Kanong ka-live-in, nakilala sa Tinder… JAYMEE WINS, 100 IBA'T IBANG LAHI ANG NAGING DYOWA

ni Julie Bonifacio - @Winner | May 30, 2021

From San Diego, California ay nakausap namin nang live via Zoom ang dating Kapamilya star na si Jaymee Joaquin, na mas kilala ngayon bilang si Jaymee Wins, sa #CelebrityBTS Bulgaran Na!, BULGAR's online talk show, kahapon, Saturday.

Inabot ng dalawang oras ang tsikahan namin ni Ateng Janice delos Santos-Navida (BULGAR's Entertainment editor) kay Jaymee dahil sa sandamakmak na rebelasyon niya and of course, napakasarap talagang katsikahan ni Jaymee.

Baklang-bakla itong kausap lalo na pagdating sa kanyang love life. Pero super-nakakabilib ang kanyang karakter sa pagharap niya at katatagan sa pinagdaanan niya bilang cancer survivor.

Kakaiba ang kuwento ni Jaymee bilang cancer patient in the sense that not once, twice, thrice but four times siyang dinapuan ng nakamamatay na sakit.

Umalis ng Pilipinas si Jaymee noong 2010. Nagpunta raw siya sa Australia nu'ng nagkaroon siya ng break sa Pinoy Big Brother Uplate Live.

"Nu'ng nandu'n ako sa Australia, sabi ko, 'Parang gusto kong mag-try tumira rito kahit one year or two years, sarap tumira rito.' Parang naramdaman ko lang na gusto kong i-try. Parang adventure. Bahala na, ganoon. Walang plano," kuwento ni Jaymee.

Kaya pagbalik niya ng 'Pinas, inayos na niya ang papers niya at nagpaalam sa show. Nag-aral at nakapagtapos siya sa Australia ng kursong Communications and Tourism for one and a half years. Tapos ay nag-explore pa raw siya sa Australia ng ilang buwan bago nag-expire ang kanyang student visa.

Naghanap din siya ng work doon pagkatapos mag-aral. Nag-bar tending daw siya sa gabi at nagbebenta ng damit sa isang retail store 'pag weekend. Normal na normal daw talaga ang buhay niya sa Australia.

"At siyempre, nagka-love life ako doon. Medyo nagkadyowa-dyowa, mga ganu'n. Ganda-ganda ko lang doon kasi (ang) pogi-pogi ng dyowa ko noon. Hahaha!"

Ang tanong namin kay Jaymee, naka-ilan siyang dyowa sa Australia?

"Madami," diretsong sagot ni Jaymee. "Pero 'yung isa, medyo nagkahulugan ng loob. 'Yung isang ex ko doon, nagkatuluyan kami doon nang ilang buwan. Pero bago 'yun, eh, siyempre, landi-landi lang. Siyempre, walang showbiz, walang nakakakilala doon. (Kaya) Tara, todo na! Booking kung booking, ganoon lang. Hahaha!"

And take note, iba-iba ang nationality ng mga nakikilala ni Jaymee doon. Nagkaroon siya ng British na boyfriend, may naka-date na Australian(s) at iba pang guys from European countries.

In short, United Colors of Benetton ito?

"Korek! Collect and select!"

Super na-enjoy daw talaga niya ang buhay sa Australia.

"Oo, kaya nu'ng na-diagnosed ako na may cancer, siyempre, nagbalik-tanaw ako sa buhay ko. 'Masaya na ako sa buhay ko. Okey na ako.' Kasi hindi mo naman masasabi… sasagi sa isip mo na malapit ka nang mamatay, ganu'n."

Year 2016 daw na-diagnosed na meron siyang breast cancer after niyang magpa-check-up. May nakapa raw kasi siyang maliit na bukol sa ibaba ng kanyang left arm. That time, nasa US na si Jaymee.

After Australia kasi ay nagpunta pa sa Spain si Jaymee. Four years siyang tumira ru'n at nagtrabaho bilang teacher. Tapos, nag-travel-travel pa raw siya bago nag-US.

"So, ginawa ko talaga ang plano ko na bahala na si Batman. Titingnan ko na lang kung saan ako mapunta. Walang plano. Walang destinasyon. Lipat lang ako nang lipat. Nagluka-luka talaga ako. So, doon ko masasabi na ang buhay ko, eh, okey na rin kung sakali mang kunin ako. Parang nagawa ko naman 'yung mga inisip ko na gagawin ko. So, puwede na rin. Walang regrets."

Wala raw siyang pinakasalan sa Australia, Spain and in US, pero nagkaroon siya ng Irish boyfriend sa Spain na muntik na silang magsama kaso hindi raw nag-work.

"'Yun 'yung talagang na-brokenheart ako nang sobra, dahil akala ko talaga, eto na 'yung lalaking para sa akin. Talagang cinlaim ko na. Eto na, mag-aasawa na ako. Tapos, hindi nag-work. Nasaktan ako nang sobra."

Na-imagine na raw sana niya ang magiging hitsura ng anak niya na pinaghalong Pinoy at Irish na tiyak ikakatuwa ng parents niya.

Ang reason kaya sila naghiwalay, bata pa raw ang guy na 27 yrs. old lang that time (33 naman siya) at hindi pa handang mag-asawa kaya na-pressure sa kanya.

And now, may boyfriend daw ulit siya, isang Amerikano na nakilala niya through Tinder.

"Yes, (si) Ryan! Nand'yan siya, nasa kabilang kuwarto," kinikilig na sabi ni Jaymee.

Sa beach sa San Diego, California raw ang first meeting nila around September 2020. Dahil kasagsagan ng COVID-19 pandemic, natatakot daw si Jaymee sa indoor kaya sa beach siya nakipag-meet para makita rin ang mukha ni Papa Ryan.

Pero ini-reveal ni Jaymee na during that time, hindi lang si Papa Ryan (Papa Ryan?! Wow! Hahaha!) ang idine-date niya.

"Marami! Oo, ganyan ako. Alam n'yo, you don't put all your eggs in one basket sa una. Ganoon 'yun. Kasi siyempre, aba, wala namang kasiguraduhan 'yan. Dapat ano ka pa, try ka lang nang try hanggang sa… naglalagasan lahat 'yan."

Naging exclusively dating daw sila ni Papa Ryan after Christmas last year. And last Valentine's Day, during their date, napag-usapan nila na maging official na talaga ang relasyon nila. And this month, nagsimula na rin silang mag-live-in sa apartment ni Papa Ryan.

Anyway, after ng two hours na Zoom interview, pinagbigyan kami ni Jaymee na ma-meet si Papa Ryan na nasa kabilang kuwarto lang daw ng apartment.

Grabeee! Pagkaguwapu-guwapo ni Papa Ryan!

Isa raw ang kanyang dyowa sa mga nag-push kay Jaymee na ituloy at tapusin ang pagsusulat sa kanyang libro, ang That Sh*t Called Cancer na tungkol sa kanyang naging journey habang nilalabanan ang breast cancer.

Ang dami-dami pang kuwento ni Jaymee sa exclusive interview namin ni Ateng Janiz sa kanya sa BULGAR's Facebook page, and why she changed her name from Jaymee Joaquin to Jaymee Wins.

Siyempre, kasama sa book ni Jaymee si Papa Ryan na "nagpa-behave" sa kanya after ng more or less 100 guys nga na naka-date niya — local and international 'yan — hahaha!

Taray, 'di ba? Parang libro lang niya na puwedeng mabili internationally and locally.

Available ang That Sh*t Called Cancer sa Amazon, sa ñaperback and ebook. Meron din daw mabibili rito sa 'Pinas sa direct selling or e-mail vooksbyjaymee@yahoo.com. Magre-respond daw siya at aayusin nila kung paano makakuha ng kopya na walang shipping fee.

Nakikipag-negotiate na rin daw siya sa isang major bookstore para doon mabili ang That Sh*t Called Cancer.

83-anyos na… TERI ONOR, UMAMING TUMAAS ANG BP NG MADIR AFTER MAGPABAKUNA

Julie Bonifacio - @Winner | May 02, 2021

Plano ng komedyanteng si Teri Onor na tumakbo bilang mayor sa kanilang lalawigan sa Abucay, Bataan sa 2022 national elections. Nais ipagpatuloy ni Teri ang pagseserbisyo sa gobyerno at mga kababayan niya after matapos ang term niya bilang board member sa Abucay noong 2019.

Pero depende pa rin daw ito kung matutuloy ang plano ng kanilang samahan na One Bataan na patatakbuhin ang misis ng current mayor ng bayan nila sa next election. Anuman daw ang maging desisyon ng grupo, susunod lang daw siya tulad ng isang magiting na sundalo.

Nakausap namin si Teri sa programang #CelebrityBTS Bulgaran Na hosted by Ateng Janiz Navida and yours truly kahapon, 11 AM, sa Facebook page ng BULGAR.

Tinanong ni Ateng Janiz si Teri tungkol sa pinag-uusapan at kontrobersiyal na community pantry sa bansa.

“Magandang idea po 'yan at hindi ko tinututulan ‘yan. Pero ako po, sa personal ko, si Teri Onor ba, gagawin ang community pantry?

“Hindi po. Hindi ko po gagawin. Kasi meron naman po tayong ginagawa sa bawat barangay, sa bawat LGU, sa bawat munisipyo po, ‘yung relief operation. ‘Yung food packs? ‘Yung food packs po, ibinibigay po ‘yan. Magandang ideya ‘yung nagtutulungan, may nagbibigay, tapos may kukuha po ayon sa pangangailangan.

“Sa akin pong personal na pananaw, uh, siguro po, hindi ko gagawin. Bagkus, doon na lang sa old way, i-pack mo ‘yan, ibigay mo sa bawat tahanan, para hindi lumabas ‘yung mga tao. Kasi nga, meron tayong social distancing na ipinapatupad para iwasan ang virus.

“Bahay-bahay na lang po natin. Kasi, ang layunin naman natin is magbigay,” pahayag ni Teri.

Muli ay nilinaw niya na hindi siya tutol sa pagtatayo ng community pantry.

“Kasi kani-kanya naman tayo ng interpretasyon ng pagtulong. ‘Yung sa akin po, sa personal ko po, ganu'n po. Plus, nakikita ko kasi, ang daming nakalatag na pagpipilian (sa community pantry), pero merong nakabantay na… o may nakasulat, 'Kumuha ka lang ayon sa pangangailangan.' Or, ‘pag may kukuha, 'Kuha ka lang ng isa niyan, kuha ka ng dalawa, kasi marami pa (ang nakapila).'

"'Paano ang pangangailangan ko? Malaki ang pamilya ko, kailangan ko ng apat na ganyan,' ‘di ba? Or 'Sa laki ng pamilya ko, ang kailangan ko na de-lata, anim. Kasi hindi po kasya sa amin ang isa lang. Or ganito po.' Pero dahil sa may bantay, ganyan lang, limited.

"Parang na-deprived or tipong nalimitahan, parang natakam lang. Sa dami ng nakalatag, parang natakam lang. Eto lang ang nakuha ko, isang tali ng ganito, isang tali ng ganyan.

“Kaya para mas maganda, para walang samaan ng loob, kung mamimigay ka, kunwari community pantry, nand’yan po. So, iempake mo na, halimbawa, isang tali ng kangkong, isang tali ng sitaw, ilang pirasong talong. I-pack mo na siya. Tapos, ipamigay mo sa bawat tahanan.

“Kasi, alam naman natin, kahit anong gawin natin na patakaran, ‘O, pumila. Layu-layo,’ ‘pag may ganyan kasi, hindi na kasi talaga mapipigilan ang mga tao.

“Wala na silang pakialam kahit magdikit-dikit sila. So, ikaw, bilang ikaw ang mas nakakaintindi, huwag mo nang gawin. Kasi, alam naman natin na hindi mo mapipigilan ang emosyon ng tao. Pero hindi ibig sabihin, gutom sila.

“Kasi 'yung iba, kaya nagpunta, dahil artista siya, pupuntahan kita. Makikiusyoso lang. Likas sa mga Pilipino ang ganu'n,” esplika pa niya.

Nilinaw din ni Teri na hindi siya against sa naging pahayag ng aktres na si Angel Locsin na gutom lang ang mga tao kaya may mga sumingit sa pila.

“Tama si Angel doon, gutom na ang mga tao dahil alas-tres nang madaling-araw, nakapila, eh. Ilang oras nang nakapila ang mga tao roon. Kaya nasabi ni Angel ‘yun, gutom na ang mga tao.

“‘Yung iba kasi, iba ang interpretasyon sa pagkakasabi ni Angel. Pero ako, ang interpretasyon ko doon sa sinabi ni Angel Locsin, gutom na ang mga tao, gutom na dahil madaling-araw pa nakapila. ‘Yan ang interpretasyon ko sa sinabi ni Angel. Pero ‘yung iba, binigyan ng ibang interpretasyon. Gutom na sila kaya sila nakapila doon.”

May mga community pantry na rin daw sa bayan niya sa Abucay.

“Hindi natin puwedeng saklawan ang hangarin ng iba na makatulong sa kapwa. Pero sa Bataan, maayos. Ang ating kapulisan sa Abucay , ang kanilang mobile, ginagamit nila. Pumupunta sila sa bawat barangay. Tapos, doon sila naglalagay ng lamesa para sa community pantry nila. Pero nakikita po namin na maayos ang pila.”

In-encourage rin ni Teri ang publiko na magpabakuna.

“'Di ba, sabi nila, ano ‘yung best vaccine? Ang best vaccine po ay available vaccine. Hindi ako namimili. Kung ano ang available, I’ll grab it. Kasi ‘yun ang best vaccine.”

Tiwala naman daw siya sa vaccine na itinuturok ng gobyerno sa mga Pinoy dahil hindi naman daw hahayaan ng mga namumuno na mapahamak ang kanilang mga nasasakupan.

“Imagine, buong miyembro ng pamilya mo, papayag ka na matuturukan ng ganoon? At wala naman pong papasok dito sa atin sa Pilipinas na ganoong vaccine na makakasira sa ating kalusugan. Binusisi naman po 'yan ng Dept. of Health at ng ating vaccine czar. They made sure na okey ang bakunang ituturok sa atin."

Nabakunahan na raw ang 83-anyos na nanay ni Teri, pero siya ay hindi pa.

"Bigyan natin ng pagkakataon ang iba. Ayoko po kasi talaga ‘yung palakasan system. ‘Yung mauna ako? Hindi. ‘Pag time na namin, turn na namin, doon pa lang ako. At pipila rin ako.”

Tumaas daw ang blood pressure ng kanyang Inang after maturukan ng vaccine. Pero hindi naman daw pinabayaan ng mga doktor at ng mga nurse. Agad na pinainom ng gamot sa high blood ang kanyang nanay. Takot daw kasi talaga sa injection ang kanyang Inang kaya tumaas ang BP.

Aminadong dilawan… OGIE, WA’ PAKI SA MGA BUMABANAT SA KANILA HANGGA’T MAY IPINAPAKAIN SA PAMILYA

Julie Bonifacio - @Winner | April 29, 2021

Dinepensahan ng singer/songwriter na si Ogie Alcasid ang kanyang misis na si Asia’s Songbird Regine Velasquez bilang isa sa mga celebrities na naglalabas sa social media ng kanilang saloobin kontra sa pamamalakad ng gobyerno.

"Alam mo kasi ang wife ko, tulad ng maraming kababaihan, dahil siya'y nanay, alam mo ang mga babae, talagang very emotional, ‘di ba? So, ‘yung mga ganu’ng bitaw, galing sa nanay ‘yun, eh, galing sa puso ng isang nanay,” panimula ni Ogie sa nakaraang panayam namin sa kanya sa #CelebrityBTS Bulgaran Na, online show na napapanood sa BULGAR Facebook page tuwing Sabado, 11 AM.

At 'di naman daw para kay Regine ang ginagawa nitong paglalabas ng hinaing kundi para sa ibang mga Pinoy.

"Kasi makikita mo na maraming hirap talaga. And kasi kami, ang aming laging intention, ‘Paano ba tayo makakatulong?’ Eh, hindi naman kami sobrang yaman. Kumbaga, hanggang ano lang ang kaya, eh. So, minsan, dumadaan ka sa point na nanghihina ka na, ‘di ba? ‘Yung mga ganu’n."

Sa tanong ng aming co-host na si Ateng Janice Navida kung may pressure ba kay Regine ang pagiging very vocal niya about her feelings towards the current state of the country like red-tagging, hindi naman daw nila nararamdaman 'yun.

"Uh, kasi hindi naman talaga kami political. I don’t think so, lalo na ako. Wala rin naman akong naaalala. Kumbaga, threats? Wala talaga, eh."

Lahat naman daw kasi ng pro and against the government ay nakakapaglabas ng kanilang opinion sa social media.

"Nakikita mo naman na there’s an exchange, I think, at this point, at this hour, there is still freedom of expression. So, wala naman kaming… personally, nararamdaman na pressure. But I think kami, mas gusto naming maging pro-active.

"Siyempre, hindi na namin kailangang ilathala kung ano ‘yung ginagawa namin, ‘no? And just like everybody else, we just want to give our share, you know, how matter it is small.

"Kasi talagang bukod sa pandemya, eh, ang ekonomiya natin is really, really suffering. So, anything that we can do to help, ayun, nandoon kami."

Hindi naman daw niya mapipigilan ang iba na hinahaluan ng pulitika ang magandang intensiyon nila para sa ating mga kababayan. Sobrang na-identified kasi si Ogie noon sa past administration, especially kay Pres. Noynoy Aquino na naging kaibigan niya personally.

"Uhm, we were identified with them. Kumbaga, na-branded ka nang ganu’n, so, ganoon talaga, eh.

“Ako, lagi kong sinasabi ‘to, eh. Nu’ng maging pangulo si Noynoy noon, wala na tayong kulay-kulay, ‘di ba? Let’s have all the colors of the rainbow, hehe! Pilipinas na tayo, eh, ‘di ba?

"‘Yun nga lang, ang society natin, mahilig talagang… kung dilaw ka, dilaw ka lang. Kung pula ka, pula ka lang, ganu’n. Which kung titingnan natin, maaaring may pagka-dilaw ka, pero maaari ring may pagka-pula ka."

Hindi raw ba posible na magkaroon ng sariling desisyon ang isang indibidwal?

"Yes, may sarili ka ring desisyon, totoo ‘yan. Kaya ‘yung mga branding na ‘yan, nasa tao lang ‘yan, eh. Meron kang pag-iisip, meron kang paniniwala.

"I don’t mind it kung sa tingin nila, ganu’n ako. Doon ako sa taong kumbaga… Hindi naman kasi mawawala ‘yung tutuligsa, at hindi rin mawawala ‘yung sinasabi nating troll. At ang magkabilang-panig ay meron niyan.

"Ang sa akin, you first protect what is important to you. First is your family. Protect the people that surround you. And then, lalo na kapag maliliit pa ang mga anak mo, make sure that there’s food on the table.

"Make sure that your kids grow up prayerful and faithful. And you teach them the right things. Then, they can discern. Malalaman nila, ‘Parang mali ‘yun, ah? Parang hindi tama ‘yun?’

"It really starts within the family. Kapag hindi natin naayos ‘yung mga values na ganu’n, ‘yun!So, maaaring, sana, ang mas mataguyod natin ay hindi mawala ang values ng family."

Natawa lang si Ogie when asked kung may plano siyang pasukin ang pulitika. Hindi raw niya hilig ito.

"Kailangan yata, hilig mo. Well, 54 na rin ako, eh. Parang too late na ata to start a political career."

What about ang inaanak niya sa kasal na si Dingdong Dantes na matunog na matunog ang pagtakbo sa Senado sa 2022 election?

"Nag-dinner kaming dalawa, usap kami. Meron siyang minumungkahi na project. We also had a very, very private moments with Pres. Noynoy, kaming tatlo lang. He always wanted to help, I think he can run already. Ewan ko kung ano pa ang hinihintay niya. Forty na ba siya? Puwede na.

“He is really intelligent, smart, mature, has good values, and you kmow, takot sa asawa tulad ko. Hahaha! Joke lang ‘yun," natatawang sabi ni Ogie.

Well, abangan natin sa 2022 kung makukumbinse na nga si Dingdong Dantes na pasukin na rin ang pulitika.