Rizal monument, ilalagay sa Alberta, Canada

ni Lolet Abania | June 3, 2021

Isang 3-talampakang monumento ng Pambansang Bayani na si Dr. Jose Rizal ang nakatakdang ilagay sa isang parke sa Alberta, Canada.

Ayon sa Department of Foreign Affairs (DFA), mula sa obra ng Pilipinong iskultor na si Toym Imao, ang Rizal monument ay ilalagay sa Nose Creek Regional Park sa Airdrie, isang sikat na venue para sa Filipino community events, bilang tribute rin sa mga Pinoy na nasa Alberta.

“The Rizal Monument will be a tribute to all the hardworking Filipinos in Alberta, which hosts the second-largest Filipino population in Canada, and will be a source of pride for the whole Filipino community,” ani Philippine Consul General Zaldy Patron sa isang statement ngayong Huwebes.

Sinabi rin ng DFA na una nang iminungkahi ni Patron ang nasabing monument kay Airdrie Mayor Peter Brown noong Hunyo, 2019.

Inaprubahan naman ito ng Airdrie City Council sa kanilang March 1 at April 6 sessions.

“We are very proud and pleased to announce our support for a community project that recognizes and celebrates Airdrie’s unique Filipino heritage,” sabi ni Brown.

“The monument will make a welcome addition to our already beloved Nose Creek Regional Park,” dagdag niya.

Inaasahang makukumpleto ang Rizal monument sa October, 2021.

‘Pinas, 2nd most “Instagrammable” place sa buong mundo

ni Ronalyn Seminiano Reonico | January 16, 2021

Kinilala bilang pangalawa sa most “Instagrammable” na lugar ang Pilipinas, ayon sa travel website na Big 7 Travel. Sa inilabas na Top 50 list ng Big 7 Travel, sinundan ng Pilipinas ang Japan na nangunguna sa listahan.

Ito ay base umano sa "a scoring system that analyzed the amount of hashtags per destination, survey results from our social audience, and input from our editorial team." Sumunod sa ‘Pinas ay ang Paris, France; New York City, USA; Istanbul, Turkey; Dubai, UAE; Havana, Cuba; Sydney, Australia; London, England; at ang Chicago, USA.

Saad pa ng Big 7 Travel, “There’s no doubt the Covid pandemic has brought about a new appreciation for travel.

With many around the globe eager to pack their bags and head to the next bucket-list destination, those Insta-worthy shots are sought after now more than ever.

Whether you aim to capture the cultural allure, scenic beauty or mouthwatering food of a destination, this list has you in mind.

“Home to incredible natural wonders like an underground river and tranquil rice terraces in addition to a vibrant culture and history spanning several millennia, and over 7,500 islands – the Philippines as a whole are extremely Instagrammable. From the bustling capital of Manila complete with colourful colonial streets to the absolute oasis of Boracay, the gram opportunities here are endless.”

5 tips para sa maayos na virtual party

ni Hiraya - @No Problem| December 20, 2020

Dahil ibang-iba ang 2020, napakarami nating adjustment. Marami ring mga aktibidad at tradisyon ang hindi natin nagawa dahil hindi pa safe.

At ngayong Kapaskuhan, bawal pa rin ang mass gathering para iwas-hawaan, kaya for sure, “virtual party” na lang muna ang ganap ng karamihan sa atin.

Pero ang tanong, paano naman ito gagawin? Worry no more dahil narito ang ilang tips para first-ever virtual party ninyo:

1. PUMILI NG TEMA. Bukod sa pula at berde, marami pang kulay na puwedeng gamitin bilang tema sa inyong virtual party. Gayunman, puwede ring gumawa ng tema base sa paborito ninyong holiday movie. Dahil first time ito, pumili muna ng madali at komportableng tema na swak sa personality ninyong magkakaibigan o pamilya.

2. MAGPADALA NG IMBITASYON. Pagkatapos pumili ng tema, magpadala ng imbitasyon sa iyong guests. Make sure na maganda at mapapa-“wow” ang makatatanggap nito para sure na hindi sila tatanggi. He-he-he!

3. MAGHANDA NANG MAAGA. Para iwas-stress at hindi magahol sa oras, puwedeng-puwede kang maghanda nang isa o dalawang araw bago ang virtual party. Halimbawa, kung magluluto para sa pamilya, ihanda na ang mga rekado o kagamitang kailangan para tuluy-tuloy ang pagkilos at hindi maabala ang party.

4. HOLIDAY PLAYLIST. Ang paghahanap at pamimili ng music para sa party ay isa sa mga pinaka-chill na gawain. Ang paggamit ng holiday playlist o music ay makatutulong para ma-set ang mood ng party kahit hindi kayo magkakasama.

5. HUMINGI NG TULONG. Akala natin, madali lang itong gawin dahil hindi kailangang maglinis ng bahay, magluto para sa mga bisita at kung anu-ano pa, kaya feeling natin ay hindi kailangang humingi ng tulong sa iba. Pero kung hindi ka gaanong techy o maalam sa mga teknikal na bagay, oks lang naman humingi ng tulong sa iyong kapamilya o kaibigan para maging successful ang ganap na ito.

Oh, mga beshies, may time pa kayo para mag-isip at mag-imbita. Make sure na gagawin n’yo ang tips na ito para iwas-stress ang inyong kauna-unahang virtual party. Copy?