Kesa mag-join sa rally ng mga Kapamilya stars… BUGOY: IPAGPE-PRAY KO NA LANG SILA!

ni Julie Bonifacio - @Winner | August 5, 2020

Going strong pa rin ang pagkakaibigan ni Bugoy Drilon at ng kapwa singer na si Daryl Ong sa kabila ng controversial issue na kinasangkutan nila kamakailan.

Ito ang nilinaw ni Bugoy during our exclusive interview sa kanya sa online show na #CelebrityBTS Bulgaran Na hosted by Bulgar's Entertainment editor Janice delos Santos-Navida and yours truly last Saturday.

Matatandaan na lumabas sa social media ang naging reaksiyon ni Bugoy sa pagdawit ni Daryl sa pangalan niya sa inilabas nitong video sa socmed.

Diumano, hindi nagustuhan ni Bugoy ang pagbanggit ni Daryl sa pangalan niya sa insidente sa airport na may nakarinig sa dating The Voice contestant na sinisiraan daw ang ABS-CBN tungkol sa pagkalap ng pirma ng Kapamilya Network bilang suporta sa pagbibigay sa kanila ng prangkisa.

"We're okay po," sambit ni Bugoy. "Yes po, going strong pa rin ang friendship namin.

Because at the end of the day po, we are trying to entertain the people. And at the end of the day, 'yung music po, 'yun po ang motto ko, eh, like I want to share my music (my priority)."

Katunayan na friends pa rin sila ni Daryl, nu'ng malaman nito na lumabas na ang bagong single ni Bugoy titled Impossible Love digitally, binati raw siya ng former The Voice contestant.

"Sila ni Michael (Pangilinan, ang ikatlong member ng grupo nila ni Daryl called BuDaKhel), ipinost nila 'yung kanta ko. They help me promote my song. And Michael even sent me food.

Even Daryl, he messaged me and congratulated me, 'Bro, I'm so happy for you. Na ang tunog mo talaga, iba. So, ituloy mo lang 'yan.' He gave me words of encouragement. So, nakakatuwa 'yun," kuwento ni Bugoy.

Inamin din ni Bugoy na nalungkot siya sa pagsasara ng ABS-CBN.

"I feel sad po because at the end of the day, bali-baligtarin man po natin ang mga pangyayari, ABS-CBN helped me kung anumang meron ako. And I'm forever grateful po sa kanila. Kasi, hindi ko naman maa-achieve ang ganitong sitwasyon ko, ganitong status ko because sila naman po talaga ang tumulong sa akin," pahayag niya.

Inaalala rin daw niya ang mga empleyado sa ABS-CBN na nakatrabaho niya.

"Actually, I'm sad po sa mga nakatrabaho ko sa ABS-CBN. Na there's a point na hindi ko na sila makita. They don't have work. So, I'm sad and sympathize po sa kanila. And, ang laki po ng utang na loob ko sa ABS-CBN for giving me this opportunity to share my talent."

May ilan daw na mga nakakausap siya na empleyado ng Dos after nilang mawalan ng trabaho.

"Kino-comfort ko po sila. Alam ko 'yung sitwasyon. Alam ko 'yung nararamdaman nila. So, I give them comfort like everything is gonna be okay. Kinukumusta ko sila isa-isa. Sabi ko sa kanila, 'We have to fight kasi hindi pa naman tapos ang laban.'"

Speaking of fighting, tinanong namin si Bugoy kung naimbitahan ba siya na mag-join sa mga isinasagawang protesta ng Kapamilya stars. And if ever, nag-join ba siya?

"Wala naman po," sagot niya. "But I support them naman po. I think the best support na maibibigay ko is prayer. Prayers po talaga. You have to let God do the thing."

Inisip daw niya kung ano ang magiging kalagayan ng mga nawalan ng trabaho sa ABS-CBN.

"I'm sad kasi naisip ko 'yung nangyari sa akin before na nawalan ako ng trabaho. Sabi ko, 'Panginoon, saan po ako pupulutin?' Pero naging positive pa rin ako na magiging okey ang lahat. There's a lot of ways. Even though they didn't get the permit for another franchise, they (still) found a way na kung paano pa rin sila makakatulong sa pagbibigay-saya sa kanilang audience. So, nakakatuwa naman na 'di naman natigil ang pagbibigay ng tulong at saya sa mga tao ng ABS-CBN. There's a way pa rin para makatulong."

During the quarantine period, ang music lang daw talaga ang pinagkakaabalahan ni Bugoy. Kaya nga natutukan talaga niya na pagandahin (sobra, huh?) ang kanyang bagong single na Impossible Love na ipinrodyus ng Mangroove Studios which is available in all digital platforms.

"Kung saan talaga ang puso mo, work on it. You have to manifest... share it. Kaya gumagawa po ako ng kanta, doon po ako nagsu-survive sa pang-araw-araw ko, it's all music. But at the same time, about business po, try to invest," payo niya.

Dagdag pa ni Bugoy, "Actually po, nag-invest po ako sa gym. Kaso nga, 'yung gym, natamaan din ng pandemic. So now, I'm trying to invest sa water station. Kasi 'di ba, necessity?"

Tsika pa ni Bugoy, ang kapatid ng ex-girlfriend niya at singer na si Liezl Garcia ang nagma-manage ng kanyang water station.

Ini-repost ni Sharon na utak daw kasama si Rep. Pulong…

SIGAW NI GLADYS: INC, WALANG KINALAMAN SA PAGPAPASARA SA ABS-CBN

ni Julie Bonifacio - @Winner | July 27, 2020

Eksklusibong naglabas ng saloobin at paliwanag ang dating actor at mister ni Gladys Reyes na si Christopher Roxas tungkol sa controversial comment niya sa social media na “Bro, really?” sa online show ng Bulgar every Saturday, 11 AM na #CelebrityBTS Bulgaran Na.

May ipinost kasi ang Kapamilya actor na si Carlo Aquino sa social media tungkol sa 11K employees ng ABS-CBN na sinimulan or effective na ang retrenchment this month. Sa comment section ng post ni Carlo ay nag-react si Christopher ng “Bro, really?”

Dahil dito, umani ng batikos si Christopher mula sa mga netizens, na ang iba ay binastos pa raw ang mister ni Gladys, kaya isa-isang sinagot ng aktres.

Actually, si Gladys talaga ang guest sa #CelebrityBTS Bulgaran Na via Zoom app. At habang nagsisimula nang magsalita si Gladys, biglang nag-hello si Christopher sa amin ni Ateng Janiz Navida.

Simula ng paliwanag niya, “Naniniwala kasi ako sa perspective. ‘Di ba tayo, it’s up to us how we see things. So, kasi once biased, you cannot go over beyond the biased, eh. ‘Yun talaga, eh. Kunwari ikaw, pro ka or anti, ang tingin mo agad, negative. Kasi, against doon sa kunwari, sa ABS-CBN.

“'Yung comment ko, parang ang dating, negative na ‘yung sinabi ko. Kasi, biased ka na agad. It’s not bad kasi ayun ‘yung paniniwala mo, eh. Ang hindi nila nage-gets, sino ba naman ang matutuwa na mawawalan ng trabaho?" sabi pa ni Christopher.

Kahit sila naman daw mag-asawa ay nawalan din ng trabaho pero positibo pa rin ang tingin nila sa buhay.

Para sa dating aktor, tapos na siya sa panahon na mamuhay para sa mga mata ng iba.

"Kasi, nakakapagod ‘yun, eh. So, ako, I have my true friends. Kilala ninyo naman kung ano’ng klaseng tao kami. I have my family. So, kung ano ang sabihin ninyo, good or bad, wala. Sa buhay ko ngayon, wala na akong gitna, kaya tama lang.

“Kung may na-offend ako, sorry. Sa mga nakisimpatya sa akin at kilala kung ano talaga kami, ‘yun naman ang importante sa akin, eh, salamat. Pero at the end of the day, ayokong may masasaktan. Kasi saan ka man bumagsak, nakasakit ka pa rin ng kapwa. So, hindi maganda,” pagtatapos ni Christopher at nagpatuloy na siya sa kanyang workout sa bahay nila ni Gladys.

Natuwa naman si Gladys na mismong si Christopher ang nagsalita. First time after so long na nagsalita sa press ang kanyang mister.

Hindi lang daw talaga mapigil ni Christopher na ibigay ang kanyang side sa isyung naglabasan bukod pa nga sa matagal na niya kaming kilala.

Ipinagtanggol naman ni Gladys si Christopher sa comment niya na "Bro, really?"

“Nagtatanong lang siya. Kasi hindi naman niya alam na effective agad ('yung retrenchment). So, ‘yung simpleng tanong na ‘yun ni Christopher, kung anu-ano na ang sinabi nila sa kanya. Buti sana, kung ang nailagay ni Christopher ay ‘Bro, really!’ 'Yung may exclamation point. Iba na ‘yun,” say ni Gladys.

Tinanong naman ni Ateng Janiz si Gladys tungkol sa ini-repost ni Megastar Sharon Cuneta na ang nag-push diumano na i-deny ang bagong prangkisa ng ABS-CBN ay ang anak ni Presidente Rodrigo Duterte na si Rep. Paolo Duterte at ang Iglesia ni Cristo, kung saan active members silang mag-asawa.

“Ang alam ko po, first of all, si Ate Shawie, ninang din namin siya sa first wedding namin. She’s very close also sa family nina Ka Erdy Manalo, ‘yung I think daughter and even the wife of Ka Erdy. Talagang may personal relationship siya with them. I don’t think na… ang alam ko po, pa-question ang sinabi niya. Parang tinatanong niya, ‘Totoo kaya ‘to?’ Kasi, hindi po ‘to statement na naniniwala siya.

“Ako po, I can only speak for myself as a member of INC, wala naman pong ina-announce sa amin or sinasabihan kami, 'Eto ang stand natin.' Sa totoo lang po, wala, eh. 'Di ba po kapag merong mga tagubilin, at the end of the church service, binabasa po ‘yun ng minister? Halimbawa, ‘O, sama po tayo, magkakaroon po tayo ng malawakang pagpapalaganap,’ something like that. Pero so far, wala po, eh. Walang sinasabi about that.

“Kaya kahit po ako, wala pong sinasabi sa amin na meron kaming koneksiyon or ang INC sa nangyayari ngayon sa ABS-CBN," esplika ni Gladys.

Sinabi rin ni Gladys na hindi siya aware sa isinasagawang noise barrage ng mga artista at empleyado ng ABS-CBN noong mga unang araw, pero inirerespeto niya anuman ang ipinaglalaban ng mga ito.

“Ngayon, kung maimbitahan, alam naman po natin ang sitwasyon with this covid, ‘di ba? Sa totoo lang po, kahit hindi pa sa invitation nila, kahit sa ibang invitation, hindi pa rin po kami makalabas ng bahay.

“Of course, I worry for my four kids. Mahirap na ‘yung paglabas mo ng bahay, nakasagap ka ng virus. Ikaw, kinaya ng sistema mo, pero ‘yung mga anak mo naman ang magdedelikado.

“So, ngayon po, hindi pa rin po kami ganu'n ka-confident lumabas ng bahay. But meron kaming way of pakikisimpatya. Maaaring tahimik ka ngayon, maaaring sa panalangin. Pero tayo po ay may kani-kanyang paniwala kung ano ang para sa inyo ay epektibo,” diin pa ni Gladys.

Ikinalat na si Pulong at ang INC ang 'utak' sa pagpapasara…

SHARON, LALONG IPINAHAMAK ANG ABS-CBN KAYA TINULUYAN?

ni Julie Bonifacio - @Winner | July 15, 2020

Naglabas ng kanyang pananaw ang komedyante-TV host na si Arnell Ignacio sa dapat daw sanang naging "galawan" ng mga ehekutibo ng ABS-CBN sa mga mambabatas para nakuha nila ang minimithing prangkisa sa Kongreso.

Kilalang member ng DDS o tagapagtanggol ni Pres. Rodrigo Duterte si Arnelli. At the same time, may programa rin siya sa radio station ng ABS-CBN, ang DZMM na Labor of Love bago pa man naipasara ang Kapamilya Network.

"Ayan, eh, di nawalan ako ng trabaho. Hahaha! Ang laki pa naman ng talent fee ko roon," sabay tawa ulit ni Arnell.

Eksklusibo naming nakapanayam ni Ateng Janiz Navida (Bulgar's Entertainment editor) sa online show ng Bulgar na #CelebrityBTS Bulgaran Na si Arnell last Saturday.

"Gusto ko lang pangunahan 'yung mga nakikinig (at nanonood), hindi ako nagbubunyi na pareho ng mga napapanood natin na… you know. Hindi ganu'n ang nararamdaman ko.

Pero, gusto ko lamang liwanagin na hindi ito tungkol sa ako ay pro-government at ako ay kontra sa ABS. Hindi siya tungkol sa ganu'n," pauna na ni Arnell.

Naniniwala si Arnelli na puwede raw sanang nakuha ng ABS-CBN ang hinihingi nilang prangkisa sa Kongreso.

"Alam mo, sa naging karanasan ko with government, ano kasi, ang nangyari rito sa paghingi ng franchise na ito, nakalimutan na nila na ang kausap nila ay gobyerno. And 'yung style na ginamit, eh, hindi nila naririnig 'yung sinabi ng mga kongresista na, 'Paano ba ito?' 'Di ba?

"Ilang beses nating narinig na sinasabi ni Cong. Marcoleta na ang prangkisa ay isang pribilehiyo. Hindi ito karapatan. Hinihingi mo lang. Hindi ito demandable, right?" sabi ni Arnell.

May mga nagsasabi na halata naman na tanging ABS-CBN lang ang ayaw bigyan ng bagong prangkisa ng mga mambabatas, kaya kahit ano pa ang gawing measures ng ABS-CBN, 'di pa rin sila bibigyan ng prangkisa ng Kongreso.

"Alam mo kasi ang nangyari sa atin, binusisi lang. 'Wala naman kaming mali, eh. So, dapat kaming bigyan.' Eh, hindi ganu'n ang equation niyan, eh. Alam mo ba, kunyari, hindi lang nila trip na hindi kayo bigyan, they can do that.

"Because, it's only Congress ang may karapatan, ang may power na ibigay ang franchise na 'yan, not the Senate, not even the President. So, to simplify the equation, ikaw ang manliligaw. Aaralin mo kung paano ang paraan, kung paano maipapaliwanag sa kanila ang, 'Bigay mo sa amin ang aming hinihiling at nangangako kami na magiging maayos at matutupad namin ang lahat ng mga nakaakibat na requirements dito.'

"Eh, hindi 'yun ang nakita natin, eh. Pero kung napansin mo sila, 'yung mga lawyers, nakipagdebate, eh, hindi naman 'to korte, eh. Ang kailangan mo ay makumbinse sila na ibigay sa 'yo ang hinihingi mo, 'di ba?"

Tinanong ni Ateng Janiz si Arnell kung sa palagay ba niya ay may nilabag na batas ang ABS-CBN.

"Eh, ano nga, paano nga kung tinanong ka noong hinihingian mo ng paliwanag at hindi sila nakuntento sa paliwanag mo? Will you just force the issue doon sa 'yung pananaw at conviction na wala kang nilabag?

"Dapat kasi ang target, 'Paano ko makukuha ang franchise?' Kasi, ang nangyari, the question is who became the best debater, 'di ba? Para lang tayong nag-point system. 'Ang ganda ng sinabi nito,' 'Ay, mas magaling ito.'

"Nawala ru'n sa first focus na ano ba ang gusto kong marating? Eh, ayaw talaga nilang ibigay. Because they can do that."

Naniniwala rin si Arnell na napakalaki raw ng naging epekto ng pagsasalita ng mga Kapamilya stars laban sa ilang government officials.

"Oo, greatly," diin niya.

"Honestly, do you really think when the stars spoke against the government or the congressmen, or even the Solicitor General, what was the point of all that? Do you think we can scare the Solicitor General? Do you think we can scare the congressmen?

"Again, lumihis tayo sa focus, eh. Naging teleserye, eh, which ang naging talo ay kung sino 'yung humihingi.

"Nakalimutan mo na kung ano ba ang kailangan ko? Kailangan ko ang franchise, eh. Eto bang ginagawa ko, meron ba tayong na-achieve? Nakakadagdag ba sa pag-grant sa ating hinihingi?

"There should be an assessment like that. Naging ano kasi, eh, parang naging show. Tandaan natin na ang mga ito, hindi naman taga-entertainment ito, eh. Hindi ito gumagawa ng teleserye.

"I think nagkaroon ng parallel universe na nagkaroon ng pananaw na ang humihingi at uh, hindi niya inintindi na ikaw ang pumapasok sa teritoryo na hindi sa 'yo. Dapat 'yun ang inunawa mo," pahayag pa niya.

Tanong ulit ni Ateng Janiz kay Arnell, hindi raw ba nag-power tripping ang mga congressmen sa pagdinig sa franchise application ng ABS-CBN?

"Ire-rephrase ko 'yun. Alisin mo 'yung tripping, kasi, power, oo, tripping, hindi. Talagang may power sila. At ikaw ang lalapit sa kanila. So, normal lang naman 'yun, eh. Walang power tripping. Ngayon, hamunin mo, eh, ang lahat ng lakas niya, ilalabas niya."

May isang nag-viral na post na ini-repost ni Megastar Sharon Cuneta kung saan sinasabing ang mga nasa likod diumano ng pagpapasara sa ABS-CBN ay si Cong. Paolo Duterte at ang simbahan ng Iglesia ni Cristo (INC).

"Nakakasiguro ako na hindi 'yan nakatulong (sa pag-aapruba ng prangkisa ng ABS-CBN). Kasi remember, may hinihingi ka. Paano bang humingi? Papakitaan kita ng isyu? Ang lahat kasi ng hakbang was an assault. Kunwari, lumabas 'yung ganyang kuwento, paano ngayon ang magiging partisipasyon ng isyung 'yan sa usapin?

"Whether totoo o hindi, hindi pa rin 'yan makakatulong. Dapat, hindi na 'yan inilabas at nanatili 'yung pokus doon sa kailangan kong makuha ang franchise."

Lastly, shinare rin ni Arnelli ang saloobin niya sa 11K employees ng ABS-CBN na nawalan ng trabaho ngayong panahon ng pandemya.

"Life is not really fair. And lahat tayo, dumarating sa mga ganitong sitwasyon. Eh, ako, ilang beses ako nawalan ng show. Narinig n'yo ba akong sinabi kong wala na akong pag-asa?