Sikat na YouTube vlogger na bida sa BL series…

KYO QUIJANO, UMAMING PANSEXUAL, PUWEDE SA GIRL, BOY, BAKLA, TOMBOY!

ni Julie Bonifacio - @Winner | September 27, 2020

Iba naman ang style ng famous vlogger at isa sa mga bida ng super hit na BL series sa YouTube na Quaranthings na si Kyo Quijano. Hindi na siya nagpaliguy-ligoy pa when asked by Ateng Janice Navida, Bulgar's Entertainment editor, sa aming online show na #CelebrityBTS Bulgaran Na kahapon, Saturday (11 AM) kung ano ang kanyang gender preference.

"Hindi po ako straight," diretso niyang sagot. "Uh, I identify myself as pansexual. Hindi ko po alam 'yung specific term, ha, but, hindi po namin ibinabase 'yung pagmamahal namin sa gender. Bale, mas ibinabase namin sa personality. Doon po kami nai-in love. Kahit ano pa po talaga ang gender ng tao, hindi importante sa akin. So, kahit po sa babae, lalaki, straight o hindi, basta love ko," paliwanag ni Kyo.

Mabilis naman ang naging reaksiyon ng mga fans ni Kyo during our live show by posting their comments sa Facebook page ng Bulgar na tanggap nila si Kyo anuman ang kanyang maging gender preference.

Sa true lang, ginulat kami ng maraming fans ni Kyo na nakatutok sa #CelebrityBTS Bulgaran Na kahapon. Eh, kasi naman, may 1.088M ang subscribers ni Kyo sa kanyang personal YT channel. At hindi rin bababa sa 40K ang views ng bawat isang video niya sa YT.

Kaya naman tinanong namin si Kyo kung ano na ba ang nabili niya sa mga kinita niya bilang content creator ng YT.

Kuwento niya, may hinuhulugan siyang condo at mga techie na gamit for vlogging. Next in line na gusto niyang mabili ay kotse at makapagpatayo ng sarili niyang restaurant.

Taga-Molino 4 sa Bacoor City, Cavite si Kyo, pero 'yung condo na nakuha niya ay nasa Kyusi.

Posible raw na ang isang content creator sa YT ay kumita ng P300 K sa isang buwan. But it also depends talaga sa views at pagiging consistent sa pag-upload ng bagong video.

Habang ang Quaranthings: The Series naman ay lampas 100 K na ang subscribers sa YT channel nito na Ride or Die. Ang unang episode ng Quaranthings ay almost 1M na ang views, as of this writing.

Nag-init daw ang mga netizens sa ika-apat na episode ng Quaranthings na ipinalabas last Friday, 9 pm.

Kung bakit? Eh, it's for you to find out sa kanilang YT channel!

Matagal na raw gusto… HARLENE, UMAMING PINILIT SI RICHARD YAP BUMIGAY LANG SA KANYA

ni Julie Bonifacio - @Winner | September 22, 2020

Nasa post-production na ang bago at katatapos lang i-shoot na pelikula ng produksiyon ni Harlene Bautista na Heaven's Best, ang My First and Always (Luis Hearts Luisa) sa direksiyon ni Louie Ignacio.

Five days nag-lock-in ng shooting sa Pagsanjan, Laguna ang buong cast na pinangungunahan ng Kapuso stars na sina Ken Chan at Rita Daniela, Lotlot de Leon at Richard Yap.

Kuwento ni Harlene sa aming tsikahan with Ateng Janice delos Santos-Navida sa Bulgar's online show na #CelebrityBTS Bulgaran Na last Saturday, 11 AM, "Romance-light drama siya. Ang RitKen ang napili namin for the movie kasi may chemistry sila, on-and-off screen. Uh, very consistent sila. 'Yung talagang mapapa-ano ka na, 'Ay, sana, sila na lang (sa totoong buhay),' 'yung ganu'n."

Sinunod daw nila lahat ng protocols na ipinag-utos sa guidelines. Bago pumunta ng shooting ang staff and cast ay nagpa-swab test muna ang lahat. Meron silang health officer na nasa set. Kumpleto sa sanitation at every four hours ay nagpapalit daw sila ng mask.

So, you can just imagine kung gaano kagastos mag-shoot ng movie ngayon. Kaya tinanong namin si Harlene kung ano ang inspiration niya sa pag-push na magawa ang movie.

"Kasi, ilang buwan na, eh, five months. August kasi kami nag-shoot. Five months nang naghihintay ang mga tao kung magkakatrabaho ba? Five months na naghihintay ang audience kung ano ba? May bago ba tayong mapapanood o online na lang talaga?

"So, nangahas ang Heaven's Best na parang gumawa ng pelikula kahit may mga ganyang challenges para mabigyan naman tayo ng sense of normalcy, mabigyan naman tayo ng hope. Kahit nand'yan ang covid, kailangan lang na meron tayong sundin na protocol. Kailangan lang sa sinehan, social distance. Kailangan nating tumuloy ang buhay. Hindi tayo puwedeng maghintay na lang kung kailan mawala ang covid. Eh, kailan? Kailan tayo magsisimula ulit, 'di ba? So, naisip namin na, now's the time."

Pinag-iisipan pa raw nila kung isasali nila sa 2020 Metro Manila Film Festival ang My First and Always. As it is, puwede naman nilang isali at aabot sila sa deadline. Sa October pa kasi ang deadline of submission ng entries for the December filmfest.

As for Richard Yap naman, special and personal request ni Harlene ang tsinitong aktor para sa latest movie ng Heaven's Best.

"Ipinahanap ko siya kasi bagay na bagay siya roon sa role. Father siya ni Ken. Talagang pinilit ko talaga na mapaoo si Richard Yap. And we're really, really very happy and thankful kay Richard dahil tinanggap niya ang aking imbitasyon," nakangiting sabi ni Harlene.

But sad to say, hindi nagkita sa set ang producer at ang tsinitong aktor. Nagkasalisi raw kasi sila nu'ng papunta na si Harlene sa set, paalis naman si Richard.

Pero nagkakatsikahan naman daw sila online. May binuo raw kasi na group chat sa net sina Direk Louie at nandoon lahat ng members of the cast and staff ng My First and Always.

Kahit nagkahiwalay sila ni Romnick... HARLENE, 'DI PA RIN NADADALA SA KASAL, GAME ULI!

ni Julie Bonifacio - @Winner | September 21, 2020

Banaag sa mukha ni Harlene Bautista ang saya at panibagong kilig nu'ng makapanayam namin ni Ateng Janice Navida para sa #CelebrityBTS Bulgaran Na, ang live weekend online show sa Facebook page ng Bulgar tuwing Saturday at 11 AM.

When we asked her kung kumusta ang puso niya nitong nagdaang anim na buwan na quarantine, walang kaarte-arte niyang inamin na okey na okey daw.

"Very happy with my children, and with my... ano ba ang tawag ko sa kanya? SO, Significant Other, oh, ha?" sabay tawa ni Harlene.

Ang tinutukoy niyang bagong karelasyon niya ngayon ay walang iba kundi ang anak ni Kuya Germs o German Moreno (RIP) na si Federico Moreno.

Ang term of endearment daw nila ay... "Tawag niya sa akin, gaya rin ng tawag sa akin ng family ko, my close friends, Bebs. Tapos siya, Fred, ganu'n."

Nag-celebrate na sina Harlene at Fred (palayaw ni Federico) ng kanilang first monthsary last September 5 na ipinost niya sa kanyang socmed account.

"Nakakagulat nga, eh, one month na pala ang nakalipas. Hahaha! Ganu'n naman talaga kapag in love, ang sarap ng feeling na i-share sa lahat ng tao ang happiness. And, kaya paminsan-minsan, magpo-post because you're happy like ako, ako na lang ang magsasalita for myself. I want everyone to know that I'm happy. That I'm proud to be with someone I love who loves me so much. So, ganyan."

Matagal na raw silang magkakilala ni Fred dahil barkada ito ng kanyang Kuya Hero Bautista. High school pa lang ay magkasama na sina Hero at Fred, hanggang sa may pa-dinner si Hero at nagkatsikahan na sila ni Fred.

"After nu'n, regular na kaming nagko-communicate sa Viber, sa Messenger, text, calls, ganyan. So, 'yun lang."

Mabait, sobrang sweet at thoughtful ang mga ugali raw ni Fred na nagustuhan ni Harlene.

"Gusto ko siyang kasama, 'yung ganu'n. Kapag hindi ko siya kasama o naririnig, nami-miss ko siya. Gusto ko siyang kausap, maasikaso siya. Gusto ko kung paano siya sa mga anak niya, kung paano siya sa mga anak ko, kung paano siya sa mga tao, ganu'n. Mabuti siyang tao, at saka ano, totoo siyang tao. Hindi siya estatwa. Hahaha!"

Biro namin ni Ateng Janice (Bulgar's Entertainment editor) kay Harlene, usung-uso ang Boys Love series sa online sa gitna ng pandemic. Keri rin kaya ni Harlene na mag-produce ng 'quarantine love' naman na hango sa love story nila ni Fred?

"'Yung sa amin kasi, hindi namin in-expect pareho, eh, hindi hinanap, hindi pinlano. Nangyari lang siya. Parang blessing. Ang blessing, hindi naman ini-expect, kaya magugulat ka na lang. At 'pag dumating ang blessing, sobrang thankful mo, sobrang saya mo, ganu'n 'yung nangyari sa amin."

Um-agree naman si Harlene na si Fred na ang kanyang destiny kahit pa one month pa lang sila.

"Alam mo kasi, 46 na ako. Ang dami ko nang mga pinagdaanan, ganu'n din siya. May sarili rin siyang experiences sa buhay. And we're not naman 'yung para pumasok sa isang relationship para lang, wala lang, para lang maglaro o magsayang ng oras, 'di ba?"

Tungkol naman sa kasal, masyado pa raw maaga para pag-usapan nila ito. At saka, marami pa raw silang dapat ayusin bago pag-isipan ang tungkol sa kasal.

"Basta sa ngayon, we are enjoying each other's company. We're getting to know each other more and uh, we're enjoying our children. And we're enjoying doing things together, exploring. Maraming bagay na... 'yun muna 'yung inaayos namin," say pa niya.

Ang tinutukoy ni Harlene na kailangang ayusin ay ang annulment nila ni Romnick Sarmenta na isinampa niya sa korte.

"'Di ba dahil nabanggit ko na 'yun dati, nandoon pa rin siya dahil din sa lockdown. Lahat naman, naapektuhan. But it's there, and hopefully, umandar na ulit," dasal ni Harlene.

At kapag napawalang-bisa na ang kasal niya, open pa rin naman daw siya sa ideya of getting married. Hindi raw siya na-trauma sa pagpapakasal.

"Wala akong trauma. Ang sarap kaya ng may kasama sa buhay, ng may katuwang sa buhay na, oo, may basbas ni God. Proud ka lang, ganu'n."

True!