Graceful Gift mahusay sa PHILRACOM 3-YO Race

ni Green Lantern @Renda at Latigo | Marso 18, 2024

Nagpakitang-gilas sa rektahan si Graceful Gift matapos nitong manalo sa 2024 PHILRACOM 3-Year-Old & Above Maiden race na nilarga sa Metro Turf, Malvar - Tanauan City, Batangas noong Sabado ng hapon.

Nagmasid sa tersero puwesto si Graceful Gift sa kaagahan ng karera habang naglulutsahan sa unahan ang matutulin sa largahan na sina Victorious at Spirit Of Might.

Papuntang far turn ay kumuha na ng unahan si Spirit Of Might habang nasa pangalawa na si Golden Jaraywa pero ilang segundo lang ay kumapit na rin ang winning horse na si Graceful Gift.

Kaya naman pagsapit ng huling kurbada ay pangalawa na si Graceful Gift habang lamang ng tatlong kabayo sa unahan si Spirit Of Might.

Solo na tumatakbo sa unahan si Spirit Of Might sa rektahan pero sa huling 50 metro ng karera ay parang poste na nilampasan ni Graceful Gift ang una at nanalo ng may dalawang kabayo ang agwat.

Nirendahan ni Pabs Cabalejo, inirehistro ni Graceful Gift ang tiyempong 1:28.6 minuto sa 1,400 meter race sapat upang hamigin ng winning horse owner na si Paolo Mendoza ang  P22k added prize.

Kinubra naman ng breeder ng nanalong kabayo ang P4,500 habang tig-P1k at P500 ang second at third ayon sa pagkakasunod.

Dumating na tersero si Ginger Cat habang pang-apat si Golden Jaraywa sa event na suportado ng Philippine Racing Commission, (PHILRACOM) ni Chairman Reli de Leon.

Samantala, walong races ang pinakawalan ng Metro Manila Turf Club Inc. (MMTCI) noong Sabado kaya nasiyahan ang mga karerista sa kanilang pananaya.

Tiyak na aabangan ng karerista ang susunod na takbo ni Graceful Gift ito'y dahil impresibo ang ipinakita nitong performance sa kanyang panalo. 

Worshipful Master tampok sa Maiden Race

ni Green Lantern @Renda at Latigo | Marso 17, 2024

Mapapalaban ng todo si Worshipful Master pagsalang nito sa 2024 PHILRACOM 3-Year-Old Maiden Stakes race na ilalarga sa Metro Turf, Malvar - Tanauan City, Batangas, ngayong araw.

Rerendahan ni veteran rider MM Gonzales si Worshipful Master upang harapin ang pitong batang kabayo na kasali sa distansyang 1,400 meter race.

May nakalaan na P1.2M na garantisadong premyo na ikakalat sa unang anim na kabayong tatawid sa meta sa event na suportado ng Philippine Racing Commission, (PHILRACOM) ni Chairman Reli de Leon.

Makakatagisan ng bilis ni Worshipful Master sina Regalberto, Da Compolsive,Wuteri Kanyon, The Dream, High Dollar, Bolt Champ, Hans City at Primavera.

Ayon sa komento ng mga karerista sa social media, posibleng magbigay ng magandang laban kay Worshipful Master sina Primavera at High Dollar.

Kukubrahin ng mananalong kabayo ang P720,000, mapupunta sa pangalawa ang P240,000, ibubulsa ng tersero ang P120,000 habang tig P60,000, P36,000 at P24,000 ang fourth hanggang sixth placers ayon sa pagkakasunod. Magbubulsa rin ang breeder ng mananalong kabayo ng P60,000 habang tig-P36,000 at P24,000 ang second at third.

Samantala, walong races ang pakakawalan ng Metro Manila Turf Club Inc. (MMTCI) ngayong araw ng Linggo kaya naman tiyak na masaya ang mga karerista sa kanilang paglilibang. 

Mga Pili ni Green Lantern:

Race 1 - Batang Kankaloo (5), May Ten (4)

Race 2 - Pharoahs Treasure (7), Bombay Nights (2)

Race 3 - Worshipful Master (8), High Dollar (5), The Dream (4), Primavera (9)

Race 4 - Arrogante (4), Lucky Strike (9), California King (12), Louiseville (11)

Race 5 - Hakeem/Charm Campaign (4/4A), King Tiger (7), Tugatog (8), Orange Bell (6)

Race 6 - Sinag (1), Raxa Bago (3), Christiano (5), Golden Buzzer (7)

Race 7 - Super Earth (1), Magandang Dilag (11), Caring Melody (10), Savawani (5)

Race 8 - Matikas (6), Work From Home (1), Yabadabadur (13), Oradas Gray (2)

War Chief masusubukan sa 3-YO Maiden Race

ni Green Lantern @Renda at Latigo | Marso 8, 2024

Kikilatisin ng mga karerista ang husay ni War Chief na sasabak sa 3-Year-Old & Above Maiden race na ilalarga sa Metro Turf, Malvar - Tanauan City, Batangas, ngayong araw.

Gagabayan ni class A rider Kelvin Abobo si War Chief upang makipagtagisan ng bilis sa 12 tigasing kabayo sa distansiyang 1,400 meter race.

May P22,000 added prize na hahamigin ng winning horse owner, ang ibang kasali ay sina Animo La Salle, Mink Coat, Creation Of Adam, Spirit Of Might, Leviathan, Anyah Anyah, Victorious, Chiller, Footloose at magkakamping Lyn's Pride at Black Diamond.

Base sa mga karerista, posibleng magbigay ng magandang laban kay War Chief ay sina Creation Of Adam, Spirit Of Might at Wild Is The Wind.

Pakakawalan sa Race 1 ang nasabing karera na suportado ng Philippine Racing Commission, (PHILRACOM) ni Chairman Reli de Leon.

Paniguradong markado sa mga liyamadista si War Chief na pag-aari ni Melaine Habla.

Ibubulsa naman ng breeder ng mananalong kabayo ang P4,500 habang tig-P1,000 at P500 ang second at third ayon sa pagkakasunod.

Samantala, 9 na races ang ilalarga ng Metro Manila Turf Club Inc. (MMTCI) ngayong araw ng Biyernes kaya mahaba-haba ang paglilibang ng mga karerista. 

Mga Pili ni Green Lantern:

Race 1 - War Chief (6), Creation Of Adam (4), Mink Coat (3), Footloose (13)

Race 2 - Dont Stop Believin (2), Kindra (3)

Race 3 - Queensland (2), Gee's Song (4)

Race 4 - Money For Biffany (6), I Tell You (4), Mabuhay (8)

Race 5 - Jacqueline (7), Oh Rootie (4), Red Hawk (6)

Race 6 - Lord Luis (4), Sir Jason (1), Kahit Sino Ka Pa (6)

Race 7 - Magnolia Yana (8), Malibu Bell (7), Valued friendship (1), Stand In Faith (2)

Race 8 - Early Bird (6), Static (5), Lemon Bell (1)

Race 9 - California King (11), Tawi Tawi (14), Real Equity (8), Papa Ohh Mamaw (6)