Nasunog ang niluluto ng BFF na nagkatotoo, paalalana labs ang isa’t isa

ni Seigusmundo Del Mundo - @Panaginip, salamin ng inyong buhay | October 12, 2020

Salaminin natin ang panaginip ni Virgie na ipinadala sa Facebook Messenger.

Dear Professor,

Nasa bahay ako ng bestfriend ko, tapos nakita ko siyang nagluluto at naiwan niya ‘yung kanyang niluluto. Kinalabit ko siya at sinabing baka masunog ‘yung bahay nila dahil nakalimutan niya nga ‘yung kanyang niluluto.

Tapos, kinaumagahan, tinawagan ko siya at tinanong kung nagluto nga ba siya at ano’ng nangyari sa niluluto niya. Alam mo, sabi niya, nagluto siya at nasunog ‘yung pinirito niyang isda pero hindi naman daw sunog na sunog.

Wala na siyang sinabing anuman at hindi na rin ako nag-usisa. Ano ang masasabi n’yo sa panaginip ko?

Naghihintay,

Virgie

Sa iyo, Virgie,

Kapag nagmamahalan ang dalawang tao, sila ay pinaniniwalaang pinagtali ng mahiwagang ‘cord of love’ na kahit nasaan sila ay magkaugnay pa rin sila. Kumbaga, ‘yung isang dulo ng mahiwagang cord ay nakakabit sa isa at ang isa pang dulo ay nasa isa rin.

Hindi napapatid ang tali na ‘yun kahit sila ay natutulog at kahit ano pa ang kanilang ginagawa. Sa pagtulog mo, pumunta ka sa bahay ng bestfriend mo gamit ang nasabing cord of love, as in, doon ka nakasakay. At nakita mong nagluluto siya at nasusunog ang niluluto niya at sa tunay na buhay, siya nga ay nagluluto at nasunog ang niluluto niya.

Sa madaling sabi, ang napanaginipan mo ay isang klase ng premonition na nakita mo ang mangyayari kung saan masusunog ang bahay nila, pero hindi ito naganap dahil kinalabit mo siya at sinabing nasusunog ang niluto niya.

Ang iyo ring panaginip, bagama’t may hiwagang nakapaloob ay pangkaraniwan lang sa dalawang tao nagmamahalan o may pagmamahal sa isa’t isa.

Nangyayari ito sa lahat ng tao, muli, sa kondisyon na may love na namamagitan sa kanila, maaaring paternal love, brotherly love o love of a woman to a man at ‘yung sa inyo ng friend mo na BFF o love ng best friend forever.

Hanggang sa muli,

Professor Seigusmundo del Mundo

Tinakbuhan ng pinautang, pahiwatig na tulungan ang kapitbahay na gipit

ni Seigusmundo Del Mundo - @Panaginip, salamin ng inyong buhay | October 11, 2020

Salaminin natin ang panagininp ni Marivic na ipinadala sa Facebook Messenger.

Dear Professor,

Napanaginipan ko na inutangan ako ng kapitbahay namin, siningil ko siya, pero wala na pala sila. Pagka-utang sa akin, umuwi na ng probinsiya, pero hindi naman ako nagalit.

Ngayon, may umuutang na kapitbahay ko rin. Hindi ko pa pinauutang dahil baka magkatotoo ang panaginip ko.

Naghihintay,

Marivic

Sa iyo Marivic,

Pautangin mo ang iyong kapitbahay. Magbayad man siya o hindi, dapat okey lang sa iyo, pero siyempre, huwag ‘yung sobrang malaking halaga. Ang inuutang ng kapitbahay ay dapat maliit lang na parang tulong sa mabilisang kagipitan.

Ganito ang sabi, “Mahalin mo ang kapitbahay mo,” na ang isa sa mga ibig sabihin ay tulungan mo dahil ang magkakapitbahay ay dapat nagtutulungan. Ang kapitbahay ay unang sasaklolo sa kanyang kapwa.

Sasaklolohan ka rin ng ibang tao, pero, delay ang saklolo niya, sasaklolohan ka rin ng tao ng barangay n’yo, pero kung mayroong tanod sa barangay hall. Ngunit kadalasan, wala namang tanod sa dis-oras ng gabi, kung mayroon man, madalas sila ay tulog.

Ito ang dahilan sa likod ng utos na mahalin natin ang ating kapitbahay.

Hindi naman mahalaga kung tayo ay nangailangan ng tulong o hindi, ang mahalaga ay ang nand’yan ang ating kapitbahay na handa tayong tulungan.

‘Yung pagiging handa na tayo ay tulungan, sapat na ‘yun para sila ay ating pautangin kapag sila ay nangungutang. Kaya muli, pautangin mo ang iyong kapitbabay.

Ang panaginip mo naman ay nagsasabing, malaki ang tsansa na ikaw ay yumaman sa pagpapautang, lalo na ngayong ang lahat ay nangangailangan. Pero ang kabilin-bilinan ay piliin mo lang ang iyong pauutangin na mga negosyanteng nangangailangan.

Sa pagpapautang sa mga nagnenegosyo, dapat ay may kasulatan na kapag hindi nagbayad ay may kapalit na bagay at ito ang tinatawag na kolateral.

Para malinaw, ang kapitbahay ay dapat pautangin dahil siya ay nagipit sa buhay, pero ang mga negosyanteng umuutang ng pera na ang pangunahing layunin ay kumita at yumaman sila, ito ang pagkakaiba ng utang ng kapitbahay at utang ng negosyante.

Hanggang sa muli,

Professor Seigusmundo del Mundo

Nerbiyos, totoong nararamdaman ng nanaginip na may sakit sa kidney at dapat operahan

ni Seigusmundo Del Mundo - @Panaginip, salamin ng inyong buhay | October 10, 2020

Salaminin natin ang panaginip ni Ronald na ipinadala sa Facebook Messenger.

Dear Professor,

Sumakit ang tiyan ko last week, tapos kagabi napanaginipan ko na may sakit ako sa kidney. Dinala ako ng misis ko sa ospital, tapos sabi ng doktor, may diperensiya ang kidney ko at kailangan akong operahan.

Hanggang ngayon, natatakot ako. Ano ang dapat kong gawin dahil hindi maalis sa isip ko ang aking panaginip?

Naghihintay,

Ronald

Sa iyo, Ronald,

Ang una mong gawin, magpatingin ka sa doktor nang malaman mo kung may diperensiya nga ang kidney mo. Kung panaginip mo lang ang ating pagbabasehan, wala kang sakit sa kidney at ang mayroon ay ang tinatawag na simple panic attack.

Kapag ang tao ay mahina ang loob, takot magkasakit at takot sa doktor, siya ay nenerbiyusin kahit nakaramdam lang ng hindi maganda sa katawan at ang masama pa sa ganito, siya mismo ang magbibigay ng sakit sa sarili niya at minsan ay grabe ang sakit na sinabi niya na mayroon siya.

Dahil simple panic attack ang sumaiyo, sa maniwala ka o hindi, ang isasagot sa iyo ng doktor ay wala kang sakit dahil ito ay nerbiyos.

Hanggang sa muli,

Professor Seigusmudo del Mundo