Abangers uli ang mga karerista sa Turf Race

ni Green Lantern @Renda at Latigo | Pebrero 7, 2024

Nakaabang ang mga karerista sa muling pag-iskedyul ng na-postpone na labanan sa 2024 PHILRACOM "Japan Cup" race na ilalarga sana noong Linggo sa Metro Turf, Malvar sa Tanauan City, Batangas.

Usapan sa karerahan na ngayong Pebrero din pakakawalan ang nasabing stakes race ayon sa mga usap- usapan sa social media.

Bukod sa Japan Cup, abangers din ang racing aficionados sa Commissioner's Cup III na ikakasa ng Philippine Racing Commission, (PHILRACOM) at tiyak na sasalihan ito ng mga tigasing kabayo sa bansa.

Ilalarga ang Commissioner's Cup sa Pebrero 24, (Sabado) sa parehong lugar na nabanggit.

May nakalaan sa Commissioner's Cup na P500,000 guaranteed prize na ikakalat sa unang anim na kabayong tatawid sa meta.

Wala pang mga nagsaad ng paglahok sa karerang may distansiyang 1,600 meter race pero umaasa ang pamunuan ng karerahan na sa susunod na Linggo ay maipa-paskil na nila ang mga tatakbong kabayo.

Ang mga puwedeng sumali sa karera ay mga kabayong apat na taon pataas na local born.

Samantala, mananatili ang orihinal na lineup sa Japan Cup pag larga nila sa pista.

Nasa listahan pa rin sa line up ang Senshi Spirit, Bombay Nights, Speed Fantasy, In The Zone, Darleb, Kazachan at Pharoahs Treasure.

Nagkaroon ng shut down sa system ng United Tote sa Cebu at hindi sila magkakaroon ng betting doon kaya kinansela ang karera noong Linggo. Humihingi naman ng paumanhin ang PHILRACOM sa mga karerista na nais maglibang. 

Bombay Nights sumiklab sa Japan Cup Trial Race

ni Green Lantern @Renda at Latigo | Pebrero 6, 2024

Nagpasiklab si Bombay Nights matapos manalo sa 2024 PHILRACOM "Japan Cup Trial Race noong Linggo ng gabi sa Metro Turf, Malvar sa Tanauan City, Batangas.

Kahit hindi opisyal na labanan ay ipinakita pa rin ni Bombay Nights ang galing nito sa karerahan.

Ginawang trial race ang nasabing event dahil hindi natuloy ang karera noong Linggo, nagkaroon kasi ng shutdown sa kable ng United Tote sa Cebu.

Kaya walang betting ang magaganap at napagpasyahan ng Philippine Racing Commission, (PHILRACOM) officials sa pamumuno ni Chairman Reli de Leon na ipagpaliban ang nasabing iskedyul ng karera kasama ang nasabing stakes race.

Pinakawalan ang Japan Cup bilang trial na lamang para hindi masayang ang oras ng mga racing aficionados na nagpunta sa karerahan para saksihan ang magandang bakbakan.

Ayon sa ibinigay na abiso ng PHILRACOM, patatakbuhin pa rin ang Japan Cup kung saan ay pareho pa rin ang lineup.

Pinakitaan ni Bombay Nights ang mga karerista sa husay nito sa rematehan kaya naman tinawid nito ang meta ng may kalahating kabayo ang agwat sa pumangalawang si Pharoahs Treasure.

Sinakyan ni former Philippine Sportswriters Association, (PSA) - Jockey of the Year awardee Jonathan Basco Hernandez, inirehistro ng Bombay Nights ang tiyempong 1:39.8 sa 1,600 meter race.

Orihinal na distansiya ng karera ay 1,800 meter race, binawasan na lang ito dahil trial lang naman.

Tumersero ang Senshi Spirit habang pang-apat ang Speed Fantasy.

Humingi naman ng pasensya sa mga karerista sa pamunuan ng PHILRACOM.

Samantala, tiyak na aabangan ng mga karerista ang iskedyul ng Japan Cup at posibleng mag-iba ang pili ng mga karerista pagkatapos na masilayan ang laban.

Senshi Spirit sasalang sa PHILRACOM Japan Cup

ni Green Lantern @Renda at Latigo | Pebrero 4, 2024

Nakatuon ang mga liyamadista kay Senshi Spirit pagsalang nito sa pista sa magaganap na 2024 PHILRACOM "Japan Cup"na ilalarga sa Metro Turf, Malvar sa Tanauan City, Batangas ngayong araw.

Makakaharap  ni Senshi Spirit ang anim na tigasing kabayo sa distansiyang 1,800 meter race.

May nakalaan na P1-M guaranteed prize na ikakalat sa unang apat na kabayong tatawid sa meta, ang ibang kalahok ay sina Darleb, Bombay Nights, In The Zone, Kazachan, Pharoahs Treasure, Senshi Spirit at Speed Fantasy.

Magtutulungan sina In The Zone at Speed Fantasy upang silatin ang pinapaborang si Senshi Spirit na sasakyan ni former Philippine Sportswriters Association, (PSA) - Jockey of the Year awardee Patricio Ramos Dilema.

Kukubrahin ng mananalong kabayo ang P600,000, mapupunta sa second placer ang P225,000 habang tig- P125,000 at P50,000 ang third at fourth ayon sa pagkakasunod.

Ayon sa komento ng mga karerista sa social media, posibleng magpakitang-gilas ang magkakamping sina In The Zone at Speed Fantasy.

Samantala, si Righteous Ruby ang defending champion sa nasabing event pero hindi na nito maipagtatanggol ang kanyang korona dahil nagretiro na ito sa karera ngayong taon. Walong races ang pakakawalan ng Metro Manila Turf Club Inc. (MMTCI) ngayong araw ng Linggo kaya medyo masaya ang paglilibang ng mga karerista. 

Mga Pili ni Green Lantern:

Race 1 - Boss Lady (1), Beltuna (4)

Race 2 - Catsinthecradle (3), Namaskar (2), Humble Strike/Raxa Bago (1/1A)

Race 3 - Saoirse (2), Apollo (1), Express Lane (4)

Race 4 - Don Pedro (1), Boss Nova (2)

Race 5 - Senshi Spirit (1), Speed Fantasy/In The Zone  (3/3A)

Race 6 - Batang Cabrera (6), Diversity (2), Orange Bell (1)

Race 7 - Step Bell (4), Manila Boy (3), Boni Avenue (5)

Race 8 - Miney For Gabriel (6), California King (4), Domsat Seven (2)