Winasak ni Obiena ang Asian record sa 6-metrong talon

ni VA / Clyde Mariano @Sports | June 12, 2023

Sa wakas, ang matagal na niyang inaasam na matalon ang baras na itinala ng 6 na metro ay nagawa na rin EJ Obiena.

Ang Filipino Olympian na kasalukuyang world No. 3 pole vaulter ay nagawa ang nasabing milestone sa pamamagitan ng isang beses lamang na pagtatangka na siya ring naging dahilan upang magwagi siya sa Bergen Jump Challenge sa Norway noong Sabado ng gabi.

Nalagpasan din ni Obiena ang kanyang personal best na siya ring Asian record na 5.94 meters na itinala nya sa World Championships noong nakaraang taon sa Eugene, Oregon sa US.

Inangkin ng Tokyo 2020 Olympian ang gold medal, matapos talunin si KC Lightfoot ng US na kinailangan ng dalawang attempts para matalon ang 6.00 meters.

Pumangatlo sa kanila ang Isa pang Amerikanong si Sam Kendricks na nakatalon naman ng 5.88 meters.

Inaasahang mas pataasin nito ang morale ni Obiena sa kanyang nakatakdang pagsabak sa qualification period para sa Paris Summer Olympics 2024, na magsisimula sa unang araw ng susunod na buwan.

Para mag-qualify sa 2024 Paris Games, kailangang maabot ni Obiena ang qualifying standard na 5.82 meters sa mga qualifying tournaments na kanyang lalahukan na kinabibilangan ng Asian Championships sa Pattaya, Thailand, ang World Championships sa Budapest, Hungary at Asian Games sa Hangzhou, China.

Samantala, hindi matutupad ni reigning World Games karate gold medalist Junna Tsukii ang pangarap na makalaro at manalo ng medalya sa Olympic Games dahil inalis ng host France ang karate sa 2024 Olympic Games na gagawin sa Paris kung saan unang lumahok ang Pinas noong 1924.

Dahil walang karate sa Olympics, ang pinaghahandaan ni Tsukii ay ang Asian Games, Asian Indoor and Mixed Martial Games at World Combat Sports. “My attentions focused on these three tournaments. I will be stronger. I want to win medals and give honors to the Philippines,” sabi ni Tsukii.

Makaabot sa 2nd round ng FIBA World Cup, "fantastic!"

ni VA @Sports | May 31, 2023

Maituturing na isang tagumpay para kay Gilas Pilipinas coach Chot Reyes ang makaabot sila sa second round ng 2023 FIBA World Cup dahil na rin sa lakas ng kanilang mga makakalaban sa pagbubukas ng torneo sa Agosto 25 sa Manila.

"First of all, if we get one win, it's going to be fantastic, but if we get two wins, that can make it a real success, and then we go to the second round," ani Reyes nang makapanayam siya sa programang "Power and Play" ni dating PBA commissioner Noli Eala. "If we are able to do that, then our chances of qualifying for the (Paris) Olympics will increase that much greater. That's our measure of success for the World Cup." Magsisimula ng kanilang preparasyon ang Gilas para sa World Cup sa Hunyo 7 sa Meralco gym. Sa kanilang paghahanda, magkakaroon ang Gilas pool ng scrimmages games kontra sa national teams ng Estonia, Finland, Lithuanian under-21 team at Latvia. "Then we will be back (in Manila) to train, and then another tournament in August in China, but that's not final yet. We will make the final announcement once it's finalized," ayon pa kay Reyes.

Sa ngayon, hindi pa pinapangalanan ni Reyes ang kanilang final 12 upang maiwasan ang kanilang mga naging karanasan partikular noong nakaraang Southeast Asian Games sa Cambodia kung saan isinama nila sina Roger Pogoy, Japeth Aguilar at Junemar Fajardo na hindi naman nakalaro dahil may mga injury. "Now it's the same thing. We're going to have scheduled tuneup games, training and preparations. If we only go there with our 12, we could go there with several (players) incapacitated because there's always something that will happen," paliwanag ni Reyes.

FEU Lady Booters, bagong reyna ng UAAP Football

ni VA @Sports | May 27, 2023

Tinanggalan ng korona ng Far Eastern University ang De La Salle University nang gapiin nito ang huli, 2-1 sa UAAP Season 85 women's football tournament finals sa Rizal Memorial Track ang Football Stadium sa Manila.

Mahigit 90 minuto ang ginugol ng magkabilang panig bago tuluyang namayani ang Lady Tamaraws sa extra time. Dahil sa panalo, nakumpleto ng FEU ang dominasyon sa football ngayong season. Nauna ng tinalo ng Tamaraws ang Ateneo de Manila, 4-1 sa finals upang tanghaling men's champion habang iginupo naman ng Baby Tamaraws ang De La Salle- Zobel 2-1 sa finals ng juniors division.

"Our players never gave up," pahayag ni FEU coach Let Dimzon. "Even when we played against La Salle during the first round and they had a big lead, we still kept fighting, and the same in our last game during the second round." "That's the highlight of my team—until it's over, they never give up. Considering that most of La Salle's players come from the youth national team and my players don't have that much experience, but the way they work on the field is commendable," dagdag pa nito.

Ito na ang ika-12 titulo ng Lady Tamaraws sa women's division. Nakumpleto rin ng Lady Tams ang ikatlong triple championship ng FEU sa UAAP football matapos itala ang naunang dalawa noong Seasons 76 at 77. Si Rebosura ang itinanghal na Rookie of the Year at Best Midfielder habang si Angelica Teves ng De La Salle- ang napiling Best Striker makaraang magtala ng walong goals. Hinirang naman ang University of the Philippines duo nina Frances Caroline Acelo at Jennifer Baroin bilang Best Goalkeeper at Best Defender, ayon sa pagkakasunod.