Jackpot si Dominic… SIGAW NG FAN: MGA EX NI BEA, ANG TAT*NGA NA PINAKAWALAN PA SIYA

ni Rohn Romulo - @Run Wild | September 08, 2021

Kung may ipinagmamalaking "Lola’s Menudo" si Marian Rivera-Dantes na punumpuno ng sahog at sobrang nakakatakam na sarsa, may pantapat naman si Bea Alonzo.

Sa latest vlog niya sa kanyang YouTube channel na in-upload noong September 4, ibinahagi niya sa kanyang mga followers ang recipe ng kanyang "Lola’s Osso Buco Caldereta".

Caption ni Bea, “I’m sharing with you another cooking video on my channel!! MY LOLA’S OSSO BUCO CALDERETA recipe!! This is one dish that my friends always request for me to do, so sana, magawa n'yo rin sa inyong bahay. Share your thoughts and suggestions in the comments section. #BeaAlonzo #ByBea #LifeIsBEAutiful #cooking.”

Puring-puri nga ng mga netizens si Bea habang nagluluto ng caldereta na ipinamana ng kanyang lola. Talaga namang katakam-takam ito at palagi raw kasama tuwing may okasyon sa pamilya. Lalo na 'pag Pasko at Bagong Taon, hinahanap-hanap daw ng mga kaibigan niya ang napakasarap at masarsang caldereta.

At may nag-comment na bagay talaga na magkaroon siya ng talk show sa GMA-7 dahil para siyang si Kris Aquino na ang sosyal magsalita, na hopefully i-consider talaga ng network.

May isa namang nag-comment ng, “Grabe, ang tat*nga ng mga lalaking pinakawalan si Bea. At ang suwerte ni Dominic, hays, sana sila naaaa… I will be the happiest.”

Anyway, looking forward talaga sina Bea at Dominic Roque na makabisita sa bahay nina Marian at Dingdong Dantes, na matatandaan na personal ngang inimbita ni Kapuso Primetime Queen ang premyado at bagong Kapuso actress sa isang online chikahan.

Kuwento naman ni Bea nang mag-guest sa GMA Pinoy TV Fun Con, “Doon lang talaga kami nagkaroon ng time na mag-chikahan. Because before, nakatrabaho ko rin si Dingdong sa She’s the One, pero hindi ko talaga nakasama si Marian, during our premiere night lang.”

Pahayag pa ni Bea sa mag-asawa na nagpakita ng suporta sa pamamagitan ng video greeting, “I’m happy kasi ganyan sila ka-warm mag-welcome and I’m so looking forward to working with them and having them as my friends.”

Instagram friends na nga ngayon sina Bea at Marian, at panay na ang palitan nila ng mga private messages.

Anyway, excited na talaga si Bea na matikman nila ni Dominic ang ipinagmamalaking menudo ni Marian at dahil request nga ng huli na magdala rin siya ng kanyang iniluluto.

“Gusto ko ring magluto ng caldereta ng lola ko at iba pang putahe para sa bahay nila,” ani Bea.

Imagine, 'pag pinagsama ang masasarap na menudo at caldereta nina Yan at Bea na sabi nga ay sarsa pa lang, ulam na, for sure ay mabubundat sina Dong at Dom.

Matuloy na sana ito ngayong September, para sa birthday naman ni Bea sa October 17, sina Dong at Yan naman ang dadayo sa bahay ng labs ni Dom.

Sey mo, Marjorie?.. JULIA, AYAW PANOORIN NG FANS DAHIL WALA RAW GMRC

ni Rohn Romulo - @Run Wild | September 07, 2021

Ipinasilip na ng TV5 ang official trailer ng latest collab ng Cignal Entertainment, SARI-SARI at Viva TV, ang 'Di Na Muli na pinagbibidahan ni Julia Barretto — na ipinakilala bilang ‘Drama Royalty’ — kasama ang dalawang hunks ng Viva na sina Marco Gumabao at Marco Gallo.

Muli ring magkakasama ang dating magka-love team na sina Angelu de Leon at Bobby Andrews, at ito rin ang first teleserye ni Andre Yllana.

Ipapalabas na ito sa September 18, Sabado, 8 PM, kapalit ng sinusubaybayan namin na Pinoy adaptation ng Encounter nina Cristine Reyes at Diego Loyzaga.

Mukha namang promising ang bagong drama series ng TV5, na mula sa panulat ni Noreen Capili at sa kontrobersiyal na si Direktor Andoy Ranay.

Reaction ng mga netizens sa pagbabalik-serye ni Julia at kanyang mga leading men…

“Drama Royalty?”

“Pagbibigyan ko sana kasi baka naman ok. Pero 'di ko na tinapos ang trailer nu'ng lumabas 'yung timer sa ulo. Death note ang peg, besh? Shinigami ka, Mars? Lol. Otaku ata si writer...hehe.”

“Ang pangit ng acting ng mga leading men.”

“In fairness kay Julia, hindi nauubusan ng mga proyekto kahit puro bad publicity ang naire-report o issue sa kanya.”

“Viva na kasi siya. Pansin ko sa Viva, kahit bad publicity, ginagamit nila for their alagas recently. Kahit nga si Darryl Yap na daming issues, laging may movie.”

“Ganyan naman sa Viva, famous or infamous, kumita o hindi, sikat o hindi basta nakapirma sa kanila, may projects.”

“Taray, ginaya sa About Time (TV series) drama ni Lee Sung Kyung, lol, at kailangan ba lagi, title ng kanta ang title rin ng show?”

“Oo, kasi mas may catch 'yun.”

“Guwapo ni Marco Gumabao.”

“Ang guwapo niya at parang ang lakas niya na kaya niya akong buhatin, ahihihi.”

“It's a different plot from the usual teleserye but it didn't hold my attention & interest. Boring ng dating. Directed pa naman by the non-basura-ang-trabaho Andoy Ranay.”

“Sorry (not really), hindi ko pinanood ang trailer but I'm 100% sure na super flop ito. Lagi kasing flop ang projects ni Julia. VKJ lang ang bukod-tanging successful sa kanya.”

“Ito na 'yung quality, Andoy Ranay?”

“Natamaan siya sa kahambugan niya. 'Yung palabas niya sa iWant, rip-off ng Midnight Sun. Ito, rip-off ng K-drama. 'Yung Lena, rip-off ng lahat ng revenge drama na alam mo na kung saan papunta. Sino'ng basura ngayon?”

“Ginaya sa K-drama. Yuck! Check the K-drama na same po 'yung content. Nakikita kelan 'yung time ng tao.”

“Nope, not watching. I prefer to support people with GMRC. Ano'ng katapat na shows nito?”

“Naku, waley, just interested to see the trailer, baka ma-attract akong manood. Wala talaga, pasensiya na.”

“Anyone familiar with the animé Death Note? 'Yung mga death gods du'n, ganu'n na ganu'n ang nakikita nila sa mga tao, 'yung time written in red sa taas ng ulo.”

“Is this an adaptation of a K-DRAMA? Meron na kasi nito, eh.. Si Lee Sung Kyung 'yung bida or mas kilala as Kim Book Jo, title is About Time, search n'yo… nakikita 'yung life span. Ughh, wala na bang original story, PH?”

“Not an adaptation but a RIP-OFF. I don't think nagbayad sila para kopyahin 'yung story.”

“'Di na muli. 'Di na muling sisikat.”

“Hilaw na hilaw 'yung isang guy. Sina Marco at Julia, may chemistry talaga…”

“At may nagbibigay pa pala ng project dito sa girl na ito? She can't act and her reputation is so nega/bad/infamous.”

“In fair nga, 'di siya nawawalan. Viva baby na kasi.”

"Okay na 'yan, choosy pa ba kesa naman sa mga nawalan ng career, shows at network. Pera rin 'yan, 'wag choosy. Dapat laging grateful sa panahon ngayon.”

“Pansin ko lang du'n sa gamit ng lola niya na puwede pala manghula gamit ang pang-tong-its na baraha? Nagpapahula din kasi ako pero mga tarot cards gamit nila, hindi 'yung pang-tong-its.”

“Sobrang galing ni Julia! Sayang lang ang mga pang-skit sa high school acting nu'ng dalawang boys.”

“Marunong na umarte si Julia pero si Gumabao, wala talagang improvement. 'Yung Gallo naman, okay lang. Maayos siya ru'n sa Pamilya Ko na serye.”

“Parang hindi pa nako-color grade 'yung material. Output needs to be color graded. Or 'di magaling 'yung director of photog nila? Iba 'yung timpla ng kulay. Ang flat-flat ng mga mukha ng mga artista.”

“Umay na umay na! Puwede ba, ibang angle naman, dapat sundin ang title, 'DI NA MULI gumawa ng ganitong klase na teleserye.”

“Uhm, Julia, mag-gloves ka forever para 'di mo mahawakan kamay ng iba? Hahaha! Aabangan ko 'to, tutal maganda naman 'yung huli mong show na I am U, 'di nga lang umingay.”

Well, watch na lang natin ang 'Di Na Muli, at saka natin husgahan ang serye at ang pagtatambal nina Julia at dalawang hunks na parehong Marco.

Sharonians, excited na… SHARON, NANAY NI JULIA SA SERYE NI COCO

ni Rohn Romulo - @Run Wild | September 06, 2021

Ngayon pa lang ay nagbubunyi na ang mga Sharonians dahil mukhang tuloy na tuloy na ang pagpasok ni Megastar Sharon Cuneta sa longest-running action-drama series sa bansa, ang FPJ's Ang Probinsyano.

At dahil nga sa bali-balita, nangako ang mga Sharonians na ngayon pa lang ay sisimulan na uli nilang manood ng serye ni Coco Martin, kung saan kasama na niya bilang leading lady ang rumored girlfriend na si Julia Montes.

May nabasa kami na naghahanap daw ang Dreamscape ng gaganap na nanay ni Julia at may humula na baka si Sharon 'yun.

May naalala tuloy kami a year ago, na noon pa gustong makasama ni Sharon si Coco sa movie. Si Coco naman, nagkaroon ng concept sa movie na puwede nilang gawin ni Mega. Nabubuhay pa noon si Direk Wenn Deramas na siya sanang magdidirek, pero bigla naman itong pumanaw, at nawala na ang project nina Sharon at Coco.

Aba, mukhang mauunahan pa siya ni Julia kung 'yun nga ang character na ibibigay kay Sharon.

Anyway, may iba namang Sharonians ang humuhula na baka maging First Lady siya ni Rowell Santiago na gumaganap na president sa serye.

Well, kung matutuloy talaga si Sharon, sisiguraduhin naman nina Coco na pasabog talaga at magmamarka ang kanyang role para naman 'di sayang ang pagkakasama niya sa Ang Probinsyano na namamayagpag pa rin sa ika-anim na taon.