ni Julie Bonifacio @Winner | October 2, 2026
Photo: FB Anne Curtis
Ayaw paawat ni Dennis Trillo sa mga patutsada niya kay Patrick Garcia. Patola rin kasi ang aktor sa mga comments ng mga netizens sa kanyang mga posts.
This time, may pa-video na si Dennis na umaakting para i-flex ang kanyang OOTD (outfit of the day) with matching red tote bag sa kanyang Instagram (IG).
May malaking nakasulat sa harap ng tote bag na obviously ay may pinatatamaan ang aktor, “Not Today Satan” at sa ibaba ay parang may subtitle na “Privileged & Entitled.”
Kuda ni Dennis sa video post niya, “Hello there everyone! Another day, another bag. At s’yempre, ‘di naman kaila sa atin na ang mga lalaki ay nahihilig na rin sa mga bags.”
Pagkatapos ay todo-flex si Dennis ng nakasabit sa balikat niya na red tote bag. Hinikayat din niya ang kanyang mga followers na mag-post ng comment kung ano ang paborito nilang bag, sabay banat ng linyang, “Oh, ikaw! Ano ang bag mo?”
Obviously, may pa-shade si Dennis sa “Ano ang bag mo?” na katunog ng “Ano’ng ambag mo?”
Gets agad ng mga netizens ang patutsada ni Dennis at kung para kanino ito.
Komento nila…
“Hahaha! Nilaro naman sila ni Dennis.”
“Dennis! What a very intelligent clapback!”
“Double kill, eh. Hahahaha! Not today Satan. May entitled pa sa ilalim ng bag.”
“Classy at swabe. Hahaha! #NotTodaySatan #PrivilegedAndEntitled #AnoAmbagMo”
“Grabe, ‘di nagsalita si wifey. Grabe mamuksa si husband.”
Wow!
Kasama si Rez Cortez…
SHARON, NORA AUNOR LIFETIME ACHIEVEMENT AWARDEE
Ini-repost ni Megastar Sharon Cuneta ang art card na pagbati ng Dreamscape Entertainment sa pagkakahirang sa aktres bilang recipient ng Nora Aunor Lifetime Achievement Award sa 42nd Star Awards for Movies.
Ipagkakaloob kay Mega ang kanyang award sa isang pormal na awarding na magaganap sa Winford Resort and Casino sa Sta. Cruz, Manila sa Oktubre 25, Linggo ng gabi.
Umani ng maraming pagbati si Mega sa bagong karangalan na kanyang natamo. Tiyak na espesyal ang Lifetime Achievement na ito ni Mega dahil nagmula sa pamilya ng yumaong National Artist at Superstar na si Nora Aunor.
Bukod kay Megastar, pararangalan din si Rez Cortez ng Nora Aunor Ulirang Artista Lifetime Achievement Award.
Ang iba pang awardees ng special awards ay ang Star for All Seasons na si Vilma Santos para sa Hall of Famer sa kategoryang Movie Actress of the Year.
Hall of Fame awardee rin ang National Artist na si Ricky Lee sa kategorya ng Movie Screenwriter of the Year at Albert Michael Idioma (Movie Sound Engineer of the Year).
Habang ang producer na si Alex Muhlach ay gagawaran ng Ulirang Alagad ng Pelikula sa Likod ng Kamera Lifetime Achievement Award.
This year's Ethel Ramos Dean’s Lister awardees ay ang kapwa naming kolumnista rito sa BULGAR newspaper na si Erlinda Rapadas at isa pang manunulat na si Joe Barrameda.
Nominado naman sa Movie Love Team of the Year sina Ashtine Olviga and Andres Muhlach (Minamahal: 100 Bulaklak Para Kay Luna), Fyang Smith and JM Ibarra (SRR: Evil Origins - 2025 episode), Francine Diaz and Seth Fedelin (SRR: Evil Origins - 2025 episode), Krystel Go and Earl Amaba (I’mPerfect), Bianca De Vera and Dustin Yu (Love You So Bad), Bela Padilla and JC Santos (100 Awit Para Kay Stella), Kim Chiu and Paulo Avelino (My Love Will Make You Disappear).
Takilya King naman si Vice Ganda (Call Me Mother) at Takilya Queen si Nadine Lustre (Call Me Mother).
Congrats sa inyong lahat!