Patay sa pag-ulan sa Brazil, 29 na

ni Eli San Miguel @News | May 3, 2024

SAO PAULO, Brazil - Umakyat na sa 29 ang bilang ng pagkasawi dahil sa matinding mga pag-ulan sa Rio Grande do Sul, Brazil, ayon sa mga lokal na otoridad.

Kasabay nito ang pagdedeklara ng “state of calamity” sa estado.

Higit sa 300,000 katao rin ang nawalan ng kuryente matapos sumabog ang isang dam sa isang maliit na hydroelectric power plant noong Huwebes.

Sa kabuuan, nagdulot ng pinakamalaking pinsala sa estado ang mga pagbagyo sa mga nakaraang taon kung saan 60 katao ang nawala at 10,242 ang lumikas sa 154 na lungsod, ayon sa civil defense ng Rio Grande do Sul.sa kasalukuyang taon, inihayag ng BuCor na 618 PDLs ang kanilang pinalaya.

805 PDLs, pinalaya noong Abril

ni Eli San Miguel @News | May 3, 2024

Pinalaya ang kabuuang 805 Persons Deprived of Liberty (PDLs) mula sa iba't ibang pasilidad ng bilangguan ng Bureau of Corrections (BuCor) sa loob ng isang buwan hanggang Abril 30, 2024.

Sa isang pahayag, sinabi ng BuCor na binubuo ang mga pinalaya ng 548 PDLs na nakatapos na sa kanilang pinakamataas na parusa, 161 ang binigyan ng parole, 67 na napawalang-sala, 28 na binigyan ng probasyon, at isa na pinalaya sa pamamagitan ng habeas corpus petition.

Noong buwan ng Marso sa kasalukuyang taon, inihayag ng BuCor na 618 PDLs ang kanilang pinalaya.

Mga biktima ng Marawi siege, nakatanggap ng P148M kabayaran — MCB

ni Angela Fernando @News | May 3, 2024

Nakatanggap ng kabuuang P148,848,794 kabayaran ang mga biktima nu'ng 2017 ng Marawi siege, ayon sa Marawi Compensation Board (MCB).

Sinabi ng MCB na ang kompensasyon ay ibinigay sa mga benepisyaryo ng 86 kaso ng mga nasawi pati na rin sa 32 kaso ng claim ng mga property at personal na ari-arian.

Matatandaang nu'ng Hulyo 2023, binuksan ng MCB ang mga applications para sa mga claim kabilang ang claim sa structural properties, kamatayan, at personal na ari-arian, at iba pa.

Ayon sa MCB, halos isang buwan matapos ang pagbubukas, humigit-kumulang 12k katao na ang nagpahayag ng interes sa pag-file ng mga claim.