Inalok sa porn movie... RONNIE: HINDI AKO NAGPAKAHIRAP MAGING PILOTO PARA MAGHUBAD

ni Rohn Romulo - @Run Wild | November 12, 2022

Sa Instagram post ni Ronnie Liang, isiniwalat niya ang kanyang pagkadismaya nang alukin siya na maging bida ng isang porn film, bagama't hindi niya sinabi kung sino ang nag-offer sa kanya.

Kasama sa IG post ang topless photo niya na kuha sa isang pool at nag-viral nga ang naturang post sa Twitter.

Pag-amin ng mang-aawit, "I got pissed off and disappointed. I was offered and urged to do PORN movies... Thanks, but NO thanks po."

Pagpapatuloy niya, "I did not sacrifice and study hard all these years only to show my private parts in public—Nakakahiya! Without trying to brag, I am already an Army Reservist Officer, a pilot, a Master's degree holder, a brand ambassador of some companies, and other government agencies.

"Madami pa po akong puwedeng gawin at 'pag ginawa ko 'yan (paghuhubad), madaming mawawala sa akin."

Paglilinaw pa niya, "Most importantly, please understand that I am a Christian and a follower of Christ. Whatever I have achieved and everything I do is for the honor and glory of God. I am not perfect, super rich, or super famous, but to me, fame and money are only temporary.

"Self-respect and the respect of my colleagues in and out of showbiz are forever more vital to me.

Okay lang naman po kung wala akong movie or project. Sa iba n'yo na lang po ibigay ang lead role na 'yan."

Panghuli pa niya, "Hanggang ganito lang po ang puwede kong ipakita."

Ang wa-wild naman ng comments ng ibang Marites na nakisawsaw sa isyu.

"I admired Ronnie Liang sa achievements niya, pero sana, simpleng 'Pass po ako sa ganyang project' puwede nang sagot. Bakit ang haba ng litanya niya?"

"Why the need to post it kung ayaw naman pala? Ang dami pang sinabi, gusto lang magpapansin."

"I like Ronnie, a man with good values who is trying to live life the right way. We need more people like him," papuri naman ng isa.

Pero mas maraming nega comments like, "Sex-work shaming si kuya."

"Parang... hindi naman siya porn star material... Face or body are waley."

"Oh, sa actor na tatanggap ng role na in-offer sa kanya, 'lam mo na. Wala ka raw self-respect! Hindi ka kasi Christian! Christians lang ang may self-respect!"

---

JOHN, CHRISTIAN, DINGDONG, DANIEL AT PIOLO, LABAN-LABAN SA PAGKA-BEST ACTOR

Tiyak na magiging mahigpit na naman ang labanan para sa major awards ng ika-limang edisyon ng The EDDYS ng Society of Philippine Entertainment Editors (SPEEd) na magaganap sa November 27, 2022 sa Metropolitan Theater o MET.

Ang limang dekalidad at pinag-usapang pelikula noong nakaraang taon ang magbabakbakan sa Best Film at kabilang diyan ang Arisaka (Ten17 Productions), Big Night (IdeaFirst Company), Dito at Doon (TBA Studios); Kun Maupay Man It Panahon (Black Sheep, Globe Studios, Dreamscape Entertainment), at On The Job: The Missing 8 (Reality Entertainment).

Nominado naman sa kategoryang Best Director sina JP Habac (Dito at Doon); Jun Lana (Big Night); Carlo Francis Manatad (Kun Maupay Man it Panahon); Erik Matti (On the Job: The Missing 8); at Mikhail Red (Arisaka).

Makikipagtunggali naman si Ms. Charo Santos sa pagka-Best Actress (via Kun Maupay Man It Panahon) kalaban sina Alessandra de Rossi (My Amanda); Janine Gutierrez (Dito at Doon); Kim Molina (Ang Babaeng Walang Pakiramdam); at Maja Salvador (Arisaka).

Kaabang-abang din kung sino ang tatanghaling pinakamahusay na aktor mula sa mga nominadong sina John Arcilla (On The Job: The Missing 8) na nominated din bilang Supporting Actor para sa Big Night; Christian Bables (Big Night); Dingdong Dantes (A Hard Day); Daniel Padilla (Kun Maupay Man It Panahon); at Piolo Pascual (My Amanda).

Ang ika-limang edisyon ng The EDDYS ay sponsored ng Globe Telecoms kasama ang Beautederm, at sa pakikipagtulungan ng Tanduay, Dr. Carl Balita of Dr. Carl Balita Foundation, JFV Rice Mill at ni Bataan Rep. Geraldine B. Roman.

Ito ang pagbabalik ng Society of Philippine Entertainment Editors (SPEEd) sa face-to-face event matapos ang virtual na pagdaraos ng 4th EDDYS nitong nagdaang 2021.

Ang OPM icon at premyadong singer-songwriter na si Ice Seguerra ang magdidirek ng ika-limang edisyon ng The EDDYS. Siya rin ang nagdirek ng 4th EDDYS last year.

Samantala, ang award-winning TV personality na si Boy Abunda naman ang magsisilbing host ng taunang pagbibigay ng parangal ng SPEEd.

Tulad ng mga nakaraang taon, ang auditing firm pa rin nina Juancho Robles (Chan Robles & Company, CPAs) ang mamamahala sa pagbibilang ng mga boto para sa 5th EDDYs.

Narito ang kumpletong listahan ng mga nominado sa ikalimang edisyon ng The EDDYS.

BEST FILM

Arisaka (Ten17 Productions)

Big Night (IdeaFirst Company)

Dito at Doon (TBA Studios)

Kun Maupay Man It Panahon (Black Sheep, Globe Studios, Dreamscape Entertainment)

On The Job: The Missing 8 (Reality Entertainment).

BEST DIRECTOR

JP Habac (Dito at Doon)

Jun Lana (Big Night)

Carlo Francis Manatad (Kun Maupay Man it Panahon)

Erik Matti (On the Job: The Missing 8)

Mikhail Red (Arisaka)

BEST ACTRESS

Alessandra de Rossi (My Amanda)

Janine Gutierrez (Dito at Doon)

Kim Molina (Ang Babaeng Walang Pakiramdam)

Maja Salvador (Arisaka)

Charo Santos (Kun Maupay Man It Panahon)

BEST ACTOR

John Arcilla (On The Job: The Missing 8)

Christian Bables (Big Night)

Dingdong Dantes (A Hard Day)

Daniel Padilla (Kun Maupay Man It Panahon)

Piolo Pascual (My Amanda)

BEST SUPPORTING ACTRESS

Janice de Belen (Big Night)

Lotlot de Leon (On The Job: The Missing 8)

Eugene Domingo (Big Night)

Elizabeth Oropesa (Huwag Kang Lalabas)

Rans Rifol (Kun Maupay Man It Panahon)

BEST SUPPORTING ACTOR

John Arcilla (Big Night)

Mon Confiado (Arisaka)

Ricky Davao (Big Night)

Christopher de Leon (On The Job: The Missing 8)

Dennis Trillo (On The Job: The Missing 8)

BEST CINEMATOGRAPHY

Neil Derrik Bion (On the Job: The Missing 8)

Mycko David (Arisaka)

T.M. Malones (Huwag Kang Lalabas)

Teck Siang Lim (Kun Maupay Man It Panahon)

Noel Teehankee (For Love or Money)

BEST PRODUCTION DESIGN

Whammy Alcazaren (Kung Maupay Man It Panahon)

Michel N. Español, Roma Regala (On the Job: The Missing 8)

Arthur Maningas (Huwag Kang Lalabas)

Jay Custodio (Huling Ulan sa Tag-araw)

Norico Santos (Love is Color Blind)

BEST SCREENPLAY

Erik Matti, Michiko Yamamoto (On The Job: The Missing 8)

Giancarlo Abrahan, Carlo Francisco Manatad, Jeremie Dubois (Kung Maupay Man It Panahon)

Juna Lana (Big Night)

Acy Ramos, Irish Precious Mangubat (Huling Ulan sa Tag-araw)

Khristine Gabriel, Simon Arciaga (Love is Color Blind)

BEST MUSICAL SCORE

Malek Lopez, Arvin Nogueras, Erwin Romulo (On the Job: The Missing 8)

Andrew R. Florentino (Kun Maupay Man It Panahon)

Teresa Barrozo (Big Night)

Jerrold Tarog (Dito at Doon)

Cesar Francis Concio (Love is Color Blind)

BEST SOUND

Immanuel Verona (Arisaka)

Immanuel Verona (Big Night)

Andrew Forentino (Kun Maupay Man It Panahon)

Corinne de San Jose (On The Job: The Missing 8)

Mikoy Morales (Huwag Kang Lalabas)

BEST EDITING

Nikolas Red (Arisaka)

Benjamin Tolentino (Big Night)

Jay Halili (On The Job: The Missing 8)

Bienvenido Ferrer III (Kun Maupay Man It Panahon)

Marya Ignacio (Love is Color Blind)

Renard Torres (Dito at Doon)

BEST ORIGINAL THEMESONG

"Maaari Ba" (from Love at First Stream)

Performed by Alyssa Quijano

words and music by Richard Salazar

"Sana Panaginip Lang" (from Love at First Stream)

Performed by Trisha Denise

words and music by Richard Salazar

"For Your Eyes Only" (from Love is Color Blind)

Performed by Belle Mariano

words and music by Trisha Denise

"Maganda Kahit Matanda" (from Revirginized)

Performed by Marion Aunor

words and music by Marion Aunor

"Maghihintay" (from More Than Blue)

Performed by Marion Aunor

words and music by Marion Aunor

BEST VISUAL EFFECTS

Maolen Fadul (Big Night)

Gerwin Meneses (Huwag Kang Lalabas)

Sam Manacsa, Nimrod Sarmiento (Kun Maupay Man It Panahon)

Bernadeth Bolima, Mark Danielle Paras (On The Job: The Missing 8)

The Post Office (The ExorSis)

MAINE, ‘Di PA RIN KAYANG TAWAGING MOMMY SI SYLVIA

ni Rohn Romulo - @Run Wild | November 7, 2022

Ramdam na ramdam ang labis na kaligayahan ng award-winning actress at producer na rin na si Sylvia Sanchez sa kanyang pagbati sa anak na aktor at congressman na si Arjo Atayde.

Kasama ang photo ng kanilang video call at isa pa na magkasama rin sina Arjo at Maine Mendoza na naka-wacky face, caption ni Sylvia sa kanyang IG post, “First time ng pamilya na hindi ka nakasama sa birthday mo, pero happy kami kasi alam naming sobrang happy ka dahil kasama mo ang pinakamamahal mong si Bubba. Happy, Happy Birthday @arjoatayde."

Dagdag pa ni Ibyang, "Enjoy your trip with Bubba @mainedcm. Love you, mga anak."

Nagpasalamat naman si Cong. Arjo sa kanyang mother dear, "I love you more, Ma. Thank you for EVERYTHING!"

Comment naman ni Maine, "Thank you, tita."

Pinusuan nga ni Maine ang IG post na ito ni Sylvia at maging ng ilang celebrities at tuwang-tuwa ang mga netizens at fans ni Maine.

Say nga nila, "@mainedcm TY Mommy na lang, hehehehe."

"@mainedcm and soon you'll call her mommy."

"Sweet naman ni Mommy Ibyang, talagang full support. Naku, Maine, next year, mommy na ang tawag mo kay Aling Ibyang."

"@mainemdcm Enjoy lang kayo ni Congressman @arjoatayde God is always with you guys!

Happy birthday, Congressman Arjo."

"Happy birthday, Arjo! Next time ‘pag nag-birthday ka, married ka na, hehe."

Samantala, proud na proud naman na ipinost ni Sylvia ang article sa Deadline Hollywood tungkol sa upcoming action film ng premyadong aktor.

"So excited to share with you a project we’ve been working on for months," panimula ng aktres.

"Sharing with you this action film TOPAKK by Richard Somes starring Arjo Atayde, Julia Montes, Sid Lucero, Kokoy De Santos. The film is getting the international push from Toronto, Canada based genre specialist Raven Banner. This is a collaboration of Strawdogs Production and our very own Nathan Studios. Special thanks to TagTeam for the intense stunts!"

Oh, wow, after nga na mag-premiere ang mini-series na Cattleya Killer na joint venture ng ABS-CBN International Productions and Nathan Studios, kung saan kasama rin si Ria Atayde, tiyak na pag-uusapan na naman ang pagganap dito ni Cong. Arjo.

Happy birthday, Arjo! Stay happy with your future wife, Maine.

Magkasama ngayon ang dalawa na nagbabakasyon sa Europa.

At sa latest post ni Maine, na may simple caption na, “Happy birthday," nagpatikim sila ng nakaka-good vibes na photo na nasa background ang Eiffel Tower sa Paris, France, kaya pasok na pasok ang celebrity couple sa 'Lovers in Paris'.

Kaya aabangan ang iba pa nilang paandar sa pag-iikot sa tinaguriang City of Love.

Tanggap na ang karibal ang reyna… KAREN, UMAMING NAHIRAPAN NA PINAGSASABONG SILA NI KORINA

ni Rohn Romulo - @Run Wild | November 1, 2022

Naganap na ang sinasabing imposibleng 'one-on-one' interview sa Korina Interviews na ipinalabas sa NET25 at sa kanilang YouTube channel last Sunday kung saan harap-harapang tinanong ni Korina Sanchez-Roxas si Karen Davila kung bakit sila pinag-aaway.

Sa bandang huli nga ng exclusive interview ni Korina, sinagot ito ni Karen ng, "Eh, kasi naman, ikaw 'yung reyna."

Say naman ni Ate Koring, “Teka muna, 'wag mo munang sagutin, sandali, kakain pa tayo ng salad…” at saka sila nag-high five at nagtawanan.

Nag-prepare nga si Karen ng pomelo salad with cashew nuts and carrots at flourless chocolate cake. Sa pagbabalik ng Korina Interviews ay sinimulan na nilang kainin ang healthy salad na inaming favorite rin ni Ate Koring at may pang-aasar pa ito kay Karen na, "So, kakain na tayo. Kung makakain ka?"

Para sa maraming taga-industriya, ang one-on-one sa pagitan nina Korina at Karen ay imposible at 'di nga makapaniwala na sinagot naman ni Korina, "Bakit, ano ba'ng problema n'yo? Saan n'yo ba nakukuha 'yan at bakit ba ang tingin n'yo, magkagalit kami ni Karen Davila?"

Sagot naman ni Karen, "Ang feeling ko, siguro nga, work wise, parang it's a competitive environment where we used to work. So, parang they always pit people against each other. Let's say after Korina, nand'yan si Karen, at napakahirap nu'n for any woman, kasi nga, you feel minsan, either may hinahabol ka or hinahabol ka. You understand."

Napag-usapan na ang dalawa bilang “magkalaban” sa kanilang dating network na ABS-CBN mula noong 90’s, kaya never pa silang nagkatrabaho sa isang proyekto.

Pag-amin pa ng panghihinayang ni Karen, "I would have to say this, from the bottom of my heart, ako sa pananaw ko, isa sa mga nasayang na panahon ko sa ABS-CBN is 'yung hindi kita nakilala noon. I'll be honest, dahil siguro pareho talagang busy.

"But I feel, it was lost opportunity for me, for both of us. I wish, I have gotten to know then. Even as a mentor, ha, and the whole experience of getting to know you. We never got to do that."

Nag-agree naman si Korina, dahil sobrang busy nga nila sa work, iba-iba ang schedules nila. Kahit si Bernadette Sembrano at Loren Legarda, ay hindi rin niya masyadong nakakatsikahan, dahil ang palagi niyang nakakasama ay si Ted Failon na partner niya.

Naloka nga si Korina nang humirit ng tanong si Karen kung niligawan pa siya ni Ted, na that time daw ay may asawa na, kaya parang wala namang ligawang nangyari.

Paglilinaw pa ni Korina, naunahan pa raw ng intriga na since pinalitan siya ni Karen sa TV Patrol ay baka nagalit siya. Desisyon daw 'yun ng management. In-invite pa raw niya si Karen nang tumakbo ang asawa na si Mar Roxas.

Sa middle part ng interview, hindi nga napigilang maluha ni Karen sa pagkukuwento sa kanilang pinagdaanan na mag-asawa sa pagkakaroon ng 'special child' na muntik na palang mamatay sa kanilang harapan noong 2019.

Marami pang rebelasyon si Karen sa buhay niya, kagulat-gulat lalo na 'yung pinagdaanan niyang depresyon.

Napapanood tuwing Linggo, ika-5 ng hapon ang Korina Interviews sa NET25, at puwedeng balik-balik ang mga episodes sa kanilang YouTube channel.

Dagdag-rebelasyon pa ni Ate Koring, “I didn’t know that Karen and I have so many things in our lives in-common. And it really surprised me."

Puring-puri naman ng mga netizens sina Korina at Karen sa kanilang masaya at mapusong kuwentuhan, na tanging sa NET25 lang naganap.

Wish ng mga netizens, magkaroon ng part two, dahil sobrang bitin talaga ang episode na ito.

At dahil naging matagumpay ang pagtatagpong ito, aabangan naman ang pagge-guest ni Korina sa YT vlog ni Karen.

May nagwi-wish din na sana raw sa mga future episodes ay isa si Jessica Soho sa mga mai-feature ni Ate Koring, na for sure, pag-uusapan din nang husto ang kanilang pagtatapat.