200 kumpanya sa bansa, sama-sama sa pagpugsa sa COVID-19 gamit ang Astrazeneca vaccine - Concepcion

ni Thea Janica Teh - @Bulgarific | January 5, 2021

Hello, Bulgarians! Matapos kumalat ang balita na aprubado na ang second batch ng orders para sa COVID-19 vaccine na AstraZeneca, sinabi ni Presidential Adviser for Entrepreneurship and Go Negosyo founder Joey Concepcion, na ito ay naging matagumpay.

Ito ay dahil sa pagkumpirma ng Ayala Corporation ng 400,000 doses ng vaccine kasama ang iba pang kumpanya tulad ng Palawan Express (100,000 doses); Okada Manila (40,000) doses; Uratex Philippines (21,000 doses); Century Pacific Food (20,000 doses); Unioil Petroleum Philippines, Inc. (20,000 doses); Golden Arches Development Corporation (15,000 doses) at Pepsi-Cola Products Philippines, Inc. (10,000 doses). Ang dose na ito ay may base cost pa rin na $5.

Sinundan din ito ng ilang kumpanya tulad ng European Chamber of Commerce of the Philippines, British Chamber of Commerce of the Philippines, American Chamber of Commerce of the Philippines, Entrepreneurs Organization, Philippine Franchise Association, The Association of the Filipino Franchisers Inc., Philippine Ecozone Developers, Philippine Hotel Associations, Inc., and the Federation of Filipino-Chinese Chambers of Commerce and Industry, Inc., at George Barcelon of PCCI.

Tinatayang nasa 200 kumpanya na sa bansa ang interesado at sinigurado na ang vaccine upang makasama sa 2nd batch. Dagdag pa ni Concepcion, open umano ito sa lahat ng negosyante kaya naman handa itong kausapin ng personal upang lubos na mapag-usapan ang parehong interest.

May ilang business entities na rin tulad ng microfinance institutions (MFIs) ang nakikipag-usap sa Go Negosyo at kay Concepcion. Isa si Allan Robert Sicat na Executive Director of Microfinance Council of the Philippines, Inc., ang patuloy na kumakausap at kumokonekta sa Go Negosyo at kay Concepcion.

Dahil sa pandemyang dumating ngayong 2020, maraming MSMEs ang lubos na nalugi at ang mga ito ay tinulungan ng MFIs. Patuloy silang binibigyan ng assistance mula sa institusyon.

Kaya naman, patuloy din na makikipagtulungan ang Go Negosyo at Concepcion sa mga tulad nitong negosyo. Sa katunayan, kamakailan ay nakipag-usap si Concepcion sa Philippine Retailers Association na pinamumunuan ni Rosemarie Ong, Senior Executive Vice-President at COO of Wilcon Depot.

Aniya, “I shared with them that it’s important to vaccinate all the frontliners in the retail sector, supermarkets, department stores, and malls,”

Mas maraming business ang makiisa, mas mabilis din umano ang pag-ahon ng ecosystem ng bansa. Ito rin umano ang sagot sa lahat ng tanong kung paano muling mapapalago at iikot ang pera.

“Many business organizations are wanting to be in the second part, and this could be the last. Just look at it, the cost of testing using antigen is 500 pesos, RT-PCR, 2500 pesos and up. This is 500 pesos for two doses, an offer from Astra from their zero profit program for 2021, this is the only way to accelerate our economic recovery and save lives,” dagdag ni Concepcion.

50 kadete sa PMA, nagpositibo sa COVID-19

ni Thea Janica Teh | January 5, 2021

Nagpositibo sa COVID-19 ang 50 kadete at food handlers sa Philippine Military Academy, pagkumpirma ng Armed Forces of the Philippines (AFP) ngayong Martes.

Ayon kay AFP Spokesman Major Gen. Edgard Arevalo, lumabas sa imbestigasyon na galing sa food handlers ang COVID-19 na nakahawa sa mga kadete.

Aniya, "Ayon sa kanilang pagsusuri, ang mga food handlers actually ang siyang nakapagdala ng virus at naka-break ng COVID-19 bubble d'yan sa loob ng akademya. Kaya nga po doble ang ating ginagawang pag-iingat.”

Ang lahat ng nagpositibo ay asymptomatic at kasalukuyan nang sumasailalim sa isolation. "Nais nating kalmahin ang loob ng mga magulang ng mga kadete.

Ginagawa po ng pamunuan ng academy ang lahat ng stringent measures at health protocols na kailangang gawin kagaya ng detection, isolation, treatment bago i-reintegrate sila ulit sa cadet corps,” dagdag ni Arevalo.

Maaari rin umanong sumailalim sa lockdown ang academy kung darami pa ang kaso. "Ayon kay PMA Superintendent Gen. Ferdinand Cartojano, isolation muna ang ginawa and even before this pandemic, kung maalala natin 'yung important events sa Academy na pinagtitipunan…inalis na muna natin lahat. Very small group if at all ang pinapayagan upang ma-preserve nga ang health security bubble,” ani Arevalo.

COVID-19 vaccine na gawang China, oks nang gamitin — Galvez

ni Thea Janica Teh | January 5, 2021

Nilinaw ni COVID-19 National Policy Chief Implementer at vaccine czar Sec. Carlito Galvez, Jr. na maaari nang gamitin ang Sinopharm bilang bakuna kontra COVID-19 dahil may basbas na umano ito ng pamahalaan ng China.

Ang Sinopharm ang vaccine na binanggit ni Pangulong Rodrigo Duterte kamakailan na ginamit umanong bakuna sa mga miyembro ng Presidential Security Group (PSG). Marami ang umalma rito dahil hindi pa ito awtorisado ng Food and Drug Administration (FDA).

Ayon kay Galvez, "Para mawala ang ating misconception sa mga Chinese vaccine, noong last January po, ang China po ay nag-approve ng EUA of Sinopharm for general use. Dalawa po kasi ang ginagawa po ng China, 'yung tinatawag nating emergency authorization for limited use at saka po mayroon tayong emergency utilization for general use.”

Sa inilabas na update ni Galvez kay Pangulong Duterte, sinabi nito na nasa 100 vaccine ang tinitingnan ng pamahalaan kung saan ang ilan dito ay malapit na sa phase 3 trial kabilang ang Sinovac, Sinopharm, AstraZeneca at Pfizer.

“Ang Sinovac at saka 'yung Sinopharm ay nabigyan po sila ng EUA or 'yung emergency use for limited use, katulad po ng Sinovac, limited use for tinatawag nating elderly at saka tinatawag nating 'yung vulnerable sector," dagdag ni Galvez.

Samantala, ibinahagi rin ni Galvez na nagkaroon na rin ng “stringent authority” sa US at UK ang vaccine na gawang Pfizer na sinundan ng Moderna at AstraZeneca.