ni Twincle Esquierdo | September 15, 2020
Makararanas ng maulap na panahon at kalat kalat na pag-ulan na may kasamang kidlat ang Metro Manila, CALABARZON, MIMAROPA, Bicol Region at Aurora dahil sa Low Pressure Area (LPA)..
Huling namataan ang Low Pressure Area sa 225 kilometro hilagang kanluran ng Catarman, Northern Samar.
Ayon sa PAGASA, maaari itong maging bagyo sa Miyerkules o Huwebes at tatawagin itong bagyong Luyon, maaari ring magkaroon ng pagbaha at pagguho ng lupa habang patuloy ang pagbagsak ng ulan.
Sa nalalabing bahagi ng Luzon ay makararanas ng maulap na panahon at kalat kalat na pag-ulan.