Movie, kumita ng P1.6 B… KATHRYN AT ALDEN, PASOK SA BOX OFFICE HEROES NG EDDYS

ni Rohn Romulo @Run Wild | July 3, 2025

Photo: Alden at Kath para sa Hello Love Again - The Eddys

Handa na ang spotlight sa mga bituin na nagpatunay sa kanilang box-office dominance noong 2024.

Muling pararangalan sina Kathryn Bernardo at Alden Richards sa 8th Entertainment Editors’ Choice (The EDDYS) bilang “Box Office Heroes” dahil sa reunion film nila na Hello, Love, Again (HLA) na gumawa ng kasaysayan nang kumita ng P1.6 bilyon sa buong mundo. Hawak na ng sequel ng 2019 hit na HLA ang record na Highest-Grossing Filipino Film of All Time.

Matatandaan na sa 7th EDDYS last year, sa unang taon ng Box Office Hero Award, kasama sina Kathryn (A Very Good Girl) at Alden (Five Breakups and a Romance) sa mga pinarangalan.

Pasok din si Vice Ganda sa list dahil muli niyang ipinakita ang kanyang holiday box-office streak sa And The Breadwinner Is… (ATBWI), na kumita naman ng P460 milyon.

Nagpakita rin ng lakas sa takilya ang balik-tambalan nina Julia Barretto at Joshua Garcia sa kanilang hit romance na Un/Happy for You (UFY), na lumampas sa P450 milyon ang kinita sa buong mundo. 

Dagdag pa sa listahan ng Box Office Heroes ay ang mga beterano sa industriya na si Vic Sotto para sa The Kingdom (TK) kasama si Piolo Pascual, na pinarangalan din last year para sa tagumpay ng Mallari.

Panghuli, kasama rin sina Dennis Trillo at Ruru Madrid para naman sa Green Bones (GB), ang multi-awarded movie, na nakakuha ng pinakamaraming nominasyon sa 8th EDDYS. 

Sa ikalawang taon, kinikilala ng Box Office Hero ang mga aktor na ang mga pelikula ay nakakamit ng malaking kita at epekto sa kultura, na nagpapatibay sa kanilang katayuan bilang mga haligi ng entertainment industry sa Pilipinas.

At sa 9 na tatanggap ng Box Office Hero, 3 ang pasok sa listahan ng mga nominado sa pagka-Best Actor. Maglalaban-laban sina Alden, Dennis at Vice Ganda, samantalang si Ruru ay mapalad ding napasama bilang Best Supporting Actor nominee.

Sinu-sino kaya sa kanila ang magkakapag-uwi ng dalawang tropeo, tulad ng nangyari kay Julia Montes, na nagwaging Best Actress at kasama rin sa Box Office Hero?

Ang gabi ng parangal ay nakatakda sa Hulyo 20 sa Ceremonial Hall ng Marriott Grand Ballroom sa Pasay City. At ang delayed telecast ang ipapalabas sa Kapamilya Channel at Jeepney TV, habang ang iWant ay mag-i-stream ng programa para sa international viewers simula Hulyo 27.

Ang 8th Eddys ay ihahatid ng Playtime PH sa pakikipagtulungan sa Newport World Resorts at ABS-CBN. Ang mga co-presenters ay Globe at Unilab.  Ito ay suportado ni Senator Camille Villar, Beautederm Corporation, Luxxe White, Puregold CinePanaloFilm Festival, Kat Corpus at My Daily Collagen, na may co-production ng Brightlight Entertainment sa ilalim ng Pat-P Daza at direksiyon ni Eric Quizon.

Ang Eddys ay inoorganisa taun-taon ng Society of Philippine Entertainment Editors (SPEEd), isang non-profit na organisasyon na binubuo ng nakaraan at kasalukuyang mga entertainment editors mula sa mga pambansang broadsheet, nangungunang tabloids, at online portals.

Para sa karagdagang impormasyon, sundan ang The Eddys sa Facebook (FB) sa The Eddys (The Entertainment Editors’ Choice).

---

HIYANG-HIYA si Melai Cantiveros sa dating Sexbomb Girls na sina Rochelle Pangilinan, Jopay Paguia-Zamora, Sunshine Garcia-Castro at Cheche Tolentino ng Artist Circle. 

Inamin ito ni Melai sa launching ng Surf2Sawa (S2S) Prepaid Fiber Internet powered by Converge na ipinakilala sila bilang newest celebrity endorsers.

Ginanap ito sa Quirino Elementary School at ini-reveal nga sila bilang members ng ‘MamaMo,’ ang All-MAMA P-pop girl group ng S2S. 

Natanong sina Rochelle kung ano ang pakiramdam na katrabaho ang isang Kapamilya na tulad ni Melai.

“Ibang klase dahil napakabait ni Melai at napaka-generous,” pahayag ni Rochelle.

Aniya, “Ilang araw lang kaming nag-shoot, nakilala na namin s’ya agad. Naririnig ko palagi ang pangalan n’ya kay Jolina (Magdangal), na kaibigan ko, kumare at kasama rin sa PPL Management.

“Ang sabi ni Jolens, sobrang bait ni Melai at napatunayan namin ‘yan nang mag-shoot kami nang dalawang araw.”

Reaksiyon naman ni Melai sa sinabi ni Rochelle, “Sobrang bait din ng Sexbomb, grabe talaga at very professional.

“Pero grabe ang takot ko, kasi nga nanghingi ako ng sorry sa kanila, na patawarin nila ako na nasa gitna ako, dahil hindi naman basta-basta ang Sexbomb.

“Hindi ko nga alam kung ano ang nakain ng Surf2Sawa ba’t ginawa nila ‘yun.”

Dagdag pa niya, “Kasi s’yempre, bilang sila ang mga idol natin sa pagdating sa sayawan, mga OG sa sayaw, mahihiya ka talaga. Sino ba ako, bakit nila ako ipagitna? Pero grabe sila, sabi nila, ‘Ano ka ba? Walang problema.’

“Si Ate Jopay, si Ate Sunshine na nakasama ko sa Banana Split, sobrang bait talaga n’ya. Ngayon naman si Ms. Rochelle at s’yempre si Ate Cheche na matagal ko nang kasama sa Surf2Sawa.”

Aminado naman sina Rochelle, Sunshine, Jopay at Melai, na may maliliit na anak, na nililimitahan nila ang paggamit ng internet para mag-surf o kaya’y manood.

Ayon pa kay Melai, “Four pesos lang a day, unlimited surf na ‘yun. Tapos ang Surf2Sawa ay nag-iikot sa buong bansa, para mamigay sa 3  bahay, libre ang 1 year internet.”

Samantala, nasa planning stage pa rin ang reunion concert ng Sex Bomb Girls, na kung magtutuluy-tuloy ay baka bago matapos ang taon.

Posible kaya na maging guest nila ang sikat na P-pop girl group na BINI?

Tiyak na pasabog ito, kapag nagkatotoo!

Gumanap na mag-ama... DINGDONG, INALALA ANG MGA BONDING MOMENTS NILA SA TAPING NI RICKY

ni Rohn Romulo @Run Wild | May 4, 2025

Photo: Dingdong Dantes at Ricky Davao - FB Dingdong Dantes

Nagbigay-pugay si Kapuso Primetime King Dingdong Dantes sa pumanaw na actor-director na si Ricky Davao, na naging malapit sa kanya.

Nagkasama sila noon sa seryeng Alternate kung saan gumanap silang mag-ama, habang nanay naman ni Dingdong ang ex-wife ni Ricky na si Jackie Lou Blanco.

Sa kanyang latest post sa Facebook (FB), ibinahagi ni Dingdong ang photos nila ni Ricky, at pati ni Jackie Lou.

Panimula niya sa mahabang post, “There are people you meet in this industry whom you admire from afar long before you get the chance to shake their hand. For me, Ricky Davao was one of them.

“I would spot him at parties, events, and industry gatherings—and almost without fail, he’d find his way to the stage. Not to grab attention, but to give joy. One song in, and the entire room would shift. All eyes on him. All ears tuned in. And just like that, he owned the moment.”

Ang signature smile ni Ricky ang isa sa mga tumatak kay Dingdong, bukod sa kung paano nito binibigyang-buhay at saya ang paligid sa kanyang mga performance sa mga parties.

“From those small stages of casual gatherings to the big screens of film and television, Tito Ricky brought something rare: a blend of brilliance, warmth, and generosity,” ani Dingdong.

Inalala ni Dingdong ang mga naging bonding moments nila ni Ricky sa taping at ang mga words of wisdom na nai-share nito sa kanya tungkol sa buhay-buhay.

Pinuri rin niya ang aktor sa pagiging mahusay na direktor.

“On screen, he was incredibly precise. His director’s eye never left him. He hit marks perfectly, took notes gracefully, and always gave his scene partners something real to work with. His performances were consistent, deep, and alive.” 

Sa pagtatapos ng tribute niya sa isa sa mga hinahangaang aktor, ani Dingdong, “He exits the stage now, not with finality, but with grace. Leaving behind echoes of music, traces of masterful performances, the warmth of his fatherly ways, and the kind of good vibes that linger long after the last song has been sung.

“Maraming salamat, Tito Ricky. You made our industry, our work, and our lives richer. This curtain call is not goodbye. It’s simply our standing ovation. (three clapping hands emoji) #RickyDavao.”

Pagtatapos niya, “May you rest in paradise, Direk Ricky!”

---

MULING ihahatid ng Yllana Racing, in partnership with Okada Manila, ang isa sa most anticipated racing events sa bansa, ang Okada Manila Motorsport Carnivale 2025, na magsisimula na ngayong Linggo, May 4 sa Parañaque City.

Ang racing action ay gaganapin sa Boardwalk and Gardens, ang seaside area sa labas ng Okada Manila. 

Magsisimula ang aksiyon ng Super Sprint ng 6 AM at tatagal hanggang 6 PM, at susundan ng Grand Car Meet: Legends of the ‘90s ng 7 PM.

Magpapatuloy ang event sa May 31, na kung saan matutunghayan naman ang Jom’s Cup, ang 1/8-mile drag racing challenge. Aasahan ang intense na labanan sa Super Cars, Muscle Cars, at Vintage Cars.

“I remember announcing way back 2023 that we are going to wake up a sleeping giant. Now the giant is awake. Gising na gising s’ya, gutom na gutom at uhaw na uhaw.

“Gusto natin ibalik ‘yung mga karera in the heart of Metro Manila. So I welcome everyone to Motorsport Carnivale 2.0!” mahabang pahayag ni Jomari Yllana, president ng Yllana Racing at long-time motorsport advocate.

Hindi nga bago si Jom sa naturang sport, dahil nanalo at placer siya sa several local races. Matatandaan na siya rin ang first Filipino podium finisher sa 2014 Yeongam International Circuit na ginanap sa South Korea.

Patuloy siyang kumakarera bilang principal driver ng pro team Yllana Racing.

Ang Motorsport Carnivale ay inspired by the glory days of Philippine motorsports, kasama rito ang Philippine Grand Prix na ginanap sa Manila from 1973 to 1976, a series known for its prestige and grandeur.

Pinangungunahan din ang event ni Rikki Dy-Liacco, na respected champion racer at Head of Motorsports at the Automobile Association Philippines (AAP). Siya rin ang official representative ng bansa sa Fédération Internationale de l’Automobile (FIA).

Dinala ni Dy-Liacco ang international racing standards and experience, nagsilbi siyang race steward sa elite global events, kasama rito ang 24 Hours of Le Mans, GT World Challenge Asia, Formula 4 Middle East, at ang Macau Grand Prix.

Natrangkaso lang daw… IVANA: WALA AKONG CANCER!

ni Rohn Romulo @Run Wild | Mar. 9, 2025

Photo: Ivana Alawi

Single na single pa rin daw si Ivana Alawi hanggang ngayon dahil wala raw siyang time na harapin ang kanyang love life.  

“Wala nga akong time sa sarili ko, kahit nga sa family ko, minsan hindi kami nagkakasabay kumain,” pag-amin ng aktres at sikat na vlogger sa naganap na thanksgiving party niya para sa entertainment media sa Vinta Modern Cantina sa Quezon City.

“This year, mas magiging busy ako, meron akong teleserye at movies din. So, paano talaga ako magkakaroon ng time sa love life, ‘di ba? Bahala na sila, saka na lang ‘yun, kaya work muna.

“Busy pa rin ako sa content creation, pagbibigay ng tulong. ‘Yun talaga ang nasa utak ko, tumulong muna bago ako mag-focus sa pag-ibig.

“Pero meron namang pasulyap-sulyap na date,” dagdag pa niya.

Twenty-eight years old na pala ngayon si Ivana at pagdating daw niya ng edad 30 ay gusto na niyang magkapamilya.

Sey niya, “Sa ‘kin lang ito, ha, hindi ko sinasabi para sa lahat. Feeling ko, ‘pag mga 30 na ako, I think it’s time for myself and start focusing on love and family.”

Natanong din si Ivana tungkol sa health crisis na kanyang pinagdaanan last year. Nagkaroon siya ng problem sa ovaries na naging dahilan para magkaroon ng fluid build-up sa abdomen niya. Meron din siyang PCOS at naospital siya ng ilang araw.

Kuwento niya, “It took a month to recover, bawal kumilos, bawal mag-gym, kaya siguro medyo nagkalaman ako. Wala naman akong pakialam kung tumaba ako, basta healthy, ‘yun ang importante sa ‘kin.

“Pero ngayon, okey na okey na ako, wala na akong sakit.”

Na-realize raw niya na, “Lahat ng material, lahat ng pera, mga bag mo, hindi mo masasama ‘yun ‘pag kinuha ka na ni Lord. Kaya dapat magpakasaya ka sa buhay mo, i-enjoy mo and surround yourself with your loved ones.”

May inamin din si Ivana na may matutupad na pangarap niya sa darating na mga araw.

“May isa akong pangarap na maa-achieve ko very, very soon,” sabi ng sexy actress.

Pagbubulgar pa niya, “Pangarap ko s’ya dati pa noong bata pa ako, so, siguro ‘yun pa lang. Siyempre, ang next kong pangarap ay makabuo ng pamilya at maging housewife, so, hindi pa natutupad ‘yun.

“Pero ito, matutupad na at malalaman naman ninyo agad ‘yun this month.”

Naloka rin siya sa fake news na baka may cancer siya.