signed by petitioner Medina and authenticated by Dumbab, indicating the former's .receipt of PHP 2,040.00 from Dumbab, were properly admitted into evidence by the RTC.”

Gaya sa kaso ng iyong asawa, ang nag-iisang testimonya ng presidente ng kumpanya ay hindi maaaring sumapat kung walang ibang dokumento o salaysay na direktang magpapatunay na kanyang minis-appropriate ang halagang ipinagkatiwala sa kanya.

Ang mga acknowledgment receipts na hindi ma-authenticate at ang mga Sinumpaang Salaysay ng mga taong kinolektahan na hindi naman tumayo bilang mga testigo ay hindi maaaring maituring na sapat para sa isang conviction. Ayon sa Korte Suprema, ang prosekusyon ang mayroong burden na patunayan ang bawat elemento ng kasong inaatang. Kung ito ay hindi magawa ng prosekusyon, nararapat lamang na ma-acquit ang nasasakdal:

“The above ruling is fully in accord with the principle that in all criminal prosecutions, it is the prosecution that bears the burden: to establish the guilt of the accused beyond reasonable doubt. In discharging such burden, the prosecution has the duty to prove each element of the crime charged in the information to warrant a finding of guilt for that crime or any other crime that is necessarily included therein.”

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa iyong patuloy na pagtitiwala.

First-time jobseeker, libre ang medical certificate, NBI at police clearance

ni Atty. Persida Rueda-Acosta @Magtanong Kay Attorney | December 14, 2023

Dear Chief Acosta,

Isa akong first-time jobseeker at umaasa na mamasukan bilang isang caregiver. Nais ko sanang malaman kung anu-ano ang mga dokumento na maaaring hanapin sa akin ng aking magiging employer kung saka-sakali, bago kami magpirmahan ng kontrata. Salamat sa inyong magiging tugon. - Lala

Dear Lala,

Ang sagot sa iyong katanungan ay matatagpuan sa Seksyon 6 ng Republic Act No. 11965, o mas kilala sa tawag na “Caregivers’ Welfare Act”, na nagsasaad na:

“Section 6. Pre-employment Requirements – Prior to the execution of the employment contract, the employer may require the following:

a.              National Certificate issued by TESDA;

b.              Caregivers training certificate issued by the TESDA or its accredited school or training institutions, if applicable;

c.              Medical certificate or health certificate issued by competent authorities;

d.              National Bureau of Investigation (NBI) clearance or police clearance, and

e.              Barangay clearance.

Caregivers who are first-time jobseekers may obtain a copy of medical certificate or health certificate, and/or NBI or police clearance, free of charge, from concerned government offices pursuant to Republic Act No. 11261 or the “First Time Jobseekers Assistance Act.”

Ayon sa nasabing probisyon ng batas, bago magawa at pumasok sa isang employment contract, maaaring hingin ng employer ang isang National Certificate at Caregivers Training Certificate na ipinagkaloob ng Technical Education and Skills Development Authority (TESDA), medical o health certificate magmula sa isang competent authority, NBI o police clearance, at barangay clearance.  

Sa iyong nabanggit na sitwasyon, ang mga naturang dokumento ang iilan lamang sa mga maaaring hingin sa iyo ng iyong magiging employer bago kayo magpirmahan ng isang employment contract. Dahil iyong nabanggit na ikaw ay first-time jobseeker, nais naming ipaalam sa iyo na maaari kang kumuha ng iyong medical o health certificate at NBI o police clearance nang libre o walang bayad.  

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa iyong patuloy na pagtitiwala.

Requirements para maging foster parent ang isang foreigner

ni Atty. Persida Rueda-Acosta @Magtanong Kay Attorney | December 13, 2023

Dear Chief Acosta,

Ang aking kaibigan na foreigner at residente na ng Pilipinas ay interesadong maging isang foster parent dito sa ating bansa. Ano ang mga kailangan niyang requirements para maging kuwalipikado siya bilang isang foster parent? - Mary Ann

Dear Mary Ann, 

Para sa iyong kaalaman, ang batas na nakasasaklaw sa iyong katanungan ay ang Rule 6 ng Implementing Rules and Regulations (IRR) ng Republic Act No. 10165, o mas kilala sa tawag na The Foster Care Act of 2012, kung saan nakasaad na:

“RULE 6. Who May Be a Foster Parent. – To qualify as a Foster Parent, an applicant must meet all of the following:

a. Must be of legal age;

b. Must be at least sixteen (16) years older than the Foster Child unless the applicant is a relative of the Foster Child;

c. Must have a genuine interest, capacity and commitment in parenting the Foster Child and able to provide the Foster Child with a familial atmosphere;

d. Must have a healthy and harmonious relationship with each family member living with him/her;

e. Must be of good moral character;

f. Must be physically and mentally capable and emotionally mature;

g. Must have sufficient resources to be able to provide for the family’s needs; and

h. Must be willing to be trained or receive advice for the purpose of increasing or improving his or her knowledge, attitudes and skills in caring for a child.

For an alien to qualify as a Foster Parent, he/she must (i) be legally documented, (ii) possess all the qualifications above-stated, (iii) have resided in the Philippines for at least twelve (12) continuous months at the time of the application, and (iv) undertake to maintain such residence until the termination of placement by the DSWD or expiration of the Foster Family Care License.

For purposes of determining continuous residence, the alien must not have spent more than sixty (60) days of the last twelve (12)- month period prior to the filing of the application outside of the Philippines, and then only for meritorious reasons.” 

Malinaw sa nabanggit na batas na upang maging kuwalipikado ang isang alien o foreigner bilang isang foster parent dito sa Pilipinas ay dapat taglay muna niya ang lahat ng mga kuwalipikasyon upang maging isang foster parent ng isang Pilipino. Bukod pa rito, dapat na siya ay legal na naninirahan sa Pilipinas, at nakatira na siya rito sa ating bansa sa loob ng 12 tuluy-tuloy na buwan mula sa kanyang aplikasyon. Kailangan din niyang magbigay ng isang undertaking na siya ay maninirahan dito sa Pilipinas hanggang matapos ang placement o mag-expire ang kanyang Foster Family Care License.  

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa iyong patuloy na pagtitiwala.